Big Breaking: ਬਲੋਚ ਆਰਮੀ ਨੇ 50 ਫੌਜੀਆਂ ਨੂੰ ਗੋਲੀਆਂ ਨਾਲ ਭੁੰਨਿਆ!
World Breaking-
ਕਈ ਮੁਸੀਬਤਾਂ ਦੇ ਨਾਲ ਘਿਰਿਆ ਪਾਕਿਸਤਾਨ ਇੱਕ ਵਾਰ ਫਿਰ ਦਹਿਲ ਗਿਆ। ਦਰਅਸਲ, ਬਲੋਚ ਆਰਮੀ ਪਿਛਲੇ ਤਿੰਨ ਦਿਨਾਂ ਤੋਂ ਬਲੋਚਿਸਤਾਨ ਵਿੱਚ ਪਾਕਿਸਤਾਨੀ ਫੌਜ ‘ਤੇ ਲਗਾਤਾਰ ਹਮਲੇ ਕਰ ਰਹੀ ਹੈ। ਇਨ੍ਹਾਂ ਹਮਲਿਆਂ ਵਿੱਚ ਪਾਕਿਸਤਾਨੀ ਫੌਜ ਦੇ 50 ਜਵਾਨ ਅਤੇ ਖੁਫੀਆ ਏਜੰਸੀਆਂ ਦੇ 9 ਏਜੰਟ ਮਾਰੇ ਗਏ ਹਨ। ਇਸ ਤੋਂ ਇਲਾਵਾ, ਲਗਭਗ 51 ਸੈਨਿਕ ਜ਼ਖਮੀ ਹੋਏ ਹਨ।
ਬਲੋਚ ਆਰਮੀ ਨੇ ਦਾਅਵਾ ਕੀਤਾ ਹੈ ਕਿ 9 ਜੁਲਾਈ ਤੋਂ 11 ਜੁਲਾਈ ਤੱਕ ਪਾਕਿ ਫੌਜ ਦੇ 84 ਠਿਕਾਣਿਆਂ ‘ਤੇ ਹਮਲੇ ਕੀਤੇ ਗਏ। ਏਬੀਪੀ ਨਿਊਜ਼ ਦੀ ਰਿਪੋਰਟ ਅਨੁਸਾਰ, ਬਲੋਚ ਆਰਮੀ ਨੇ ਪਾਕਿਸਤਾਨ ਦੀ ਮਿਲਟਰੀ ਇੰਟੈਲੀਜੈਂਸ ਅਤੇ ਆਈਐਸਆਈ ਦੇ 9 ਏਜੰਟਾਂ ਨੂੰ ਮਾਰ ਦਿੱਤਾ ਹੈ।
ਬਲੋਚ ਆਰਮੀ ਨੇ ਇਸ ਕਾਰਵਾਈ ਨੂੰ ਬੀਏਐਮ ਦਾ ਨਾਮ ਦਿੱਤਾ ਹੈ। ਜਾਣਕਾਰੀ ਅਨੁਸਾਰ, 72 ਘੰਟੇ ਤੱਕ ਚੱਲੇ ਇਸ ਆਪਰੇਸ਼ਨ ਵਿੱਚ ਬਲੋਚ ਆਰਮੀ ਨੇ ਕਈ ਖਣਿਜ ਅਤੇ ਗੈਸ ਟੈਂਕਰਾਂ ਨੂੰ ਵੀ ਨਿਸ਼ਾਨਾ ਬਣਾਇਆ। ਇਸ ਤੋਂ ਇਲਾਵਾ, ਬਲੋਚ ਆਰਮੀ ਨੇ ਪਾਕਿਸਤਾਨੀ ਫੌਜ ਦੇ 5 ਡਰੋਨ ਵੀ ਨਸ਼ਟ ਕਰ ਦਿੱਤੇ ਹਨ।
ਬਲੋਚ ਆਰਮੀ ਦੇ ਅਨੁਸਾਰ, ਪਾਕਿਸਤਾਨੀ ਫੌਜ ‘ਤੇ ਲਗਭਗ 30 ਹਮਲੇ ਕੀਤੇ ਗਏ। ਜਦੋਂ ਕਿ 2 ਹਮਲੇ ਪਾਕਿਸਤਾਨ ਦੀਆਂ ਖੁਫੀਆ ਏਜੰਸੀਆਂ ‘ਤੇ, 4 ਹਮਲੇ ਪੁਲਿਸ ਚੈੱਕ ਪੋਸਟ ‘ਤੇ ਅਤੇ 4 ਹਮਲੇ ਫੌਜ ਚੈੱਕ ਪੋਸਟ ‘ਤੇ ਸਨ। ਇਹਨਾਂ ਹਮਲਿਆਂ ਵਿੱਚ ਕਈ ਪਾਕ ਆਰਮੀ ਦੇ ਫੌਜੀ ਮਾਰੇ ਗਏ ਹਨ।
