ਜਲੰਧਰ-
ਪੰਜਾਬ ਪੁਲਿਸ ਦੇ ਵਲੋਂ ਹੁਣ ਸਖ਼ਤੀ ਉਨ੍ਹਾਂ ਲੋਕਾਂ ਦੇ ਵਰਤਣੀ ਸ਼ੁਰੂ ਕਰ ਦਿੱਤੀ ਹੈ, ਜਿਹੜੇ ਥਾਣਿਆਂ ਚ ਕੈਪਰੀ ਜਾਂ ਫਿਰ ਨਿੱਕਰ ਪਾ ਕੇ ਆ ਜਾਂਦੇ ਸੀ। ਦਰਅਸਲ, ਜਲੰਧਰ ਦੇ ਥਾਣਿਆਂ ਦੇ ਬਾਹਰ ਪੁਲਿਸ ਨੇ ਨੋਟਿਸ ਚਿਪਕਾ ਦਿੱਤੇ ਹਨ ਕਿ, ਜਿਹੜਾ ਵੀ ਵਿਅਕਤੀ ਨਿੱਕਰ ਜਾਂ ਫਿਰ ਕੈਪਰੀ ਪਾ ਕੇ ਥਾਣੇ ਆਇਆ ਤਾਂ, ਉਹਦੀ ਸੁਣਵਾਈ ਨਹੀਂ ਕੀਤੀ ਜਾਵੇਗੀ। ਇਸ ਦੇ ਨਾਲ ਹੀ ਥਾਣੇ ਵਿਚ ਨਿੱਕਰ ਤੇ ਕੈਪਰੀ ਤੇ ਬੈਨ ਲਾ ਦਿੱਤਾ ਗਿਆ ਹੈ।
ਮੀਡੀਆ ਰਿਪੋਰਟਸ ਮੁਤਾਬਿਕ, ਪੁਲਿਸ ਦਾ ਕਹਿਣਾ ਹੈ ਕਿ ਕਈ ਲੋਕਾਂ ਨੇ ਇਸ ਦਾ ਵਿਰੋਧ ਕੀਤਾ ਸੀ, ਜਿਸ ਕਾਰਨ ਇਹ ਫੈਸਲਾ ਲਿਆ ਗਿਆ ਹੈ। ਪੁਲਿਸ ਨੇ ਇਹ ਵੀ ਕਿਹਾ ਹੈ ਕਿ ਇਹ ਨੋਟੀਫਿਕੇਸ਼ਨ ਕਈ ਦਿਨ ਪਹਿਲਾਂ ਲਗਾਇਆ ਗਿਆ ਹੈ। ਜਾਣਕਾਰੀ ਮੁਤਾਬਕ ਜਲੰਧਰ ਦੇ ਥਾਣਾ ਨੰਬਰ 4 ‘ਚ ਇੱਕ ਪੋਸਟਰ ਲਗਾਇਆ ਗਿਆ ਸੀ।
ਇਸ ਪੋਸਟਰ ‘ਤੇ ਸਪੱਸ਼ਟ ਅੱਖਰਾਂ ‘ਚ ਲਿਖਿਆ ਗਿਆ ਹੈ ਕਿ ‘ਨਿੱਕਰ ਅਤੇ ਕੈਪਰੀਸ ਪਾ ਕੇ ਥਾਣੇ ਦੇ ਅੰਦਰ ਆਉਣ ਦੀ ਮਨਾਹੀ ਹੈ।’ ਇਹ ਪੋਸਟਰ ਪੰਜਾਬੀ ਭਾਸ਼ਾ ‘ਚ ਲਿਖਿਆ ਗਿਆ ਹੈ। ਜਿਸ ਕਾਰਨ ਹਰ ਕਿਸੇ ਲਈ ਪੜ੍ਹਨਾ ਆਸਾਨ ਹੋ ਜਾਂਦਾ ਹੈ।
ਐਡੀਸ਼ਨਲ ਐਸ.ਐਚ.ਓ ਸੁਰਜੀਤ ਸਿੰਘ ਨੇ ਦੱਸਿਆ ਕਿ ਕਈ ਲੋਕ ਥਾਣੇ ਦੀ ਮਰਿਆਦਾ ਨੂੰ ਨਾ ਸਮਝਦੇ ਹੋਏ ਨਿੱਕਰ ਅਤੇ ਕੈਪਰੀ ਵਿੱਚ ਥਾਣੇ ਆ ਜਾਂਦੇ ਹਨ। ਇਸ ਮਾਮਲੇ ਨੂੰ ਲੈ ਕੇ ਪੁਲਿਸ ਮੁਲਾਜ਼ਮਾਂ ਦੇ ਕਈ ਲੋਕਾਂ ਨੇ ਇਤਰਾਜ਼ ਵੀ ਦਰਜ ਕਰਵਾਏ ਹਨ। ਉਸ ਨੇ ਇਹ ਵੀ ਕਿਹਾ ਹੈ ਕਿ ਬਹੁਤ ਸਾਰੇ ਲੋਕ ਸਮਝਦਾਰ ਹੁੰਦੇ ਹਨ ਅਤੇ ਅਜਿਹੀਆਂ ਗੱਲਾਂ ਨਹੀਂ ਕਰਦੇ ਪਰ ਕੁਝ ਲੋਕ ਆਪਣੀਆਂ ਸ਼ਿਕਾਇਤਾਂ ਲੈ ਕੇ ਨਿੱਕਰ ਅਤੇ ਕੈਪਰੀ ਵਿੱਚ ਆਉਂਦੇ ਹਨ।
ਸੁਰਜੀਤ ਸਿੰਘ ਨੇ ਦੱਸਿਆ ਕਿ ਜਦੋਂ ਜ਼ਿਆਦਾ ਲੋਕ ਆਪਣੀ ਸ਼ਿਕਾਇਤ ਦਰਜ ਕਰਵਾਉਣ ਲਈ ਥਾਣੇ ਆਉਂਦੇ ਹਨ ਤਾਂ ਕੁਝ ਵੱਖ-ਵੱਖ ਲੋਕ ਵੀ ਉਨ੍ਹਾਂ ਦੇ ਨਾਲ ਆ ਜਾਂਦੇ ਹਨ। ਪੁਲਿਸ ਅਧਿਕਾਰੀ ਨੇ ਇੱਥੋਂ ਤੱਕ ਕਹਿ ਦਿੱਤਾ ਕਿ ਜੇਕਰ ਕੋਈ ਅਜਿਹੇ ਕੱਪੜਿਆਂ ਵਿੱਚ ਥਾਣੇ ਆਉਂਦਾ ਹੈ ਤਾਂ ਉਸ ਦੀ ਸ਼ਿਕਾਇਤ ਤੇ ਕੋਈ ਕਾਨੂੰਨੀ ਕਾਰਵਾਈ ਨਹੀਂ ਕੀਤੀ ਜਾਵੇਗੀ। ਖ਼ਬਰ ਸ੍ਰੋਤ- ਟੀਵੀ9 ਪੰਜਾਬੀ
