Breaking: ਲਾਲ ਕਿਲ੍ਹੇ ਨੇੜੇ ਧਮਾਕੇ ਦੀ CCTV ਫੁਟੇਜ? ਵੇਖੋ ਕਾਰ ਦੀ ਵੀਡੀਓ ਅਤੇ ਤਸਵੀਰਾਂ!

ਨੈਸ਼ਨਲ ਡੈਸਕ –

ਦਿੱਲੀ ‘ਚ ਲਾਲ ਕਿਲ੍ਹਾ ਨੇੜੇ ਸੋਮਵਾਰ (10 ਨਵੰਬਰ) ਸ਼ਾਮ ਹੋਏ ਭਿਆਨਕ ਕਾਰ ਧਮਾਕੇ ‘ਚ 8 ਲੋਕਾਂ ਦੀ ਮੌਤ ਹੋ ਗਈ ਅਤੇ ਕਈ ਹੋਰ ਜ਼ਖਮੀ ਹੋ ਗਏ। ਇਹ ਧਮਾਕਾ ਸ਼ਾਮ ਕਰੀਬ 6:52 ਵਜੇ ਸੁਭਾਸ਼ ਮਾਰਗ ਟ੍ਰੈਫਿਕ ਸਿਗਨਲ ‘ਤੇ ਲਾਲ ਬੱਤੀ ‘ਤੇ ਰੁਕੀ ਇੱਕ Hyundai i20 ਕਾਰ ‘ਚ ਹੋਇਆ ਸੀ। ਇਸ ਮਾਮਲੇ ਦੀ ਗੰਭੀਰਤਾ ਨੂੰ ਦੇਖਦੇ ਹੋਏ, ਦਿੱਲੀ ਪੁਲਿਸ ਨੇ UAPA (ਗੈਰ-ਕਾਨੂੰਨੀ ਗਤੀਵਿਧੀਆਂ ਰੋਕਥਾਮ ਐਕਟ) ਅਤੇ Explosives Act (ਵਿਸਫੋਟਕ ਐਕਟ) ਤਹਿਤ ਕੇਸ ਦਰਜ ਕਰ ਲਿਆ ਹੈ।

ਦਿੱਲੀ ਪੁਲਿਸ ਦੇ ਸੂਤਰਾਂ ਨੇ ਦੱਸਿਆ ਕਿ ਉਨ੍ਹਾਂ ਦੇ ਹੱਥ ਇੱਕ ਅਹਿਮ CCTV ਫੁਟੇਜ ਲੱਗੀ ਹੈ। CCTV ਫੁਟੇਜ ‘ਚ ਕਾਰ ਨੂੰ ਸੋਮਵਾਰ ਸ਼ਾਮ ਕਰੀਬ 4 ਵਜੇ ਦਰਿਆਗੰਜ ਬਾਜ਼ਾਰ ਇਲਾਕੇ ‘ਚੋਂ ਨਿਕਲਦੇ ਦੇਖਿਆ ਗਿਆ। ਇਸ ਤੋਂ ਬਾਅਦ ਇਹ ਕਾਰ ਸੁਨਹਿਰੀ ਮਸਜਿਦ ਨੇੜੇ ਪਾਰਕਿੰਗ ‘ਚ ਪਹੁੰਚੀ। ਕੈਮਰਿਆਂ ‘ਚ ਇਸਨੂੰ ਛੱਤਾ ਰੇਲ ਚੌਕ ‘ਤੇ ਯੂ-ਟਰਨ ਲੈਂਦੇ ਅਤੇ ਲੋਅਰ ਸੁਭਾਸ਼ ਮਾਰਗ ਵੱਲ ਜਾਂਦੇ ਹੋਏ ਵੀ ਕੈਦ ਕੀਤਾ ਗਿਆ।

ਇੱਕ ਅਧਿਕਾਰੀ ਨੇ ਦੱਸਿਆ, ‘ਛੱਤਾ ਰੇਲ ਚੌਕ ‘ਤੇ ਯੂ-ਟਰਨ ਲੈਣ ਤੋਂ ਬਾਅਦ ਕਾਰ ਲੋਅਰ ਸੁਭਾਸ਼ ਮਾਰਗ ਵੱਲ ਵਧ ਰਹੀ ਸੀ। ਇਸ ਤੋਂ ਉਹਨਾਂ ਕਿਹਾ ਕਿ CCTV ਫੁਟੇਜ ‘ਚ ਦਿਸਿਆ ਹੈ ਕਿ ਜਦੋਂ ਇਹ ਕਾਰ ਇੱਕ ਸਿਗਨਲ ਕੋਲ ਹੌਲੀ ਹੋਈ, ਉਦੋਂ ਹੀ ਧਮਾਕਾ ਹੋ ਗਿਆ।’ ਹੁਣ ਪੁਲਿਸ ਵੱਲੋਂ ਆਸ-ਪਾਸ ਦੇ toll plazas ਸਮੇਤ 100 ਤੋਂ ਵੱਧ CCTV ਕਲਿੱਪਾਂ ਨੂੰ ਖੰਗਾਲਿਆ ਜਾ ਰਿਹਾ ਹੈ, ਤਾਂ ਜੋ ਗੱਡੀ ਦੀ ਪੂਰੀ ਮੂਵਮੈਂਟ ਦਾ ਪਤਾ ਲਗਾਇਆ ਜਾ ਸਕੇ।

ਦੱਸਿਆ ਜਾ ਰਿਹਾ ਹੈ ਕਿ ਕਾਰ ਹਰਿਆਣਾ ਨੰਬਰ ਦੀ ਸੀ। ਪੁਲਿਸ ਨੇ I-20 ਕਾਰ ਦੇ ਮਾਲਕ ਨੂੰ ਹਿਰਾਸਤ ‘ਚ ਲੈ ਲਿਆ ਹੈ ਅਤੇ ਉਸਤੋਂ ਪੁੱਛਗਿੱਛ ਕੀਤੀ ਜਾ ਰਹੀ ਹੈ। ਰਿਪੋਰਟਾਂ ਮੁਤਾਬਕ ਕਾਰ ਦਾ ਮਾਲਕ ਸਲਮਾਨ ਨਾਂ ਦਾ ਸ਼ਖ਼ਸ ਹੈ। ਉੱਥੇ ਹੀ ਕਾਰ ਮਾਲਕ ਨੇ ਪੁੱਛਗਿੱਛ ‘ਚ ਦੱਸਿਆ ਕਿ ਉਹ ਆਪਣੀ ਕਾਰ ਵੇਚ ਚੁੱਕਾ ਸੀ। ਫਿਲਹਾਲ ਪੁਲਿਸ ਮੌਜੂਦਾ ਕਾਰ ਮਾਲਕ ਦਾ ਪਤਾ ਲਗਾਉਣ ਦੀ ਕੋਸ਼ਿਸ਼ ਕਰ ਰਹੀ ਹੈ।

ਇਸ ਤੋਂ ਪਹਿਲਾਂ, ਕੇਂਦਰੀ ਗ੍ਰਹਿ ਮੰਤਰੀ Amit Shah ਨੇ ਘਟਨਾ ਦੀ ਪੁਸ਼ਟੀ ਕੀਤੀ ਸੀ। ਉਨ੍ਹਾਂ ਦੱਸਿਆ ਸੀ ਕਿ ਸ਼ਾਮ ਕਰੀਬ 7 ਵਜੇ ਇਹ ਧਮਾਕਾ ਹੋਇਆ, ਜਿਸ ਨਾਲ ਕੁਝ ਰਾਹਗੀਰ ਜ਼ਖਮੀ ਹੋਏ ਅਤੇ ਆਸ-ਪਾਸ ਦੇ ਵਾਹਨ ਨੁਕਸਾਨੇ ਗਏ।

ਉਨ੍ਹਾਂ ਕਿਹਾ ਸੀ, “ਅਸੀਂ ਸਾਰੀਆਂ ਸੰਭਾਵਨਾਵਾਂ (all possibilities) ‘ਤੇ ਵਿਚਾਰ ਕਰ ਰਹੇ ਹਾਂ ਅਤੇ ਪੂਰੀ ਜਾਂਚ ਕਰਾਂਗੇ।”

ਇਸ ਧਮਾਕੇ ਤੋਂ ਤੁਰੰਤ ਬਾਅਦ ਜ਼ਖਮੀਆਂ ਨੂੰ LNJP (ਲੋਕ ਨਾਇਕ ਜੈ ਪ੍ਰਕਾਸ਼ ਨਰਾਇਣ) ਹਸਪਤਾਲ ਲਿਜਾਇਆ ਗਿਆ ਸੀ। ਹਸਪਤਾਲ ਦੇ Medical Superintendent ਨੇ ਪੁਸ਼ਟੀ ਕੀਤੀ ਸੀ ਕਿ 15 ਲੋਕਾਂ ਨੂੰ ਹਸਪਤਾਲ ਲਿਆਂਦਾ ਗਿਆ ਸੀ, ਜਿਨ੍ਹਾਂ ‘ਚੋਂ 8 ਨੂੰ ਹਸਪਤਾਲ ਪਹੁੰਚਣ ਤੋਂ ਪਹਿਲਾਂ ਹੀ “ਮ੍ਰਿਤਕ ਘੋਸ਼ਿਤ” (dead before arrival) ਕਰ ਦਿੱਤਾ ਗਿਆ ਸੀ।