ਸਿੱਖਿਆ ਵਿਭਾਗ ਨੇ ਤਰੱਕੀ ਦੇ ਮਾਪਦੰਡਾਂ ਲਈ ਅਲੱਗ-ਅਲੱਗ ਯੋਗਤਾ ਮਿਤੀਆਂ ਰੱਖੀਆਂ
ਮੋਹਾਲੀ
ਪਿਛਲੇ ਦਿਨੀਂ ਸਕੂਲ ਸਿੱਖਿਆ ਵਿਭਾਗ ਦੁਆਰਾ ਪ੍ਰਾਇਮਰੀ, ਓ.ਸੀ.ਟੀ. ਅਤੇ ਨਾਨ-ਟੀਚਿੰਗ ਕੇਡਰ ਤੋਂ ਮਾਸਟਰ ਕੇਡਰ ‘ਚ ਪਦਉੱਨਤੀ ਲਈ ਕੇਸ ਮੰਗੇ ਗਏ ਸਨ। ਜਿਨ੍ਹਾਂ ਲਈ ਯੋਗਤਾ ਮਿਤੀ 2 ਜੂਨ 2025 ਰੱਖੀ ਗਈ ਸੀ।
ਪਰ ਹੁਣ ਵਿਭਾਗ ਵੱਲੋਂ PSTET-2024 ਜਿਸਦਾ ਰੀਵਾਇਜ਼ਡ ਨਤੀਜਾ 28 ਅਗਸਤ 2025 ਨੂੰ ਘੋਸ਼ਿਤ ਹੋਇਆ ਹੈ, ਇਸ ਨਤੀਜੇ ‘ਚ ਪਾਸ ਹੋਏ ਮੁਲਾਜ਼ਮਾਂ ਦੇ ਕੇਸ ਵੀ ਮੰਗ ਲਏ ਗਏ ਹਨ।
ਇਸ ਤਰ੍ਹਾਂ ਵਿਭਾਗ ਨੇ PSTET-2 ਲਈ ਯੋਗਤਾ ਮਿਤੀ 28 ਅਗਸਤ 2025 ਕਰ ਦਿੱਤੀ ਹੈ। ਪਰ ਬਾਕੀ ਯੋਗਤਾਵਾਂ ਲਈ ਯੋਗਤਾ ਮਿਤੀ 2 ਜੂਨ 2025 ਹੀ ਰੱਖੀ ਗਈ ਹੈ।
ਇਸ ਤਰ੍ਹਾਂ ਸਿੱਖਿਆ ਵਿਭਾਗ ਦੁਆਰਾ ਤਰੱਕੀ ਦੇ ਅਲੱਗ-ਅਲੱਗ ਮਾਪਦੰਡਾਂ ਲਈ ਅਲੱਗ-ਅਲੱਗ ਯੋਗਤਾ ਮਿਤੀਆਂ ਰੱਖੀਆਂ ਗਈਆਂ ਹਨ।
ਇਸ ਬਾਰੇ ਗੱਲ ਕਰਦਿਆਂ ਸਰਬਜੀਤ ਕੌਰ, ਰਾਜਵਿੰਦਰ ਕੌਰ, ਸਿਮਰਨ, ਜਸਪ੍ਰੀਤ ਸਿੰਘ ਆਦਿ ਨੇ ਮੰਗ ਕੀਤੀ ਕਿ, ਜਿਵੇਂ ਵਿਭਾਗ ਨੇ PSTET-2 ਲਈ ਯੋਗਤਾ ਮਿਤੀ ਬਦਲ ਕੇ 28 ਅਗਸਤ 2025 ਕਰ ਦਿੱਤੀ ਹੈ, ਉਸ ਤਰ੍ਹਾਂ ਬਾਕੀ ਯੋਗਤਾਵਾਂ ਲਈ ਵੀ ਯੋਗਤਾ ਮਿਤੀ 28 ਅਗਸਤ 2025 ਕੀਤੀ ਜਾਵੇ, ਤਾਂ ਜੋ ਸਾਰੇ ਮੁਲਾਜ਼ਮਾਂ ਨੂੰ ਤਰੱਕੀ ਦਾ ਮੌਕਾ ਮਿਲ ਸਕੇ।
