ਵੱਡੀ ਖ਼ਬਰ: AAP ਲੀਡਰ ਸੰਜੇ ਸਿੰਘ ਦੀਆਂ ਵਧੀਆਂ ਮੁਸ਼ਕਲਾਂ, ਅਦਾਲਤ ਵਲੋਂ ਵਾਰੰਟ ਜਾਰੀ
ਸੰਜੇ ਸਿੰਘ ਨੂੰ ਲੈ ਕੇ ਵਿਸ਼ੇਸ਼ ਅਦਾਲਤ ਹੋਈ ਸਖ਼ਤ
ਨਵੀਂ ਦਿੱਲੀ
ਸੁਲਤਾਨਪੁਰ ਜ਼ਿਲ੍ਹੇ ਦੀ MP/MLA ਵਿਸ਼ੇਸ਼ ਅਦਾਲਤ ਆਮ ਆਦਮੀ ਪਾਰਟੀ ਦੇ MP ਸੰਜੇ ਸਿੰਘ ਨੂੰ ਲੈ ਕੇ ਸਖ਼ਤ ਹੋ ਗਈ ਹੈ। ਐਮਪੀ/ਐਮਐਲਏ ਮੈਜਿਸਟਰੇਟ ਸ਼ੁਭਮ ਵਰਮਾ ਨੇ ਐਮਪੀ ਸੰਜੇ ਸਿੰਘ ਦੇ ਖਿਲਾਫ ਜ਼ਮਾਨਤੀ ਵਾਰੰਟ ਜਾਰੀ ਕਰਨ ਦਾ ਆਦੇਸ਼ ਦਿੱਤਾ ਹੈ।
ਸਾਲ 2021 ਵਿੱਚ, ਸੰਜੇ ਸਿੰਘ ਮਹਾਂਮਾਰੀ ਐਕਟ ਦੀ ਉਲੰਘਣਾ ਦੇ ਮਾਮਲੇ ਵਿੱਚ ਵਾਰੰਟ ਜਾਰੀ ਹੋਣ ਤੋਂ ਬਾਅਦ ਵੀ ਅਦਾਲਤ ਵਿੱਚ ਨਹੀਂ ਪਹੁੰਚਿਆ। ਮਾਮਲਾ ਬੰਧੂਆ ਕਲਾ ਥਾਣੇ ਦਾ ਹੈ।
13 ਅਪ੍ਰੈਲ 2021 ਨੂੰ ਪੁਲਿਸ ਸਟੇਸ਼ਨ ਅਧਿਕਾਰੀ ਪ੍ਰਵੀਨ ਕੁਮਾਰ ਸਿੰਘ ਨੇ ਐਫ.ਆਈ.ਆਰ. ਦਰਜ ਕਰਵਾਈ ਸੀ।
ਦੋਸ਼ ਸੀ ਕਿ ਹਸਨਪੁਰ ਪਿੰਡ ਵਿੱਚ ਸੰਸਦ ਮੈਂਬਰ ਸੰਜੇ ਸਿੰਘ ਆਪਣੀ ਪਾਰਟੀ ਦੀ ਜ਼ਿਲ੍ਹਾ ਪ੍ਰੀਸ਼ਦ ਮੈਂਬਰ ਸਲਮਾ ਬੇਗਮ ਦੇ ਹੱਕ ਵਿੱਚ ਮੀਟਿੰਗ ਕਰ ਰਹੇ ਸਨ, ਜਿਸ ਦੀ ਉਨ੍ਹਾਂ ਨੂੰ ਇਜਾਜ਼ਤ ਨਹੀਂ ਸੀ। ਉਸ ਦੇ ਨਾਲ 50-60 ਹੋਰ ਲੋਕ ਸਨ। ਸੰਜੇ ਸਿੰਘ ਨੇ ਭਾਰੀ ਲੋਕਾਂ ਦੀ ਭੀੜ ਕਰਕੇ ਮਹਾਂਮਾਰੀ ਐਕਟ ਅਤੇ ਹੋਰ ਕਾਨੂੰਨਾਂ ਦੀ ਉਲੰਘਣਾ ਕੀਤੀ ਹੈ।
