ਅਹਿਮ ਖ਼ਬਰ: ਪਾਸਪੋਰਟ ਨਿਯਮਾਂ ‘ਚ ਹੋਇਆ ਵੱਡਾ ਬਦਲਾਅ
Indian Passport Rules Changed:
ਦੇਸ਼ ਦੇ ਪਾਸਪੋਰਟ ਧਾਰਕਾਂ ਅਤੇ ਪਾਸਪੋਰਟ ਬਣਵਾਉਣ ਦੇ ਚਾਹਵਾਨਾਂ ਲਈ ਅਹਿਮ ਖਬਰ ਹੈ। ਕੇਂਦਰ ਸਰਕਾਰ ਨੇ ਪਾਸਪੋਰਟ ਬਣਾਉਣ ਨਾਲ ਜੁੜੇ ਕੁਝ ਨਿਯਮਾਂ ਵਿੱਚ ਬਦਲਾਅ ਕੀਤਾ ਹੈ। ਇਸ ਲਈ ਪਾਸਪੋਰਟ ਲਈ ਅਪਲਾਈ ਕਰਨ ਤੋਂ ਪਹਿਲਾਂ ਇਨ੍ਹਾਂ ਨਿਯਮਾਂ ਬਾਰੇ ਜ਼ਰੂਰ ਜਾਣ ਲਓ, ਤਾਂ ਜੋ ਅਪਲਾਈ ਕਰਨ ‘ਚ ਕੋਈ ਦਿੱਕਤ ਨਾ ਆਵੇ।
ਤਾਜ਼ਾ ਅਪਡੇਟ ਦੇ ਅਨੁਸਾਰ, ਜੇਕਰ ਤੁਹਾਡਾ ਜਨਮ 1 ਅਕਤੂਬਰ, 2023 ਨੂੰ ਜਾਂ ਇਸ ਤੋਂ ਬਾਅਦ ਹੋਇਆ ਹੈ, ਤਾਂ ਪਾਸਪੋਰਟ ਪ੍ਰਾਪਤ ਕਰਨ ਲਈ ਜਨਮ ਸਰਟੀਫਿਕੇਟ ਇੱਕ ਲਾਜ਼ਮੀ ਦਸਤਾਵੇਜ਼ ਹੋਵੇਗਾ।
ਹਾਲਾਂਕਿ 1 ਅਕਤੂਬਰ 2023 ਤੋਂ ਪਹਿਲਾਂ ਜਨਮੇ ਲੋਕ ਪੁਰਾਣੇ ਨਿਯਮਾਂ ਦੇ ਮੁਤਾਬਕ ਪਾਸਪੋਰਟ ਬਣਵਾ ਸਕਣਗੇ, ਪਰ ਪਿਛਲੇ ਇਕ ਸਾਲ ‘ਚ ਪੈਦਾ ਹੋਏ ਲੋਕਾਂ ਨੂੰ ਜਨਮ ਸਰਟੀਫਿਕੇਟ ਦੇਣਾ ਹੋਵੇਗਾ। ਇਹ ਕੇਵਲ ਜਨਮ ਮਿਤੀ ਲਈ ਇੱਕ ਵੈਧ ਸਰਟੀਫਿਕੇਟ ਮੰਨਿਆ ਜਾਵੇਗਾ।
ਇਹ ਨਿਯਮ ਕਿਸ ‘ਤੇ ਲਾਗੂ ਹੋਵੇਗਾ ਅਤੇ ਕਦੋਂ ਤੋਂ?
ਫਾਈਨੈਂਸ਼ੀਅਲ ਐਕਸਪ੍ਰੈਸ ਦੀ ਰਿਪੋਰਟ ਦੇ ਅਨੁਸਾਰ, ਨਵਾਂ ਨਿਯਮ 1 ਅਕਤੂਬਰ 2023 ਨੂੰ ਜਾਂ ਇਸ ਤੋਂ ਬਾਅਦ ਪੈਦਾ ਹੋਏ ਬੱਚਿਆਂ ‘ਤੇ ਲਾਗੂ ਹੋਵੇਗਾ।
ਪਹਿਲਾਂ ਜਨਮ ਸਰਟੀਫਿਕੇਟ ਦੀ ਥਾਂ ਮਾਰਕ ਸ਼ੀਟ, ਸਕੂਲ ਛੱਡਣ ਦਾ ਸਰਟੀਫਿਕੇਟ, ਡਰਾਈਵਿੰਗ ਲਾਇਸੈਂਸ ਵਿਕਲਪ ਸਨ, ਪਰ ਹੁਣ ਜਨਮ ਸਰਟੀਫਿਕੇਟ ਲਾਜ਼ਮੀ ਹੋਵੇਗਾ। ਇਹ ਅਧਿਕਾਰਤ ਹੁਕਮ ਮਾਰਚ ਦੇ ਪਹਿਲੇ ਹਫ਼ਤੇ ਦੇ ਸ਼ੁਰੂ ਵਿੱਚ ਜਾਰੀ ਕੀਤਾ ਗਿਆ ਸੀ, ਜੋ ਗਜ਼ਟ ਜਾਰੀ ਹੁੰਦੇ ਹੀ ਲਾਗੂ ਹੋ ਜਾਵੇਗਾ।
ਇਹ ਨਿਯਮ ਵੀ ਬਦਲੇ
- ਰਿਹਾਇਸ਼ੀ ਪਤਾ ਹੁਣ ਪਾਸਪੋਰਟ ਦੇ ਆਖਰੀ ਪੰਨੇ ‘ਤੇ ਦਿਖਾਈ ਨਹੀਂ ਦੇਵੇਗਾ।
- ਇਮੀਗ੍ਰੇਸ਼ਨ ਅਧਿਕਾਰੀ ਹੁਣ ਬਾਰਕੋਡ ਸਕੈਨ ਕਰਕੇ ਜਾਣਕਾਰੀ ਇਕੱਠੀ ਨਹੀਂ ਕਰ ਸਕਣਗੇ।
- ਹੁਣ ਪਾਸਪੋਰਟ ਦੇ ਆਖਰੀ ਪੰਨੇ ‘ਤੇ ਮਾਪਿਆਂ ਦਾ ਨਾਂ ਨਹੀਂ ਦਿਖਾਈ ਦੇਵੇਗਾ।
- ਨਵੇਂ ਨਿਯਮਾਂ ਤੋਂ ਸਿੰਗਲ ਪੇਰੈਂਟਸ ਜਾਂ ਵੱਖ ਹੋਏ ਮਾਤਾ-ਪਿਤਾ ਨੂੰ ਰਾਹਤ ਮਿਲੇਗੀ।
ਪਾਸਪੋਰਟ ਦੀਆਂ ਕਿੰਨੀਆਂ ਕਿਸਮਾਂ ਉਪਲਬਧ ਹਨ?
ਤੁਹਾਨੂੰ ਦੱਸ ਦੇਈਏ ਕਿ ਭਾਰਤ ਵਿੱਚ 4 ਰੰਗਾਂ ਦੇ ਪਾਸਪੋਰਟ ਜਾਰੀ ਕੀਤੇ ਜਾਂਦੇ ਹਨ। ਡਿਪਲੋਮੈਟਾਂ ਨੂੰ ਲਾਲ ਪਾਸਪੋਰਟ ਮਿਲਦੇ ਹਨ। ਸਰਕਾਰੀ ਅਫ਼ਸਰਾਂ ਨੂੰ ਸਫ਼ੈਦ ਰੰਗ ਦੇ ਪਾਸਪੋਰਟ ਅਤੇ ਹੋਰਨਾਂ ਨੂੰ ਨੀਲੇ ਰੰਗ ਦੇ ਪਾਸਪੋਰਟ ਜਾਰੀ ਕੀਤੇ ਜਾਂਦੇ ਹਨ।
ਪਾਸਪੋਰਟ ਲਈ ਅਰਜ਼ੀ ਕਿਵੇਂ ਦੇਣੀ ਹੈ?
https://www.passportindia.gov.in/ ‘ਤੇ ਰਜਿਸਟਰ ਕਰੋ ਅਤੇ ਲੌਗਇਨ ਕਰੋ।
- ਅਪਲਾਈ ਫਾਰ ਪਾਸਪੋਰਟ ‘ਤੇ ਕਲਿੱਕ ਕਰੋ। ਲੋੜੀਂਦੀ ਜਾਣਕਾਰੀ ਭਰੋ ਅਤੇ ਸਬਮਿਟ ‘ਤੇ ਕਲਿੱਕ ਕਰੋ।
- ਬੁੱਕ ਅਪਾਇੰਟਮੈਂਟ ਲਈ ਸ਼ਡਿਊਲ ਲਿੰਕ ‘ਤੇ ਟੈਪ ਕਰਕੇ ਭੁਗਤਾਨ ਕਰੋ ਅਤੇ ਤਾਰੀਖ ਦਾ ਸਮਾਂ ਚੁਣੋ।
- ਚੁਣੇ ਹੋਏ ਅਪਾਇੰਟਮੈਂਟ ਦੇ ਸਮੇਂ ਅਤੇ ਮਿਤੀ ‘ਤੇ ਹੀ ਪਾਸਪੋਰਟ ਸੇਵਾ ਕੇਂਦਰ ‘ਤੇ ਜਾਓ। ਦਸਤਾਵੇਜ਼ਾਂ ਦੀ ਤਸਦੀਕ ਕਰਵਾਓ।
- ਪੁਲਿਸ ਵੈਰੀਫਿਕੇਸ਼ਨ ਤੋਂ ਬਾਅਦ ਤੁਹਾਨੂੰ ਪਾਸਪੋਰਟ ਮਿਲ ਜਾਵੇਗਾ।
