“ਹੜ੍ਹਾਂ ਤੋਂ ਬਚਾਈ ਬਾਬਾ ਨਾਨਕਾ”; ਗਾਇਕ ਗੁਰਤੇਜ ਸਿੰਘ ਮੁਸਾਫ਼ਿਰ ਦਾ ਗੀਤ ਰਿਲੀਜ਼

Punjab News – 

ਬੀਤੇ ਕੁਝ ਦਿਨਾਂ ਤੋਂ ਗੁਆਂਢੀ ਸੂਬਿਆਂ ’ਚ ਬਦੱਲ ਫਟਣ ਕਾਰਨ ਡੈਮਾਂ ’ਚ ਪਾਣੀ ਦਾ ਪੱਧਰ ਵੱਧ ਜਾਣ ਪੰਜਾਬ ’ਚ ਪਾਣੀ ਛੱਡਣ ਕਾਰਨ ਹੜ੍ਹਾਂ ਨੇ ਤਬਾਹੀ ਮਚਾਈ ਹੋਈ ਹੈ। ਜਿਥੇ ਇਸ ਮੁਸੀਬਤ ਦੇ ਸਮੇਂ ਵਿਚ ਪੰਜਾਬ ਦੀ ਹਰ ਕੋਈ ਮਦਦ ਕਰ ਰਿਹਾ ਹੈ। ਉਥੇ ਹੀ ਨੌਜਵਾਨਾਂ ਵਲੋਂ ਇਸ ਦਰਦ ਨੂੰ ਆਪਣੀ ਕਲਮ ਰਾਹੀਂ ਬਿਆਨ ਕਰਕੇ ਗੀਤ ਰਾਹੀਂ ਇਸ ਦੁਖਾਂਤ ਦਾ ਆਪਣੀ ਦਰਦ ਭਰੀ ਆਵਾਜ ਵਿਚ ਗਾਇਆ ਗਿਆ ਹੈ। ਇਸ ਔਖੇ ਸਮੇਂ ਵਿਚ ਹਰ ਕੋਈ ਆਪਣੇ -ਆਪਣੇ ਪੱਧਰ ’ਤੇ ਪੀੜਤਾਂ ਦੀ ਮਦਦ ਲਈ ਅੱਗੇ ਆਇਆ ਹੈ।

ਉਥੇ ਹੀ ਰੋਪੜ ਪਿੰਡ ਕੋਟੜੇ ਨਿਹੰਗ ਦਾ ਰਹਿਣ ਵਾਲਾ ਗੁਰਤੇਜ ਸਿੰਘ ਮੁਸਾਫਿਰ ਨੇ ਆਪਣੇ ਗੀਤ ਰਾਹੀਂ ਇਸ ਦੁੁਖਾਂਤ ਨੂੰ ਬਿਆਨ ਕਰਨ ਦੀ ਕੋਸ਼ਿਸ ਕੀਤੀ ਹੈ। ਜਿਸਦੇ ਬੋਲ ਹਨ ‘ਹੜਾਂ ਤੋਂ ਬਚਾਈ ਬਾਬਾ ਨਾਨਕਾ’ ਇਹ ਗੀਤ ਗੁਰਤੇਜ ਸਿੰਘ ਮੁਸਾਫਿਰ ਦਾ ਯੂ ਟਿਊਬ ’ਤੇ ਰਿਲੀਜ਼ ਕੀਤਾ ਗਿਆ ਹੈ। ਇਸ ਗੀਤ ਨੂੰ ਗੁਰਤੇਜ ਸਿੰਘ ਮੁਸਾਫਰ ਨੇ ਖੁਦ ਲਿਖਿਆ ਅਤੇ ਗਾਇਆ ਹੈ, ਜੋ ਮੌਜੂਦਾ ਹਾਲਾਤ ਦਾ ਦਰਦ ਬਿਆਨ ਕਰਦਾ ਹੈ। ਪੰਜਾਬ ਅਤੇ ਪੰਜਾਬੀਅਤ ਲਈ ਮਾਣ ਵਾਲੀ ਗੱਲ ਹੈ ਕਿ ਨੌਜਵਾਨ ਪੀੜ੍ਹੀ ਇਸ ਦੁਖਾਂਤ ਨੂੰ ਆਪਣੇ ਗੀਤਾਂ ਰਾਹੀਂ ਬਿਆਨ ਕਰ ਦੁਨੀਆਂ ਦੇ ਕੋਨੇ ਕੋਨੇ ਵਿੱਚ ਪੰਜਾਬ ’ਤੇ ਆਈ ਬਿਪਤਾ ਦਾ ਇਜ਼ਹਾਰ ਕਰ ਰਿਹਾ ਹੈ।

ਇਸ ਗੀਤ ਵਿਚ ਗਾਇਕ ਗੁਰਤੇਜ ਸਿੰਘ ਮੁਸਾਫਿਰ ਦਾ ਸਹਿਯੋਗ ਪਵਿੱਤਰ ਸਿੰਘ ਕਥਾਵਾਚਕ ਸ੍ਰੀ ਭੱਠਾ ਸਾਹਿਬ, ਦਿਲਪ੍ਰੀਤ ਸਿੰਘ,ਪੰਜਾਬ ਸਿੰਘ,ਬਲਵਿੰਦਰ ਸਿੰਘ, ਰਣਜੋਤ ਸਿੰਘ ਕਰਾਈਮ ਬਰਾਂਚ ਚੰਡੀਗੜ੍ਹ ਵਲੋਂ ਕੀਤਾ ਗਿਆ ਹੈ। ਮਿਊਜਿਕ ਡਾਇਰੈਕਟਰ ਬਲਵੀਰ ਸਿੰਘ ਜਿਨ੍ਹਾਂ ਨੇ ਗਾਇਕ ਗੁਰਤੇਜ ਮੁਸਾਫਿਰ ਗਾਉਣ ਦਾ ਮੌਕਾ ਦਿੱਤਾ। ਉਨ੍ਹਾਂ ਇਸ ਗੀਤ ’ਚ ਪਿਆਰ ਦੀ ਪ੍ਰੇਰਨਾ ਦਿਖਾਈ, ਦੋ ਮੁਲਕਾਂ ਦਾ ਸਨੇਹ ਆਪਸੀ ਭਾਈਚਾਰਾ ਬਿਆਨ ਕੀਤਾ ਹੈ।