10000 ਅਧਿਆਪਕਾਂ ਦੀ ਨਵੀਂ ਭਰਤੀ ਸਿਰਫ਼ ਬਿਆਨਾਂ ‘ਚ! ਪੰਜਾਬ ਸਰਕਾਰ ਪੈਨਲ ਮੀਟਿੰਗ ਕਰਨ ਤੋਂ ਵੀ ਭੱਜੀ
ਪੰਜਾਬ ਨੈੱਟਵਰਕ, ਚੰਡੀਗੜ੍ਹ-
ਦਸ ਹਜਾਰ ਅਧਿਆਪਕ ਭਰਤੀ ਕਰਨ ਤੇ ਬਿਆਨ ਦੇਣ ਵਾਲੀ ਆਮ ਆਦਮੀ ਸਰਕਾਰ ਈ ਟੀ ਟੀ ਬੇਰੁਜਗਾਰ ਅਧਿਆਪਕਆਂ ਨੂੰ ਮੰਤਰੀ ਮੰਡਲ ਦੀ ਪੈਨਲ ਮੀਟਿੰਗ ਦੇ ਕੇ ਆਪਣੇ ਵਾਅਦੇ ਤੋਂ ਭੱਜ ਚੁੱਕੀ ਹੈ। ਮਿਤੀ 2 ਮਾਰਚ 2025 ਨੂੰ ਈ.ਟੀ.ਟੀ ਟੈਂਟ ਪਾਸ ਯੂਨੀਅਨ ਵੱਲੋਂ ਈ ਟੀ ਟੀ ਦੀਆਂ ਅਸਾਮੀਆਂ ਦੀ ਮੰਗ ਨੂੰ ਲੈ ਕੇ ਮੁੱਖ ਮੰਤਰੀ ਭਗਵੰਤ ਮਾਨ ਦੀ ਸੰਗਰੂਰ ਵਿਖੇ ਰਿਹਾਇਸ਼ ਅੱਗੇ ਮਿਤੀ 2 ਮਾਰਚ 2025 ਨੂੰ ਧਰਨਾ ਪ੍ਰਦਰਸ਼ਨ ਕੀਤਾ ਗਿਆ ਸੀ।
ਸੂਬਾਈ ਆਗੂਆਂ ਵੱਲੋਂ ਕੇਡਰ ਨੂੰ ਸੰਬੋਧਨ ਕਰਦਿਆਂ ਆਖਿਆ ਗਿਆ ਜ਼ੋ ਆਮ ਆਦਮੀ ਪਾਰਟੀ ਦੀ ਸਰਕਾਰ ਜ਼ੋ ਕਿ ਸਿੱਖਿਆ ਦੇ ਏਜੰਡੇ ਨੂੰ ਵਰਤ ਕੇ ਸੱਤਾ ਵਿਚ ਆਈ ਸੀ ਪਰ ਸੱਤਾ ਸੰਭਾਲਦੇ ਹੀ ਸਰਕਾਰ ਆਪਣੇ ਵਾਅਦਿਆਂ ਤੋਂ ਮੁੱਕਰਦੀ ਨਜ਼ਰ ਆ ਰਹੀ ਹੈ।
ਪਿਛਲੇ ਦੋ ਸਾਲਾਂ ਤੋਂ ਵੱਧ ਸਮਾਂ ਬੀਤ ਜਾਣ ਦੇ ਬਾਵਜ਼ੂਦ ਸਰਕਾਰ ਨੇ ਸਿੱਖਿਆ ਵਿਭਾਗ ਵਿੱਚ ਇੱਕ ਵੀ ਅਧਿਆਪਕ ਭਰਤੀ ਦਾ ਨੋਟੀਫਿਕੇਸ਼ਨ ਜਾਰੀ ਨਹੀਂ ਕੀਤਾ। ਯੂਨੀਅਨ ਆਗੂਆਂ ਨੇ ਕਿਹਾ ਕਿ ਪਿਛਲੇ ਸਮੇਂ ਸਿੱਖਿਆ ਮੰਤਰੀ ਪੰਜਾਬ ਨੇ ਜ਼ੋ ਅਧਿਆਪਕ ਭਰਤੀ ਦਾ ਕੈਲੰਡਰ ਜਾਰੀ ਕਰਕੇ ਹਰ ਸਾਲ ਅਧਿਆਪਕ ਭਰਤੀ ਕਰਨ ਦਾ ਐਲਾਨ ਕੀਤਾ ਸੀ ਓਹ ਸਿਰਫ਼ ਐਲਾਨ ਬਣਕੇ ਰਹਿ ਗਿਆ ਹੈ।
ਸਰਕਾਰ ਦੀ ਇਸ ਬੇਰੁਖ਼ੀ ਦਾ ਸ਼ਿਕਾਰ ਬੇਰੁਜ਼ਗਾਰ ਅਧਿਆਪਕ ਹੋ ਰਹੇ ਹਨ ਤੇ ਲਗਾਤਾਰ ਨਿਰਾਸ਼ਾ ਵੱਲ ਜਾ ਰਹੇ ਹਨ। ਆਗੂਆਂ ਨੇ ਵੱਧ ਤੋਂ ਵੱਧ ਕੇਡਰ ਨੂੰ ਯੂਨੀਅਨ ਨਾਲ ਜੁੜਨ ਦੀ ਅਪੀਲ ਕੀਤੀ ਗਈ ਤਾਂ ਜ਼ੋ ਬਣਦੇ ਹੱਕ ਸਰਕਾਰ ਤੋਂ ਪ੍ਰਾਪਤ ਕੀਤੇ ਜਾ ਸਕਣ।
ਇਸ ਤੋਂ ਬਾਅਦ ਸਰਕਾਰ ਦੁਆਰਾ 5 ਮਾਰਚ 2025 ਨੂੰ ਮੰਤਰੀ ਮੰਡਲ ਨਾਲ ਮੀਟਿੰਗ ਦਿੱਤੀ ਗਈ ਸੀ ਪਰ ਮੀਟਿੰਗ ਤੋਂ ਇੱਕ ਦਿਨ ਪਹਿਲਾਂ ਹੀ ਮੀਟਿੰਗ ਨੂੰ ਬਿਨਾਂ ਰੀ-ਸ਼ਡਿਊਲ ਕੀਤੇ ਕੈਂਸਲ ਕਰ ਦਿੱਤੀ ਗਈ।
ਇਸ ਤੋਂ ਬਾਅਦ ਯੂਨੀਅਨ ਦੇ ਸੂਬਾ ਪ੍ਰਧਾਨ ਪਰਮਜੀਤ ਸਿੰਘ ,ਸੂਬਾ ਆਗੂ ਬਲਵੰਤ ਸ਼ਾਹਪੁਰ, ਪ੍ਰੈੱਸ ਸਕੱਤਰ ਰਾਜਦੀਪ ਸਿੰਘ, ਗੁਰਜੀਤ ਸਿੰਘ ਮਾਨਸਾ, ਨਵਦੀਪ ਬੱਲੀ ਜਸਵੀਰ ਸੇਖੋਂ ਤੇ ਮਨਪ੍ਰੀਤ ਕੌਰ,ਹਰਦੀਪ ਕੌਰ ਅਤੇ ਸਿਮਰ ਵੱਲੋਂ ਸਾਰੇ ਈ ਟੀ ਟੀ ਕਾਡਰ ਨੂੰ ਅਗਲੇ ਪ੍ਰੋਗਰਾਮ ਲਈ ਤਿਆਰ ਰਹਿਣ ਲਈ ਕਿਹਾ ਗਿਆ।
