ਚੰਡੀਗੜ੍ਹ-
5 ਆਈਏਐਸ ਅਤੇ ਐਚਸੀਐਸ ਅਫ਼ਸਰਾਂ ਦਾ ਤਬਾਦਲਾ ਹਰਿਆਣਾ ਸਰਕਾਰ ਦੇ ਵਲੋਂ ਕੀਤਾ ਗਿਆ ਹੈ। ਮੁੱਖ ਸਕੱਤਰ ਸੰਜੀਵ ਕੌਸ਼ਲ ਵੱਲੋਂ ਜਾਰੀ ਹੁਕਮਾਂ ਵਿੱਚ ਮੁੱਖ ਚੋਣ ਕਮਿਸ਼ਨਰ ਅਤੇ ਹਰਿਆਣਾ ਚੋਣ ਵਿਭਾਗ ਦੇ ਪ੍ਰਮੁੱਖ ਸਕੱਤਰ ਅਨੁਰਾਗ ਅਗਰਵਾਲ ਨੂੰ ਕਿਰਤ ਵਿਭਾਗ ਦੇ ਪ੍ਰਮੁੱਖ ਸਕੱਤਰ ਦਾ ਵਾਧੂ ਕਾਰਜਭਾਰ ਸੌਂਪਿਆ ਗਿਆ ਹੈ। ਆਈਏਐਸ ਡਾ. ਬਲਪ੍ਰੀਤ ਸਿੰਘ ਗੁਰੂਗ੍ਰਾਮ ਵਿੱਚ ਐਚਐਸਵੀਪੀ ਪ੍ਰਸ਼ਾਸਕ, ਵਧੀਕ ਡਾਇਰੈਕਟਰ ਅਰਬਨ ਅਸਟੇਟ ਅਤੇ ਗੁਰੂਗ੍ਰਾਮ ਮੈਟਰੋਪੋਲੀਟਨ ਸਿਟੀ ਬੱਸ ਲਿਮਟਿਡ ਦੇ ਸੀਈਓ ਦੀ ਜ਼ਿੰਮੇਵਾਰੀ ਸੰਭਾਲਣਗੇ।
ਇਸ ਦੇ ਨਾਲ ਹੀ ਅੰਬਾਲਾ ਜ਼ਿਲ੍ਹਾ ਪ੍ਰੀਸ਼ਦ ਦੇ ਸੀਈਓ ਐਚਸੀਐਸ ਮਹਾਵੀਰ ਪ੍ਰਸਾਦ, ਉਚੇਰੀ ਸਿੱਖਿਆ ਵਿੱਚ ਵਧੀਕ ਨਿਰਦੇਸ਼ਕ (ਪ੍ਰਸ਼ਾਸਨ) ਅਤੇ ਤਕਨੀਕੀ ਸਿੱਖਿਆ ਵਿੱਚ ਵਧੀਕ ਨਿਰਦੇਸ਼ਕ (ਪ੍ਰਸ਼ਾਸਨ), ਸਤਬੀਰ ਸਿੰਘ, ਉਚੇਰੀ ਸਿੱਖਿਆ ਦੇ ਵਧੀਕ ਨਿਰਦੇਸ਼ਕ, ਸਿਹਤ ਵਿਭਾਗ ਦੇ ਵਿਸ਼ੇਸ਼ ਸਕੱਤਰ, ਵਿਸ਼ੇਸ਼ ਸਕੱਤਰ ਮੈਡੀਕਲ ਸਿੱਖਿਆ ਅਤੇ ਖੋਜ , ਪ੍ਰਧਾਨ ਮੰਤਰੀ ਕਿਸਾਨ ਯੋਜਨਾ ਵਿਭਾਗ ਦਾ ਨੋਡਲ ਅਫਸਰ ਹੈ ਅਤੇ ਖੇਤੀਬਾੜੀ ਅਤੇ ਕਿਸਾਨ ਭਲਾਈ ਵਿਭਾਗ ਨਾਲ ਸਬੰਧਤ ਕੰਮ ਦੀ ਦੇਖਭਾਲ ਕਰੇਗਾ। ਜਦੋਂ ਕਿ ਸੰਯੁਕਤ ਕਮਿਸ਼ਨਰ ਟਰਾਂਸਪੋਰਟ ਦਿਲਬਾਗ ਸਿੰਘ ਨੂੰ ਐਸ.ਡੀ.ਐਮ ਇੰਦਰੀ ਨਿਯੁਕਤ ਕੀਤਾ ਗਿਆ।
