ਵੱਡੀ ਖ਼ਬਰ: ਆਸਟ੍ਰੇਲੀਆ ‘ਚ ਭਾਰਤੀ ਵਿਅਕਤੀ ਨੂੰ ਬਲਾਤਕਾਰ ਦੇ ਦੋਸ਼ ‘ਚ 40 ਸਾਲ ਦੀ ਕੈਦ! ਭਾਜਪਾ ਨਾਲ ਦੱਸਿਆ ਜਾ ਰਿਹੈ ਨਾਤਾ

ਨਵੀਂ ਦਿੱਲੀ –

ਆਸਟ੍ਰੇਲੀਆ ਵਿਚ ਇਕ 40 ਸਾਲਾ ਭਾਰਤੀ ਨੂੰ 40 ਸਾਲ ਦੀ ਕੈਦ ਦੀ ਸਜ਼ਾ ਸੁਣਾਈ ਗਈ ਹੈ। ਦੋਸ਼ ਹੈ ਕਿ, ਉਕਤ ਵਿਅਕਤੀ ਨੇ ਅਜਿਹਾ ਘਿਨਾਉਣਾ ਅਪਰਾਧ ਕੀਤਾ ਹੈ ਕਿ ਉਸਦੀ 40 ਸਾਲਾਂ ਦੀ ਸਜ਼ਾ ਵਿੱਚੋਂ ਉਸਨੂੰ 30 ਸਾਲ ਬਿਨਾਂ ਪੈਰੋਲ ਦੇ ਜੇਲ੍ਹ ਵਿੱਚ ਕੱਟਣੇ ਪੈਣਗੇ। ਇਸ ਵਿਅਕਤੀ ਦਾ ਨਾਂ ਬਲੇਸ਼ ਧਨਖੜ ਹੈ। ਉਸਨੂੰ ਸਾਲ 2019 ‘ਚ ਗ੍ਰਿਫਤਾਰ ਕੀਤਾ ਗਿਆ ਸੀ। ਉਸਨੂੰ ਅਪ੍ਰੈਲ 2023 ਵਿਚ ਦੋਸ਼ੀ ਠਹਿਰਾਇਆ ਗਿਆ ਸੀ।

ਮੀਡੀਆ ਰਿਪੋਰਟਾਂ ਅਨੁਸਾਰ, ਸਿਡਨੀ ਜ਼ਿਲ੍ਹਾ ਅਦਾਲਤ ਦੇ ਜੱਜ ਮਾਈਕਲ ਕਿੰਗ ਨੇ 7 ਮਾਰਚ 2025 ਨੂੰ ਉਸਨੂੰ ਸਜ਼ਾ ਸੁਣਾਈ। ਸਜ਼ਾ ਸੁਣਦੇ ਹੀ ਬਾਲੇਸ਼ ਰੋਣ ਲੱਗ ਪਿਆ ਅਤੇ ਜ਼ਮਾਨਤ ਦੀ ਮੰਗ ਕੀਤੀ, ਪਰ ਜੱਜ ਨੇ ਉਸ ਨੂੰ ਜ਼ਮਾਨਤ ਦੇਣ ਤੋਂ ਸਾਫ਼ ਇਨਕਾਰ ਕਰ ਦਿੱਤਾ।

ਬਲੇਸ਼ ‘ਤੇ ਕੋਰੀਆਈ ਲੜਕੀਆਂ ਨੂੰ ਨੌਕਰੀ ਦੇ ਬਹਾਨੇ ਬੁਲਾਉਣ, ਉਨ੍ਹਾਂ ਨੂੰ ਨਸ਼ੀਲੇ ਪਦਾਰਥ ਪਿਲਾਉਣ ਅਤੇ ਉਨ੍ਹਾਂ ਨਾਲ ਬਲਾਤਕਾਰ ਕਰਨ ਦਾ ਦੋਸ਼ ਹੈ। ਕਮਰੇ ਵਿੱਚ ਲੱਗੇ ਗੁਪਤ ਕੈਮਰੇ ਦੀ ਫੁਟੇਜ ਦਿਖਾ ਕੇ ਬਲੈਕਮੇਲ ਕੀਤਾ। ਆਸਟ੍ਰੇਲੀਆ ‘ਚ ਉਸ ‘ਤੇ 39 ਮਾਮਲੇ ਦਰਜ ਸਨ, ਜਿਨ੍ਹਾਂ ‘ਚੋਂ 13 ਮਾਮਲੇ ਬਲਾਤਕਾਰ ਦੇ ਸਨ।

ਦੂਜੇ ਪਾਸੇ, ਕਾਂਗਰਸ ਨੇ ਇਸ ਖਬਰ ਨੂੰ ਨਾ ਸਿਰਫ ਭਾਜਪਾ ਨਾਲ ਜੋੜਿਆ ਹੈ ਸਗੋਂ ਇਸ ਨੂੰ 8 ਮਾਰਚ ਨੂੰ ਹੋਏ ਅੰਤਰਰਾਸ਼ਟਰੀ ਮਹਿਲਾ ਦਿਵਸ ਨਾਲ ਵੀ ਜੋੜਿਆ ਹੈ। ਪਾਰਟੀ ਨੇ ਆਪਣੇ ਟਵਿੱਟਰ ਹੈਂਡਲ ‘ਤੇ 51 ਸੈਕਿੰਡ ਦੀ ਵੀਡੀਓ ਕੈਪਸ਼ਨ ਦੇ ਨਾਲ ਪੋਸਟ ਕੀਤੀ ਹੈ, “ਮਹਿਲਾ ਦਿਵਸ ‘ਤੇ ਸਪੱਸ਼ਟ ਸੰਦੇਸ਼ ਹੈ, ਆਪਣੀ ਬੇਟੀ ਨੂੰ ਭਾਜਪਾ ਨੇਤਾਵਾਂ ਤੋਂ ਬਚਾਓ।”

ਇੱਕ ਹੋਰ ਪੋਸਟ ਵਿੱਚ ਪਾਰਟੀ ਨੇ ਦੋ ਤਸਵੀਰਾਂ ਪੋਸਟ ਕੀਤੀਆਂ ਅਤੇ ਲਿਖਿਆ, “ਅਦਾਲਤ ਨੇ ਬਾਲੇਸ਼ ਧਨਖੜ ਨੂੰ 40 ਸਾਲ ਦੀ ਸਜ਼ਾ ਸੁਣਾਈ ਹੈ ਅਤੇ 30 ਸਾਲ ਤੱਕ ਪੈਰੋਲ ਨਾ ਦੇਣ ਦਾ ਹੁਕਮ ਦਿੱਤਾ ਹੈ। ਆਸਟ੍ਰੇਲੀਅਨ ਅਦਾਲਤ ਨੇ ਕਿਹਾ ਹੈ ਕਿ ਇਹ ਇੱਕ ਘਿਨਾਉਣਾ ਅਪਰਾਧ ਹੈ।” ਵੀਡੀਓ ‘ਚ ਕਾਂਗਰਸ ਨੇ ਕਈ ਤਸਵੀਰਾਂ ਸ਼ੇਅਰ ਕੀਤੀਆਂ ਹਨ, ਜਿਸ ‘ਚ ਬਾਲੇਸ਼ ਧਨਖੜ ਪੀਐੱਮ ਨਰਿੰਦਰ ਮੋਦੀ ਨਾਲ ਨਜ਼ਰ ਆ ਰਹੇ ਹਨ। ਇਹ ਵੀ ਲਿਖਿਆ ਹੈ ਕਿ “ਉਹ ਭਾਜਪਾ ਦੇ ਸੀਨੀਅਰ ਆਗੂ ਸਨ, ਜੋ ਆਸਟ੍ਰੇਲੀਆ ਵਿੱਚ ਰਹਿੰਦੇ ਸਨ।”