Punjab News: ਪੰਜਾਬ ਦੇ ਆਈਈਵੀ ਅਧਿਆਪਕਾਂ ਦਾ ਦੁਖਾਂਤ! ਸਵਾਲਾਂ ‘ਚ ਘਿਰੀ ਸਰਕਾਰ

 

Punjab News: ਆਈਈਵੀ ਅਧਿਆਪਕ ਜਥੇਬੰਦੀ ਪੰਜਾਬ ਦੀ ਸੂਬਾ ਪੱਧਰੀ ਮੀਟਿੰਗ 20- ਜੁਲਾਈ 2025 ,ਦਿਨ ਐਤਵਾਰ ਨੂੰ, ਈਸੜੂ ਭਵਨ ,ਲੁਧਿਆਣਾ ਵਿਖੇ ਹੋਈ। ਇਸ ਮੀਟਿੰਗ ਵਿੱਚ ਨਵੀਂ ਸਟੇਟ ਕਮੇਟੀ ਦਾ ਗਠਨ ਕੀਤਾ ਗਿਆ, ਜਿਸ ਵਿੱਚ ਗੁਰਲਾਲ ਸਿੰਘ ਤੂਰ ਨੂੰ ਸਟੇਟ ਪ੍ਰਧਾਨ ਦੇ ਅਹੁਦੇ ਤੋਂ ਹਟਾ ਦਿੱਤਾ ਗਿਆ ਅਤੇ ਪੰਜਾਬ ਦੇ ਸਮੂਹ ਆਈਈਵੀ ਅਧਿਆਪਕਾਂ ਵੱਲੋਂ ਸਰਬ ਸੰਮਤੀ ਨਾਲ ਸ਼੍ਰੀਮਤੀ ਪਰਮਜੀਤ ਕੌਰ ਪੱਖੋਵਾਲ (ਲੁਧਿਆਣਾ) ਨੂੰ ਮੌਜੂਦਾ ਸਟੇਟ ਪ੍ਰਧਾਨ ਬਣਾਇਆ ਗਿਆ।

ਪ੍ਰਧਾਨ ਦੇ ਨਾਲ ਸਟੇਟ ਕਮੇਟੀ ਮੈਂਬਰ ਵੀ ਸਰਬ ਸੰਮਤੀ ਨਾਲ ਚੁਣੇ ਗਏ ਹਨ, ਜੋ ਕਿ ਸਮੁੱਚੇ ਕੇਡਰ ਦੇ ਭਲੇ ਲਈ ਕੰਮ ਕਰਨਗੇ ਅਤੇ ਸਮੁੱਚੇ ਕੇਡਰ ਦੇ ਹੱਕਾਂ ਦੀ ਰਾਖੀ ਕਰਨਗੇ। ਚੁਣੇ ਗਏ ਹੋਰ ਅਹੁਦੇਦਾਰਾਂ ਵਿੱਚ ਗੁਰਦੇਵ ਸਿੰਘ ਅੰਮ੍ਰਿਤਸਰ ਸਾਹਿਬ ਵਾਈਸ ਪ੍ਰਧਾਨ ਅਤੇ ਕੁਲਵਿੰਦਰ ਕੌਰ ਐਸ ਬੀ ਐਸ ਨਗਰ ਅਤੇ ਪ੍ਰੀਆ ਸ਼ਰਮਾ ਫਤਿਹਗੜ੍ਹ ਸਾਹਿਬ ਨੂੰ ਖਜਾਨਚੀ ਚੁਣਿਆ ਗਿਆ।

ਇਸ ਤੋਂ ਇਲਾਵਾ ਸਟੇਟ ਕਮੇਟੀ ਮੈਂਬਰ ਬੂਟਾ ਸਿੰਘ ਮਾਨਸਾ, ਕੁਲਦੀਪ ਸਿੰਘ ਬਰਨਾਲਾ, ਭੁਪਿੰਦਰ ਕੌਰ ਜਲੰਧਰ, ਨਰਿੰਦਰ ਕੌਰ ਮੋਗਾ, ਸੁਭਾਸ਼ ਗਨੋਟਾ ਸੰਗਰੂਰ, ਦੀਪ ਕੁਮਾਰ ਐਸਬੀਐਸ ਨਗਰ, ਮਮਤਾ ਰਾਣੀ ਫਿਰੋਜ਼ਪੁਰ, ਬੇਅੰਤ ਸਿੰਘ ਪਟਿਆਲਾ, ਹੈਪੀ ਸਿੰਘ ਬਠਿੰਡਾ, ਗੁਰਤੇਜ ਸਿੰਘ ਲੁਧਿਆਣਾ, ਸ਼ਮਾ ਪਾਹਵਾ ਤਰਨ ਤਾਰਨ, ਅੰਮ੍ਰਿਤਪਾਲ ਕੌਰ ਮਲੇਰਕੋਟਲਾ, ਸੁਮਿਤਰਾ ਕੰਬੋਜ ਫਾਜਿਲਕਾ, ਗੁਰਪ੍ਰੀਤ ਸਿੰਘ ਮੋਹਾਲੀ, ਕਪਿਲ ਜੋਸ਼ੀ ਗੁਰਦਾਸਪੁਰ, ਸਰਬਜੀਤ ਕੌਰ ਫਰੀਦਕੋਟ, ਵਰਿੰਦਰ ਕੁਮਾਰ ਮੁਕਤਸਰ, ਸੋਹਣ ਸਿੰਘ ਰੋਪੜ, ਬਲਵਿੰਦਰ ਸਿੰਘ ਹੁਸ਼ਿਆਰਪੁਰ, ਇੰਦਰਜੀਤ ਕੌਰ ਪਠਾਨਕੋਟ, ਸੰਦੀਪ ਕੌਰ ਕਪੂਰਥਲਾ , ਅਤੇ ਧਰਮਿੰਦਰ ਸਿੰਘ ਭੰਗੂ ਪਟਿਆਲਾ ਨੂੰ ਸਟੇਟ ਕਮੇਟੀ ਦੇ ਮੈਂਬਰ ਚੁਣਿਆ ਗਿਆ।

ਇਸ ਮੌਕੇ ਸਟੇਟ ਪ੍ਰੈਜੀਡੈਂਟ ਪਰਮਜੀਤ ਕੌਰ ਪੱਖੋਂਵਾਲ ਨੇ ਕਿਹਾ ਕਿ ਅਸੀਂ ਸਮੂਹ ਆਈਈਵੀ ਅਧਿਆਪਕ ਸਾਲ 2008-9 ਤੋਂ ਲਗਾਤਾਰ ਲਗਭਗ 16-17 ਸਾਲਾਂ ਤੋਂ ਸਰੀਰਕ ਅਤੇ ਮਾਨਸਿਕ ਅਯੋਗਤਾ ਵਾਲੇ ਬੱਚਿਆਂ ਨੂੰ ਕਲੱਸਟਰ ਪੱਧਰ ਤੇ ਸੁਤੰਤਰ ਪੋਸਟ ਤੇ ਪੜ੍ਹਾ ਰਹੇ ਹਾਂ, ਪਰ ਬਹੁਤ ਦੁੱਖ ਦੀ ਗੱਲ ਹੈ ਕਿ ਜਦੋਂ ਸਰਕਾਰ ਨੇ ਐਨਬੀਟੀ 8736 ਪਾਲਸੀ ਬਣਾਕੇ ਅਲੱਗ ਅਲੱਗ ਕੰਟਰੈਕਟ ਬੇਸ ਤੇ ਕੰਮ ਕਰਨ ਵਾਲੇ ਵਲੰਟੀਅਰ ਰੈਗੂਲਰ ਕੀਤੇ ਸਨ।

ਪਰ ਉਸ ਤੋਂ ਸਰਕਾਰ ਵੱਲੋਂ ਸਾਰੇ ਵਲੰਟੀਅਰਾਂ ਦੀਆਂ ਮੌਜੂਦਾ ਵਿਦਿਅਕ ਅਤੇ ਪੋ੍ਫੈਸਨਲ ਯੋਗਤਾਵਾਂ ਦੀ ਵੈਰੀਫਿਕੇਸ਼ਨ ਕੀਤੀ ਗਈ ਸੀ , ਅਸੀਂ ਵੀ ਸਾਰੇ ਆਈ.ਈ.ਵੀ. ਨੇ ਆਪਣੀਆਂ ਵਿਦਿਅਕ ਅਤੇ ਪੋ੍ਫੈਸਨਲ ਡਿਗਰੀਆਂ ਦੀਆਂ ਫਾਈਲਾਂ ਰੈਗੂਲਰ ਆਰਡਰ ਮਿਲਣ ਤੋਂ 8 ਮਹੀਨੇ ਪਹਿਲਾਂ ਜਿਲਾਂ ਪੱਧਰ ‘ਤੇ ਵੈਰੀਫਾਈ ਕਰਵਾਈਆਂ ਸਨ, ਫਿਰ ਸਾਡੀਆਂ ਉੱਚ ਵਿਦਿਅਕ ਅਤੇ ਪੋ੍ਫੈਸਨਲ ਯੋਗਤਾਵਾਂ ਸਟੇਟ ਪੱਧਰ ‘ਤੇ ਕੀਤੀ ਗਈ ਵੈਰੀਫਿਕੇਸਨ ਦੌਰਾਨ ਆਈਈਡੀ ਕੰਪੋਨੈਂਟ ਵੱਲੋਂ ਲੁਕਾਈਆਂ ਕਿਉਂ ਗਈਆਂ? ਅਤੇ ਸਾਨੂੰ ਸਰਕਾਰ ਦੇ ਅੱਗੇ ਸਿਰਫ ਬਾਰਵੀਂ ਪਾਸ ਹੀ ਕਿਉਂ ਦਿਖਾਇਆ ਗਿਆ।

ਜਦੋਂ ਕਿ ਨਾ ਅਸੀਂ 2008-09 ਭਰਤੀ ਸਮੇਂ ਬਾਰਵੀਂ ਪਾਸ ਸੀ ਅਤੇ ਨਾ ਹੀ ਅੱਜ ਬਾਰਵੀਂ ਪਾਸ ਹਾਂ, ਆਈ.ਈ.ਡੀ ਕੰਪੋਨੈਂਟ ਦੇ ਅਧਿਕਾਰੀਆਂ ਨੂੰ ਜਦੋਂ ਅਸੀਂ ਸਵਾਲ ਕਰਦੇ ਹਾਂ ਕਿ ਸਾਡੀਆਂ ਮੌਜੂਦਾ ਵਿਦਿਅਕ ਯੋਗਤਾਵਾਂ ਕਿਉਂ ਛੁਪਾਈਆਂ ਗਈਆਂ ਤਾਂ ਉਹ ਸਾਡੀ ਭਰਤੀ ਨੂੰ +2 ਬੇਸ ਦੱਸਦੇ ਹਨ, ਪਰ ਇੱਥੇ ਇਹ ਗੱਲ ਵੀ ਜੇਕਰ ਯੋਗ ਹੈ ਕਿ ਜਦੋਂ ਅਸੀਂ 2008-9 ਵਿੱਚ ਭਰਤੀ ਹੋਏ ਸੀ, ਜੇਕਰ ਸਾਡੀ ਭਰਤੀ ਨੂੰ ਆਈ.ਈ.ਡੀ ਕੰਪੋਨੈਂਟ ਵਾਲੇ +2 ਬੇਸ ਭਰਤੀ ਕਹਿੰਦੇ ਹਨ ਤਾਂ ਬਾਕੀ ਕੈਟਾਗਰੀਜ ਦੇ ਵਲੰਟੀਅਰ ਵੀ ਉਸ ਟਾਈਮ +2 ਬੇਸ ਭਰਤੀ ਹੋਏ ਸਨ , ਫਿਰ ਉਹਨਾਂ ਦੀਆਂ ਮੌਜੂਦਾ ਵਿਦਿਅਕ ਯੋਗਤਾਵਾਂ ਅਨੁਸਾਰ ਤਨਖਾਹ ਕਿਵੇਂ ਦਿੱਤੀ ਗਈ?

ਬਾਕੀ ਕੈਟਾਗਰੀਜ ਦੇ ਵਲੰਟੀਅਰਜ਼ ਜੋ ਕੋਈ 2364 ਵਿੱਚ ਜਾਂ 5994 ਵਿੱਚ ਪ੍ਰੀਖਿਆ ਕਲੀਅਰ ਕਰ ਚੁੱਕੇ ਸਨ ,ਉਹਨਾਂ ਨੂੰ, ਉਹਨਾਂ ਵੱਲੋਂ ਕੀਤੀ ਗਈ ਪਿਛਲੀ ਸਰਵਿਸ ਦੇ 10 ਨੰਬਰ ਤਜਰਬੇ ਦੇ ਫਿਰ ਕਿਵੇਂ ਦਿੱਤੇ ਗਏ?? ਪਰ ਸਾਡੀ ਕੈਟਾਗਰੀ ਦੇ ਵਿੱਚੋਂ 2364 ਦਾ ਪੇਪਰ ਕਲੀਅਰ ਕਰਕੇ 16 ਆਈ.ਈ.ਵੀ ਅਧਿਆਪਕਾਂ ਨੂੰ ਪਿਛਲੀ ਕੀਤੀ ਸਰਵਿਸ ਦੇ 10 ਨੰਬਰ ਤੇਜਰਬੇ ਨਹੀਂ ਦਿੱਤੇ ਜਾ ਰਹੇ, ਜਿਸ ਕਾਰਨ ਸਾਡੇ 16 ਸਾਥੀ 2364 ਦਾ ਪੇਪਰ ਕਲੀਅਰ ਕਰਕੇ 10 ਨੰਬਰ ਤਜਰਬੇ ਤੋਂ ਵਾਂਝੇ ਰਹਿਣ ਕਰਕੇ , 2364 ਦੀ ਮੈਰਿਟ ਸੂਚੀ ਵਿੱਚੋਂ ਬਾਹਰ ਰਹਿ ਗਏ, ਇਸ ਤੋਂ ਇਲਾਵਾ 89 ਸਪੈਸ਼ਲ ਬੀ.ਐਡ, ਪੀਐਸਟੈਟ ਆਈ ਈ ਵਲੰਟੀਅਰ ਅਧਿਆਪਕ ਜੋ ਕਿ ਆਰਸੀਆਈ ਤੋਂ ਪਰੂਵਡ ਹਨ, ਇਨਾ ਸਪੈਸ਼ਲ ਡਿਗਰੀਆਂ ਵਾਲੇ 89 ਆਈ ਈ ਵੀ ਅਧਿਆਪਕਾਂ ਨੂੰ ਜੋ ਪੰਜਾਬ ਸਰਕਾਰ ਵੱਲੋਂ 3600 ਸਪੈਸ਼ਲ ਐਜੂਕੇਟਰ ਦੀਆਂ ਪੋਸਟਾਂ ਭਰੀਆਂ ਜਾ ਰਹੀਆਂ ਹਨ, ਉਸ ਵਿੱਚੋਂ ਵੀ 89 ਸਪੈਸ਼ਲ ਬੀਐਡ ਦੀਆਂ ਡਿਗਰੀਆਂ ਕਰਕੇ ਬੈਠੇ ਆਈਈਵੀ ਅਧਿਆਪਕਾਂ ਨੂੰ ਵਾਂਝਾ ਰੱਖਿਆ ਜਾ ਰਿਹਾ ਹੈ।

ਉਪਰੋਕਤ 16 ਅਧਿਆਪਕ 2364 ਵਾਲੇ 10 ਨੰਬਰ ਤਜਰਬੇ ਦੇ ਨਾ ਮਿਲਣ ਕਰਕੇ ਆਈਈਡੀ ਕੰਪੋਨੈਂਟ ਵਿੱਚ ਆਪਣਾ ਭਵਿੱਖ ਖਰਾਬ ਕਰ ਰਹੇ ਹਨ, ਦੂਸਰੇ ਪਾਸੇ 1016 ਆਈ ਈ ਵਲੰਟੀਅਰ ਅਧਿਆਪਕਾਂ ਵਿੱਚੋਂ ਜਿੰਨਾ ਕੋਲ ਜਨਰਲ ਡਿਗਰੀਆਂ ਡਿਪਲੋਮੇ ਹਨ, ਉਹਨਾਂ ਦੀਆਂ ਵੀ ਪ੍ਰੋਫੈਸ਼ਨਲ ਅਤੇ ਵਿਦਿਅਕ ਯੋਗਤਾਵਾਂ ਆਈ.ਈ.ਡੀ ਕੰਪੋਨੈਂਟ ਦਾ ਮਹਿਕਮਾ ਕੰਸੀਡਰ ਨਾ ਕਰਕੇ ਇਹਨਾਂ ਨੂੰ ਵੀ ਮਾਨਸਿਕ ਤੌਰ ਤੇ ਰੋਗੀ ਬਣਾ ਰਿਹਾ ਹੈ।

ਪਰਮਜੀਤ ਕੌਰ ਪੱਖੋਂਵਾਲ ਨੇ ਕਿਹਾ ਕਿ , ਵੈਸੇ ਅਸੀਂ ਸਮੂਹ ਆਈ ਈ ਵੀ ਅਧਿਆਪਕ ਸਾਡੇ ਆਈ.ਈ.ਡੀ. ਕੰਪੋਨੈਂਟ ਨੂੰ ਅਤੇ ਪੰਜਾਬ ਸਰਕਾਰ ਨੂੰ ਇਹੀ ਸਵਾਲ ਜਰੂਰ ਪੁੱਛਣਾ ਚਾਹਵਾਂਗੇ, ਕਿ ਜੇਕਰ ਕੋਈ ਕਰਮਚਾਰੀ ਆਪਣੀ ਸਰਵਿਸ ਦੌਰਾਨ ਸਿੱਖਿਆ ਵਿਭਾਗ ਤੋਂ ਪ੍ਰਵਾਨਗੀ ਲੈ ਕੇ ਆਪਣੀਆਂ ਵਿਦਿਅਕ ਯੋਗਤਾਵਾਂ ਅਤੇ ਪ੍ਰੋਫੈਸ਼ਨਲ ਯੋਗਤਾਵਾਂ ਨੂੰ ਵਧਾਉਂਦਾ ਹੈ ਤਾਂ ਕੀ ਉਸ ਦੀਆਂ ਮੌਜੂਦਾ ਵਿੱਦਿਅਕ ਯੋਗਤਾਵਾਂ ਅਤੇ ਪ੍ਰੋਫੈਸ਼ਨਲ ਡਿਗਰੀਆਂ ਦੀ ਕਦਰ ਨਹੀਂ ਕੀਤੀ ਜਾਣੀ ਚਾਹੀਦੀ, ਕੀ ਉਸ ਦੀ ਤਰੱਕੀ ਦੇ ਸਾਰੇ ਰਸਤੇ ਬੰਦ ਕਰਨੇ ਚਾਹੀਦੇ ਹਨ ਜਾਂ ਖੋਲਣੇ ਚਾਹੀਦੇ ਹਨ? ?

ਵੈਸੇ ਵੀ ਸਾਡੀ ਆਈ ਈ ਵਲੰਟੀਅਰ ਅਧਿਆਪਕਾਂ ਦੀ ਭਰਤੀ +2 ਬੇਸ ਨਹੀਂ ਸੀ, ਘੱਟੋ ਘੱਟ ਵਿਦਿਅਕ ਯੋਗਤਾ +2 ਜਰੂਰ ਮੰਗੀ ਗਈ ਸੀ, ਪਰ ਫਿਰ ਉਸ ਸਮੇਂ ਗ੍ਰੈਜੂਏਸ਼ਨ ਅਤੇ ਪੋਸਟ ਗਰੈਜੂਏਸ਼ਨ ਅਤੇ ਬੀਐਡ ਕੈਂਡੀਡੇਟਸ ਨੂੰ ਇਸ ਭਰਤੀ ਵਿੱਚ ਨਿਰੋਲ ਮੈਰਿਟ ਦੇ ਆਧਾਰ ਤੇ ਕਿਉਂ ਚੁਣਿਆ ਗਿਆ ਸੀ? ਅਸੀਂ 1016 ਆਈ ਈ ਵਲੰਟੀਅਰ ਅਧਿਆਪਕਾਂ ਨੇ ਸਰਕਾਰੀ ਸਕੂਲਾਂ ਦੇ ਵਿੱਚ ਲਗਭਗ 16 ਤੋਂ 17 ਸਾਲ ਆਪਣੀ ਸੇਵਾ ਦੇ ਲਗਾਏ ਹਨ, ਨਾ ਸਾਨੂੰ ਸਾਡੀ ਕੀਤੀ ਪਿਛਲੇ ਸਰਵਿਸ ਦੇ ਕਿਸੇ ਹੋਰ ਭਰਤੀ ਵਿੱਚ ਜਾਣ ਲਈ 10 ਨੰਬਰ ਤਜਰਬੇ ਦਿੱਤੇ ਜਾ ਰਹੇ ਹਨ ਅਤੇ ਨਾ ਹੀ ਸਾਡੇ ਸਪੈਸ਼ਲ ਕੇਡਰ ਨੂੰ ਸਪੈਸ਼ਲ ਭਰਤੀਆਂ ਦੇ ਵਿੱਚ ਕੰਸੀਡਰ ਜਾ ਰਿਹਾ ਹੈ।

ਪਰਮਜੀਤ ਕੌਰ ਪੱਖੋਂਵਾਲ ਨੇ ਕਿਹਾ ਕਿ ਸਾਡਾ ਸਮੂਹ 1016 ਆਈ ਈ ਵੀ ਅਧਿਆਪਕਾਂ ਦਾ ਸਾਡੇ ਆਈ.ਈ.ਡੀ ਕੰਪੋਨੈਂਟ ਦੇ ਮਹਿਕਮੇ ਨੂੰ ਅਤੇ ਪੰਜਾਬ ਸਰਕਾਰ ਨੂੰ ਇਹ ਸਵਾਲ ਹੈ ਕਿ ਕੀ ਅਸੀਂ 16-17 ਸਾਲਾਂ ਤੋਂ ਸਰਕਾਰੀ ਸਕੂਲਾਂ ਵਿੱਚ ਵਿਕਲਾਂਗ ਬੱਚਿਆਂ ਦੀ ਸੇਵਾ ਵਿੱਚ ਲਗਾਕੇ ,ਕੀ ਕੋਈ ਗਲਤੀ ਕਰ ਲਈ ਹੈ? ਸਾਡੇ ਕੋਲ ਤਾਂ ਪਹਿਲੀ ਜਮਾਤ ਤੋਂ ਲੈ ਕੇ ਬਾਰਵੀਂ ਜਮਾਤ ਤੱਕ ਦੇ ਵਿਸ਼ੇਸ਼ ਲੋੜਾਂ ਵਾਲੇ ਬੱਚੇ ਸਕੂਲ ਦੇ ਦੂਜੇ ਬੱਚਿਆਂ ਨਾਲ ਬੈਠ ਕੇ ਪੜਾਈ ਕਰਦੇ ਹਨ, ਜੇਕਰ ਅਸੀਂ ਖੁਦ +2 ਯੋਗਤਾ ਵਾਲੇ ਸੀ ਫਿਰ ਅਸੀਂ ਸਰਕਾਰੀ ਸਕੂਲਾਂ ਵਿੱਚ ਪਹਿਲੀ ਜਮਾਤ ਤੋਂ ਲੈ ਕੇ ਬਾਰਵੀਂ ਜਮਾਤ ਤੱਕ ਦੇ ਬੱਚਿਆਂ ਨੂੰ ਪਿਛਲੇ 17 ਸਾਲਾਂ ਤੋਂ ਕਿਵੇਂ ਪੜਾ ਰਹੇ ਹਾਂ??

ਹੁਣ ਇੱਥੇ ਇੱਕ ਗੱਲ ਹੋਰ ਜ਼ਿਕਰਯੋਗ ਹੈ, ਕਿ ਆਈ.ਈ.ਡੀ ਕੰਪੋਨੈਂਟ ਮਹਿਕਮੇ ਦੇ ਅਧਿਕਾਰੀ ਕਹਿ ਰਹੇ ਹਨ ਕਿ 1016 ਆਈ ਈ ਵਲੰਟੀਅਰ ਅਧਿਆਪਕ ਸਰਕਾਰੀ ਸਕੂਲਾਂ ਵਿੱਚ ਵਿਸ਼ੇਸ਼ ਲੋੜਾਂ ਵਾਲੇ ਬੱਚਿਆਂ ਨੂੰ ਨਹੀਂ ਪੜਾਉਂਦੇ, ਪਰ ਸਾਡਾ ਫਿਰ ਇੱਥੇ ਵੀ ਆਈ.ਈ.ਡੀ ਕੰਪੋਨੈਂਟ ਦੇ ਅਧਿਕਾਰੀਆਂ ਨੂੰ ਇਹ ਸਵਾਲ ਹੈ ਕਿ ਜੇਕਰ ਅਸੀਂ 1016 ਆਈ ਈ ਵਲੰਟੀਅਰ ਅਧਿਆਪਕ ਸਪੈਸ਼ਲ ਬੱਚਿਆਂ ਨੂੰ ਨਹੀਂ ਪੜਾ ਰਹੇ ਫਿਰ ਹੋਰ ਕੌਣ ਪੜਾ ਰਿਹਾ ਹੈ?

ਪਰਮਜੀਤ ਕੌਰ ਪੱਖੋਂਵਾਲ ਨੇ ਕਿਹਾ ਕਿ , ਰੋਜਾਨਾ ਅਧਿਆਪਕ ਹਾਜ਼ਰੀ ਰਜਿਸਟਰਾਂ ਵਿੱਚ 6 ਘੰਟੇ ਦੀ ਹਾਜ਼ਰੀ ਫਿਰ ਹੋਰ ਕਿਸ ਦੀ ਲੱਗ ਰਹੀ ਹੈ? ਸਾਡੇ ਸਕੂਲ ਦੇ ਅਧਿਆਪਕ ਹਾਜਰੀ ਰਜਿਸਟਰ ਵੀ ਚੈੱਕ ਕੀਤੇ ਜਾਣ, ਕਿ ਪਿਛਲੇ 17 ਸਾਲਾਂ ਤੋਂ ਰੋਜ਼ਾਨਾ ਵਿਸ਼ੇਸ਼ ਲੋੜਾਂ ਵਾਲੇ ਬੱਚਿਆਂ ਨੂੰ ਕੌਣ ਪੜਾ ਰਿਹਾ ਹੈ? ਇਥੇ ਇਹ ਗੱਲ ਵੀ ਦੱਸਣਯੋਗ ਹੈ, ਕਿ ਆਈ.ਈ.ਡੀ ਕੰਪੋਨੈਂਟ ਵਿੱਚ ਮੌਜੂਦਾ ਸਮੇਂ ਵਿੱਚ 368 ਦਫਤਰੀ ਕਰਮਚਾਰੀ ਹਨ, ਜੋ ਵਿਸ਼ੇਸ਼ ਲੋੜਾਂ ਵਾਲੇ ਬੱਚਿਆਂ ਦੀਆਂ ਰੋਜਾਨਾ ਲੋੜਾਂ ਸਬੰਧੀ ਡਾਕ ਬਲਾਕ ਤੋਂ ਜਿਲ੍ਹੇ ਵਿੱਚ ਫਾਰਵਰਡ ਕਰਦੇ ਹਨ , ਜਿਨਾਂ ਦੀ ਗਿਣਤੀ ਪੰਜਾਬ ਵਿੱਚ ਬਲਾਕ ਪੱਧਰ ‘ਤੇ 368 ਹੈ, ਜੋ ਬਲਾਕ ਪੱਧਰ ਤੇ ਕੰਮ ਕਰਦੇ ਹਨ, ਅਤੇ ਵਿਸ਼ੇਸ਼ ਲੋੜਾਂ ਵਾਲੇ ਬੱਚਿਆਂ ਦੇ ਸਕੂਲਾਂ ਵਿੱਚ ਵਿਜਿਟਾਂ ਪਾਉਂਦੇ ਹਨ, ਨਾ ਕਿ ਪੱਕੇ ਤੌਰ ਤੇ ਵਿਸ਼ੇਸ਼ ਲੋੜਾਂ ਵਾਲੇ ਬੱਚਿਆਂ ਨੂੰ ਰੋਜਾਨਾ 6 ਘੰਟੇ ਦੀ ਬੱਝਵੀਂ ਡਿਊਟੀ ਕਰਕੇ ਪੜਾਉਂਦੇ ਹਨ , ਕਿਉਂਕਿ ਪੰਜਾਬ ਪੱਧਰ ਤੇ ਇਹਨਾਂ ਦੀ ਗਿਣਤੀ ਕੁਲ 368 ਹੈ ਜਦਕਿ ਵਿਸ਼ੇਸ਼ ਲੋੜਾਂ ਵਾਲੇ ਬੱਚਿਆਂ ਦੇ ਰਿਸੋਰਸ ਸੈਂਟਰ 1020 ਬਣੇ ਹੋਏ ਹਨ ਜਿੱਥੇ ਰੋਜ਼ਾਨਾ ਬੱਚੇ ਛੇ ਘੰਟੇ ਸਿੱਖਿਆ ਗ੍ਰਹਿਣ ਕਰਦੇ ਹਨ।

ਪਰ ਜਦੋਂ ਵੀ ਅਸੀਂ ਆਪਣੇ ਆਈ.ਈ.ਡੀ ਕੰਪੋਨੈਂਟ ਦੇ ਅਧਿਕਾਰੀਆਂ ਨੂੰ ਇਹ ਸਵਾਲ ਪੁੱਛਦੇ ਹਾਂ, ਕਿ ਅਸੀਂ ਆਈ ਈ ਵਲੰਟੀਅਰ ਅਧਿਆਪਕ, ਜਿਨਾਂ ਦੀ ਗਿਣਤੀ ਪੰਜਾਬ ਪੱਧਰ ਤੇ ਇਸ ਸਮੇਂ 1016 ਹੈ, ਅਤੇ ਪੰਜਾਬ ਪੱਧਰ ਤੇ ਵਿਸ਼ੇਸ਼ ਲੋੜਾਂ ਵਾਲੇ ਬੱਚਿਆਂ ਦੇ ਪੜਾਈ ਦੇ ਸੈਂਟਰ 1020 ਹਨ, ਫਿਰ ਤੁਸੀਂ ਕਿਵੇਂ ਕਹਿ ਰਹੇ ਹੋ 368 ਬਲਾਕ ਪੱਧਰ ਤੇ ਕੰਮ ਕਰਨ ਵਾਲੇ ਆਈਈਆਰਟੀ ਦਫਤਰੀ ਕਰਮਚਾਰੀ 1020 ਵਿਦਿਅਕ ਕੇਂਦਰਾਂ ਵਿੱਚ ਰੋਜਾਨਾ ਛੇ ਘੰਟੇ ਦੀ ਡਿਊਟੀ ਬੱਚਿਆਂ ਨੂੰ ਪੜਾਉਣ ਦੀ ਕਰਦੇ ਹਨ?

ਆਈ ਈ ਆਰਟੀ ਦੀ ਗਿਣਤੀ 368 , (ਜੋ ਸਪੈਸ਼ਲ ਡਿਪਲੋਮੇ ਵਾਲੇ ਹਨ)

ਪਰਮਜੀਤ ਕੌਰ ਪੱਖੋਂਵਾਲ ਨੇ ਕਿਹਾ ਕਿ , ਸਾਡੀ ਆਈ ਈ ਵੀ ਵਲੰਟੀਅਰ ਅਧਿਆਪਕਾਂ ਦੀ ਗਿਣਤੀ1016 ਹੈ, ਅਤੇ ਪੰਜਾਬ ਵਿੱਚ ਕੁੱਲ ਵਿਸ਼ੇਸ਼ ਲੋੜਾਂ ਵਾਲੇ ਬੱਚਿਆਂ ਦੇ ਵਿਦਿਅਕ ਕੇਂਦਰ 1020 ਹਨ। ਜਿਨਾਂ ਨੂੰ ਕਲਸਟਰ ਜਾਂ ਸੈਂਟਰ ਪੱਧਰੀ ਰਿਸੋਰਸ ਰੂਮ ਵੀ ਕਿਹਾ ਜਾਂਦਾ ਹੈ , ਜਿਨਾਂ ਦੇ ਵਿੱਚ ਪੰਜਾਬ ਦੇ ਵਿਸ਼ੇਸ਼ ਲੋੜਾਂ ਵਾਲੇ ਬੱਚੇ ਪੜਦੇ ਹਨ । ਕਲੱਸਟਰ ਪੱਧਰ ‘ਤੇ ਸੈਂਟਰ ਸਕੂਲ ਦੀ ਪੋਸਟ ‘ਤੇ ਅਸੀਂ ਮੌਜੂਦਾ 1016 ਆਈ ਈ ਵੀ ਅਧਿਆਪਕ ਵਿਸ਼ੇਸ਼ ਲੋੜਾਂ ਵਾਲੇ ਬੱਚਿਆਂ ਨੂੰ ਪਹਿਲੀਂ ਜਮਾਤ ਤੋਂ ਬਾਰਵੀਂ ਜਮਾਤ ਤੱਕ ਪੜਾ ਰਹੇ ਹਾਂ ਅਤੇ ਸਰਕਾਰੀ ਸਕੂਲਾਂ ਵਿੱਚ ਜਿੰਨਾ ਵੀ ਵਿਸ਼ੇਸ਼ ਲੋੜਾਂ ਵਾਲਾ ਬੱਚਾ ਦਾਖਲ ਕਰਵਾਇਆ ਗਿਆ ਹੈ , ਉਹ ਵੀ ਸਾਡੇ ਵੱਲੋਂ ਸਖਤ ਮਿਹਨਤ ਕਰਕੇ ਅਲੱਗ ਅਲੱਗ ਪਿੰਡਾਂ ਵਿੱਚੋਂ ਸ਼ਹਿਰਾਂ ਵਿੱਚੋਂ ਲੱਭਿਆ ਗਿਆ ਅਤੇ ਸਖਤ ਮਿਹਨਤ ਕਰਕੇ ਅਸੀਂ ਸਕੂਲਾਂ ਵਿੱਚ ਇਹ ਵਿਸ਼ੇਸ਼ ਲੋੜਾਂ ਵਾਲੇ ਬੱਚੇ ਦਾਖਲ ਕਰਵਾਏ, ਸਾਡੀ ਡਿਊਟੀ ਸਿਰਫ ਬਣਾਉਣ ਤੱਕ ਹੀ ਸੀਮਤ ਨਹੀਂ ਰੱਖੀ ਗਈ, ਬੱਚਿਆਂ ਨੂੰ ਪੜ੍ਹਾਉਣ ਤੋਂ ਇਲਾਵਾ ਅਸੀਂ ਹੇਠ ਲਿਖੇ ਕੰਮ ਵੀ ਕਰਦੇ ਹਾਂ! 

* ਵਿਸ਼ੇਸ਼ ਲੋੜਾਂ ਵਾਲੇ ਬੱਚਿਆਂ ਦੀਆਂ ਖੇਡਾਂ
* ਵਿਦਿਅਕ ਟੂਰ
* ਅਸੈਸਮੈਂਟ ਕੈਂਪ
* ਡਿਸਟਰੀਬਿਊਸ਼ਨ ਕੈਂਪ
* ਸੱਭਿਆਚਾਰਕ ਗਤੀਵਿਧੀਆਂ
* ਬੱਚਿਆਂ ਪੜਾਈ ਸੰਬੰਧਿਤ ਲਿਖਤੀ ਰਿਕਾਰਡ ਰੋਜਾਨਾ ਪੂਰਾ ਕਰਨਾ
* ਬੱਚਿਆਂ ਦੇ ਯੂ ਡੀ ਆਈ ਡੀ ਕਾਰਡ ਅਪਲਾਈ ਕਰਾਉਣੇ ਬੱਚਿਆਂ ਦੇ ਬੈਂਕ ਖਾਤੇ ਖੁਲਵਾਉਣੇ
* ਅਲੱਗ ਅਲੱਗ ਬੱਚਿਆਂ ਦੇ ਜਮਾਤਾਂ ਅਤੇ ਸਿੱਖਣ ਯੋਗਤਾ ਦੇ ਅਨੁਸਾਰ ਪੇਪਰ ਤਿਆਰ ਕਰਨੇ
* ਵਿਸ਼ੇਸ਼ ਲੋੜਾਂ ਵਾਲੇ ਬੱਚਿਆਂ ਦੇ ਪੇਪਰ ਚੈੱਕ ਕਰਨਾ ਅਤੇ ਰਿਜ਼ਲਟ ਬਣਾ ਕੇ ਸਕੂਲਾਂ ਨੂੰ ਭੇਜਣਾ ਜਿੱਥੇ ਉਹ ਦਾਖਲ ਹੁੰਦੇ ਹਨ,

ਇੱਥੇ ਇੱਕ ਗੱਲ ਹੋਰ ਦੱਸਣੀ ਬਣਦੀ ਹੈ ਕਿ ਇਹ ਸਪੈਸ਼ਲ ਬੱਚੇ ਪੜਦੇ ਕਲਸਟਰ ਪੱਧਰ ਦੇ ਰਿਸੋਰਸ ਸੈਂਟਰ ਵਿੱਚ ਹੁੰਦੇ ਹਨ ਅਤੇ ਦਾਖਲ ਇਹ ਜਿਸ ਪਿੰਡ ਵਿੱਚ ਰਹਿੰਦੇ ਹਨ, ਉਸ ਪਿੰਡ ਦੇ ਸਕੂਲ ਵਿੱਚ ਹੁੰਦੇ ਹਨ। ਸਿਰਫ ਇਹਨਾਂ ਦੀ ਪੜ੍ਹਾਈ ਅਤੇ ਦੁਪਹਿਰ ਦਾ ਖਾਣਾ ਹੀ ਕਲਸਟਰ ਪੱਧਰ ਦੇ ਰਿਸੋਰਸ ਸੈਂਟਰਾਂ ਦੇ ਵਿੱਚ ਉਪਲਬਧ ਕਰਵਾਇਆ ਜਾਂਦਾ ਹੈ।

ਉਪਰੋਕਤ ਕੰਮਾਂ ਤੋਂ ਇਲਾਵਾ ਸਾਡੇ ਕੋਲੋਂ ਹੋਰ ਵਾਧੂ ਕੰਮ ਵੀ ਲਏ ਜਾਂਦੇ ਹਨ, ਜਦੋਂ ਬਲਾਕ ਪੱਧਰ ਤੇ ਕੰਮ ਕਰਨ ਵਾਲੇ ਆਈਈਆਰਟੀ ਸਾਡੇ ਤੋਂ ਡਾਕ ਮੰਗਦੇ ਹਨ, ਤਾਂ ਸਾਨੂੰ ਸਕੂਲਾਂ ਵਿੱਚ ਬੈਠਿਆਂ ਨੂੰ ਆਈਆਰਟੀ ਨੂੰ ਡਾਕਾ ਵੀ ਦੇਣੀਆਂ ਪੈਂਦੀਆਂ ਹਨ, ਕਿਉਂਕਿ ਵਿਸ਼ੇਸ਼ ਲੋੜਾਂ ਵਾਲੇ ਬੱਚੇ ਛੇ ਘੰਟੇ ਸਾਡੇ ਕੋਲ ਪੜ੍ਹਦੇ ਹਨ ,ਉਹਨਾਂ ਦੀ ਪੜ੍ਹਾਈ ਦਾ ਪੱਧਰ ਕੀ ਹੈ? ਇਹ ਸਾਡੇ ਤੋਂ ਵੱਧ ਹੋਰ ਕੋਈ ਨਹੀਂ ਜਾਣਦਾ, ਦੂਸਰਾ ਇਹਨਾਂ ਬੱਚਿਆਂ ਦੀਆਂ ਵਿਸ਼ੇਸ਼ ਜਰੂਰਤਾਂ ਸਬੰਧਿਤ ਕਲਸਟਰ ਪੱਧਰ ਤੋਂ ਡਾਕ ਅਸੀਂ ਹੀ ਬਲਾਕ ਪੱਧਰ ਤੇ ਕੰਮ ਕਰਨ ਵਾਲੇ ਆਈਆਰਟੀ ਨੂੰ ਭੇਜਦੇ ਹਾਂ, ਅਤੇ ਫਿਰ ਉਹ ਬਲਾਕ ਪੱਧਰ ਤੋਂ ਬਲਾਕ ਦੀ ਡਾਕ ਤਿਆਰ ਕਰਕੇ , ਜ਼ਿਲ੍ਹੇ ਵਿੱਚ ਜਿਲਾ ਸਪੈਸ਼ਲ ਐਜੂਕੇਟਰ ਨੂੰ ਭੇਜਦੇ ਹਨ,

ਪੰਜਾਬ ਪੱਧਰ ‘ਤੇ ਜਿਲਾ ਸਪੈਸ਼ਲ ਐਜੂਕੇਟਰਾਂ ਦੀ ਗਿਣਤੀ ਕੁਲ 30 ਹੈ। ਜੋ ਪੰਜਾਬ ਦੇ ਵੱਖ-ਵੱਖ ਜਿਲਿਆਂ ਵਿੱਚ ਜਿਲ੍ਹਾ ਪੱਧਰ ‘ਤੇ ਕੰਮ ਕਰਦੇ ਹਨ। ਜੋ ਜਿਲ੍ਹਾ ਪੱਧਰ ਤੋਂ ਬੱਚਿਆਂ ਦੀ ਡਾਕ ਤਿਆਰ ਕਰਕੇ ਸਟੇਟ ਵਿੱਚ ਭੇਜਦੇ ਹਨ। ਇਸ ਪ੍ਰਕਾਰ ਆਈਈਡੀ ਕੰਪੋਨੈਂਟ ਦੀ ਕਾਰਜ ਪ੍ਰਣਾਲੀ ਚਲਦੀ ਹੈ। ਪਰ ਸਾਡੇ ਨਾਲ ਆਈ.ਈ.ਡੀ ਕੰਪੋਨੈਂਟ ਹੇਠ ਲਿਖੇ ਢੰਗ ਨਾਲ ਬਹੁਤ ਹੀ ਜਿਆਦਾ ਬੇਇਨਸਾਫੀ ਕਰ ਰਿਹਾ ਹੈ!

* 89 ਸਪੈਸ਼ਲ ਪ੍ਰੋਫੈਸ਼ਨਲ ਡਿਗਰੀਆਂ ਕਰਕੇ ਬੈਠੇ ਅਧਿਆਪਕਾਂ ਨੂੰ ਵਿਸ਼ੇਸ਼ ਭਰਤੀ 3600 ਵਿੱਚ ਸ਼ਾਮਿਲ ਨਾ ਕਰਨਾ

* 2364 ਦਾ ਪੇਪਰ ਕਲੀਅਰ 16 ਆਈਈਵੀ ਅਧਿਆਪਕਾਂ ਨੂੰ ਤਜਰਬੇ ਤੇ 10 ਨੰਬਰਾਂ ਤੋਂ ਵਾਂਝੇ ਰੱਖਣਾ

* ਜਨਰਲ ਡਿਗਰੀਆਂ
* (ਐਮ .ਏ .ਬੀਐਡ, ) *
* ਜਨਰਲ ਡਿਪਲੋਮੇ
* ਈਟੀਟੀ ਅਤੇ ਐਨਟੀਟੀ ਨੂੰ ਕੰਸੀਡਰ ਨਾ ਕਰਨਾ*

ਸਾਡੇ ਡਿਪਲੋਮੇ ਪੰਜਾਬ ਸਰਕਾਰ ਤੋਂ ਅਤੇ ਸਿੱਖਿਆ ਵਿਭਾਗ ਤੋਂ ਪ੍ਰਵਾਨਗੀ ਲੈ ਕੇ ਕੀਤੇ ਹੋਏ ਸਨ , ਇਹਨਾਂ ਨੂੰ ਵੀ ਆਈਈਡੀ ਕੰਪੋਨੈਂਟ ਕੰਸੀਡਰ ਨਹੀਂ ਕਰ ਰਿਹਾ। ਪਰ ਇੱਥੇ ਅਸੀਂ ਆਪਣੇ ਮਹਿਕਮੇ ਨੂੰ ਦੋਸ਼ ਦੇਵਾਂਗੇ ਕਿ ਆਈਈਡੀ ਕੰਪੋਨੈਂਟ ਆਵਦੇ ਮਹਿਕਮੇ ਨੂੰ ਚਲਾਈ ਰੱਖਣ ਲਈ ਸਾਡੇ ਭਵਿੱਖ ਨਾਲ ਖਿਲਵਾੜ ਕਰ ਰਿਹਾ ਹੈ। ਸਾਡੀਆਂ ਡਿਗਰੀਆਂ ਰੋਲ ਕੇ ਰੱਖ ਦਿੱਤੀਆਂ ਗਈਆਂ। ਸਾਡੀ ਤਰੱਕੀ ਦੇ ਸਾਰੇ ਰਸਤੇ ਬੰਦ ਕਰ ਦਿੱਤੇ ਗਏ। ਸਾਡੇ ਤੋਂ ਬਹੁਤ ਹੀ ਨਿਗੁਣੀਆਂ ਤਨਖਾਹਾਂ ਤੇ 13 ਤੋਂ 15 ਸਾਲ ਕੰਮ ਲਿਆ ਗਿਆ। ਜਦੋਂ ਆਪ ਸਰਕਾਰ ਸਾਡਾ ਕੁਝ ਚੰਗਾ ਕਰਨ ਲੱਗੀ ਸੀ, ਤਾਂ ਆਈਈਡੀ ਕੰਪੋਨੈਂਟ ਨੇ ਸਾਨੂੰ ਉੱਥੇ ਵੀ ਪਲਸ ਟੂ ਸ਼ੋਅ ਕਰਕੇ ਸਾਡੇ ਨਾਲ ਬੇਇਨਸਾਫੀ ਕੀਤੀ।

ਸਾਡੀਆਂ ਵਿਦਿਅਕ ਯੋਗਤਾਵਾਂ ਕੰਸੀਡਰ ਨਾ ਹੋਣ ਕਾਰਨ ਅਸੀਂ 28 ਜੁਲਾਈ 2023 ਤੋਂ ਮਾਨਸਿਕ ਤਨਾਅ ਦੇ ਸ਼ਿਕਾਰ ਹੋ ਚੁੱਕੇ ਹਾਂ, ਅਸੀਂ ਰੋਜਾਨਾ ਇੱਕ ਨਵੀਂ ਮੌਤ ਮਰਦੇ ਹਾਂ, ਸਾਡੇ ਬਣਦੇ ਹੱਕ ਸਾਡੇ ਤੋਂ ਖੋਹ ਲਏ ਗਏ । ਕਿਉਂਕਿ ਆਈਡੀ ਕੰਪੋਨੈਂਟ ਨੇ ਸਾਰੀਆਂ ਉੱਚ ਪ੍ਰੋਫੈਸ਼ਨਲ ਡਿਗਰੀਆਂ ਰੋਲ ਕੇ ਰੱਖ ਦਿੱਤੀਆਂ ਹਨ, ਜਿਸ ਕਾਰਨ ਕਈ ਆਈਈਵੀ ਅਧਿਆਪਕ ਮਾਨਸਿਕ ਤਨਾਅ ਕਾਰਨ ਆਤਮਹੱਤਿਆ ਕਰ ਚੁੱਕੇ ਹਨ।

ਆਈਈਡੀ ਕੰਪੋਨੈਂਟ ਦੀ ਸਟੇਟ ਸਪੈਸ਼ਲ ਐਜੂਕੇਟਰ ਵੱਲੋਂ ਆਈ ਈ ਵੀ ਅਧਿਆਪਕਾਂ ਨਾਲ ਬਹੁਤ ਰੁੱਖਾ ਵਿਵਹਾਰ ਕੀਤਾ ਜਾ ਰਿਹਾ ਹੈ, ਅਤੇ ਸਾਡੀਆਂ ਉੱਚ ਡਿਗਰੀਆਂ ਸਿੱਖਿਆ ਵਿਭਾਗ ਅਤੇ ਸਰਕਾਰ ਦੇ ਅੱਗੇ ਬਾਰੇ ਦਿਖਾਈਆਂ ਨਹੀਂ ਜਾ ਰਹੀਆਂ । ਸੋ ਸਾਡੀ ਮਾਨ ਸਰਕਾਰ ਤੋਂ ਮੰਗ ਹੈ ਕਿ ਆਈਈਵੀ ਨੂੰ ਸਿੱਖਿਆ ਸਕੱਤਰ ਵੱਲੋਂ ਐਨਟੀਟੀ ਪ੍ਰਵਾਨਗੀ ਦੇ ਕੇ ਸਾਲ 2021 ਵਿੱਚ ਕਰਵਾਈ ਗਈ ਸੀ , ਜੋ ਕਿ ਬਹੁਤ ਹੀ ਨਿਚਲੇ ਪੱਧਰ ਦਾ ਡਿਪਲੋਮਾ ਹੈ , ਅਸੀਂ 1016 ਨੇ ਵੀ ਇਹ ਡਿਪਲੋਮਾ ਕੀਤਾ ਹੋਇਆ ਹੈ ਸੋ ਸਾਨੂੰ ਇਸ ਮਹਿਕਮੇ ਵਿੱਚੋਂ ਬਾਹਰ ਕੱਢਿਆ ਜਾਵੇ ਅਤੇ ਜਨਰਲ ਜਮਾਤਾਂ ਦਿੱਤੀਆਂ ਜਾਣ ਅਸੀਂ ਹੁਣ ਇਸ ਮਹਿਕਮੇ ਵਿੱਚ ਨਹੀਂ ਰਹਿਣਾ ਚਾਹੁੰਦੇ ਜਿਹਨੇ ਸਾਨੂੰ ਇੱਕ ਗੁਲਾਮੀ ਦੀ ਜ਼ਿੰਦਗੀ ਜਿਉਣ ਲਈ ਮਜਬੂਰ ਕੀਤਾ ਹੈ, ਸੋ ਸਾਨੂੰ ਐਨਟੀਟੀ ਬੇਸ ਤੇ ਪ੍ਰੀ ਪ੍ਰਾਇਮਰੀ ਜਮਾਤਾਂ ਵਿੱਚ ਐਡਜਸਟ ਕੀਤਾ ਜਾਵੇ, ਅਸੀਂ ਹੁਣ ਆਪਣੀ ਬਾਕੀ ਰਹਿੰਦੀ ਜ਼ਿੰਦਗੀ ਨੂੰ ਇਸ ਮਹਿਕਮੇ ਵਿੱਚ ਨਹੀਂ ਬਤੀਤ ਕਰ ਸਕਦੇ।

ਸੋ ਸਾਡੇ ਨਾਲ ਮੌਜੂਦਾ ਸਰਕਾਰ ਇਨਸਾਫ਼ ਕਰੇ… ਸਾਡੀ ਇਸ ਕੰਪੋਨੈਂਟ ਨੇ 2023 ਤੋਂ ਬਾਰਵੀਂ ਬੇਸ ਦੱਸ ਕੇ ਸਾਡੀਆਂ ਤਰੱਕੀਆਂ ਦੇ ਰਸਤੇ ਬੰਦ ਕਰ ਦਿੱਤੇ ਹਨ, ਸੋ ਸਾਨੂੰ ਐਨਟੀਟੀ ਪੋਸਟਾਂ ਤੇ ਐਡਜਸਟ ਕੀਤਾ ਜਾਵੇ। ਪਰਮਜੀਤ ਕੌਰ ਪੱਖੋਂਵਾਲ ਨੇ ਕਿਹਾ ਕਿ  ਅਸੀਂ ਸਮੂਹ ਆਈਈਵੀ ਅਧਿਆਪਕ ਹੁਣ ਇਸ ਨਜਾਇਜ਼ ਧੱਕੇ ਵਿਰੁੱਧ ਜਲਦੀ ਤਿੱਖਾ ਸੰਘਰਸ਼ ਕਰਨ ਜਾ ਰਹੇ ਹਾਂ, ਆਪਣੇ ਬਣਦੇ ਹੱਕ ਤਾਂ ਅਸੀਂ ਲੈ ਕੇ ਹੀ ਛੱਡਾਂਗੇ। ਜਦੋਂ ਤੱਕ ਸਾਨੂੰ ਸਾਡੇ ਹੱਕ ਨਹੀਂ ਮਿਲਦੇ ਅਸੀਂ ਪਿੱਛੇ ਨਹੀਂ ਮੁੜਾਂਗੇ।