Punjab Breaking: ਪੰਜਾਬ ‘ਚ ਯਾਤਰੀ ਟਰੇਨ ਵਿੱਚ ਵੱਡਾ ਧਮਾਕਾ, ਕਈ ਜ਼ਖ਼ਮੀ
ਪੰਜਾਬ ਨੈੱਟਵਰਕ, ਚੰਡੀਗੜ੍ਹ –
ਪੰਜਾਬ ਦੇ ਸਰਹਿੰਦ ਰੇਲਵੇ ਸਟੇਸ਼ਨ ਤੋਂ ਵੱਡੀ ਖ਼ਬਰ ਸਾਹਮਣੇ ਆਈ ਹੈ। ਜਾਣਕਾਰੀ ਅਨੁਸਾਰ, ਲੰਘੀ ਰਾਤ ਸਰਹਿੰਦ ਰੇਲਵੇ ਸਟੇਸ਼ਨ ਨੇੜੇ ਅੰਮ੍ਰਿਤਸਰ ਤੋਂ ਹਾਫੜਾ ਜਾਂਦੀ ਟਰੇਨ ਵਿੱਚ ਬਲਾਸਟ ਹੋ ਗਿਆ।
ਇਸ ਹਾਦਸੇ ਵਿੱਚ ਚਾਰ ਲੋਕ ਵੀ ਜ਼ਖ਼ਮੀ ਹੋ ਗਏ। ਜਖਮੀਆਂ ਨੂੰ ਇਲਾਜ ਲਈ ਨੇੜੇ ਦੇ ਸਰਕਾਰੀ ਹਸਪਤਾਲ ਵਿਚ ਦਾਖ਼ਲ ਕਰਵਾਇਆ ਗਿਆ ਹੈ।
ਮੌਕੇ ਤੇ ਪਹੁੰਚੇ ਜੀਆਰਪੀ ਦੇ ਅਧਿਕਾਰੀਆਂ ਨੇ ਦੱਸਿਆ ਕਿ ਮੁੱਢਲੀ ਪੜਤਾਲ ਵਿੱਚ ਸਾਹਮਣੇ ਆਇਆ ਕਿ ਟਰੇਨ ਵਿੱਚ ਇੱਕ ਬਾਲਟੀ ਪਈ ਸੀ, ਜਿਸ ਵਿੱਚ ਪਟਾਖੇ ਸਨ ਤੇ ਇਕਦਮ ਉਸਦੇ ਵਿੱਚ ਧਮਾਕਾ ਹੋ ਗਿਆ।
ਜਿਸ ਕਾਰਨ ਉਕਤ ਡੱਬੇ ਵਿੱਚ ਸਵਾਰ 3 ਵਿਅਕਤੀਆਂ ਸਮੇਤ 4 ਜਣੇ ਜ਼ਖ਼ਮੀ ਹੋ ਗਏ। ਉਹਨਾਂ ਕਿਹਾ ਕਿ ਫਿਲਹਾਲ ਮਾਮਲੇ ਦੀ ਹੋਰ ਗੰਭੀਰਤਾ ਦੇ ਨਾਲ ਜਾਂਚ ਕੀਤੀ ਜਾ ਰਹੀ ਹੈ।
ਦੂਜੇ ਪਾਸੇ, ਡਾਕਟਰਾਂ ਤੋਂ ਮਿਲੀ ਜਾਣਕਾਰੀ ਅਨੁਸਾਰ, ਜਖਮੀਆਂ ਦੀ ਪਛਾਣ ਅਜੇ ਕੁਮਾਰ, ਸੰਗੀਤਾ ਕੁਮਾਰੀ, ਆਸ਼ੂਤੋਸ਼ ਪਾਲ ਅਤੇ ਸੋਨੂ ਕੁਮਾਰ ਵਜੋਂ ਹੋਈ ਹੈ।
