Politics Breaking: ਅਕਾਲੀ-ਭਾਜਪਾ ਗੱਠਜੋੜ ਬਾਰੇ ਕੈਪਟਨ ਅਮਰਿੰਦਰ ਦਾ ਵੱਡਾ ਬਿਆਨ, ਕਿਹਾ…….
Akali-BJP Politics News- ਪੰਜਾਬ ਵਿੱਚ 2027 ਦੀਆਂ ਵਿਧਾਨ ਸਭਾ ਚੋਣਾਂ (2027 Assembly Elections) ਤੋਂ ਪਹਿਲਾਂ ਸਾਬਕਾ ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ (Captain Amarinder Singh) ਨੇ ਇੱਕ ਅਹਿਮ ਬਿਆਨ ਦਿੱਤਾ ਹੈ।
ਇੱਕ ਪਾਸੇ ਜਿੱਥੇ ਕੈਪਟਨ ਨੇ ਅਕਾਲੀ-ਭਾਜਪਾ ਗਠਜੋੜ (Akali-BJP) ‘ਤੇ ਅੰਤਿਮ ਫੈਸਲੇ ਲਈ ਗੇਂਦ ਪਾਰਟੀ ਹਾਈਕਮਾਂਡ (Party High Command) ਦੇ ਪਾਲੇ ਵਿੱਚ ਸੁੱਟੀ, ਉੱਥੇ ਹੀ ਦੂਜੇ ਪਾਸੇ ਉਨ੍ਹਾਂ ਨੇ ਇੱਕ ਅਜਿਹਾ ਸੰਕੇਤ ਵੀ ਦਿੱਤਾ, ਜਿਸਨੇ ਸਿਆਸੀ ਗਲਿਆਰਿਆਂ ਵਿੱਚ ਨਵੀਂ ਚਰਚਾ ਛੇੜ ਦਿੱਤੀ ਹੈ।
ਕੈਪਟਨ ਨੇ ਗਠਜੋੜ (Akali-BJP) ਦੀਆਂ ਸੰਭਾਵਨਾਵਾਂ ‘ਤੇ ਬੋਲਦਿਆਂ ਕਿਹਾ, “ਸਮਝੌਤੇ ਤਾਂ ਹੁੰਦੇ ਰਹਿੰਦੇ ਹਨ, ਪਰ ਅਜਿਹੇ ਫੈਸਲੇ ਨੈਸ਼ਨਲ ਬਾਡੀ (National Body) ਲੈਂਦੀ ਹੈ। ਗਠਜੋੜ ਦਾ ਆਖਰੀ ਫੈਸਲਾ ਪਾਰਟੀ ਹਾਈਕਮਾਂਡ ਹੀ ਕਰਦੀ ਹੈ।”
ਇਸਦੇ ਨਾਲ ਹੀ ਉਨ੍ਹਾਂ ਨੇ ਭਾਜਪਾ ਦੀ ਵਧਦੀ ਲੋਕਪ੍ਰਿਅਤਾ ਦਾ ਜ਼ਿਕਰ ਕਰਦਿਆਂ ਕਿਹਾ, “ਜਿਸ ਤਰ੍ਹਾਂ ਅੱਜ ਮਾਹੌਲ ਬਣ ਰਿਹਾ ਹੈ ਅਤੇ ਵੱਡੀ ਗਿਣਤੀ ਵਿੱਚ ਲੋਕ ਭਾਜਪਾ ਵਿੱਚ ਸ਼ਾਮਲ ਹੋ ਰਹੇ ਹਨ, ਹੋ ਸਕਦਾ ਹੈ ਕਿ (2027 ਵਿੱਚ) ਸਾਨੂੰ ਗਠਜੋੜ ਦੀ ਲੋੜ ਹੀ ਨਾ ਪਵੇ।”
ਉਨ੍ਹਾਂ ਕਿਹਾ, “ਜਿੰਨੀ ਤਰੱਕੀ (progress) ਭਾਜਪਾ ਦੇ ਕਾਰਜਕਾਲ ਦੌਰਾਨ ਹੋਈ ਹੈ, ਓਨੀ ਕਿਸੇ ਹੋਰ ਸਰਕਾਰ ਦੇ ਮੌਕੇ ‘ਤੇ ਨਹੀਂ ਹੋਈ। ਦੇਸ਼ ਦੀ ਤਰੱਕੀ ਲਈ ਭਾਜਪਾ ਦੀ ਸਰਕਾਰ ਰਹਿਣਾ ਜ਼ਰੂਰੀ ਹੈ।”
ਕੈਪਟਨ ਨੇ ਕਿਹਾ, “ਮੋਦੀ ਦਾ ਹਰ ਪਾਸੇ ਡੰਕਾ ਹੈ। ਸਾਡੀ ਜੀਡੀਪੀ (GDP) ਚੀਨ (China) ਤੋਂ ਵੀ ਅੱਗੇ ਹੈ।” ਪੰਜਾਬ ਸਰਕਾਰ ਦੀ ‘War on Drugs’ ਮੁਹਿੰਮ ‘ਤੇ ਉਨ੍ਹਾਂ ਕਿਹਾ ਕਿ ਨਸ਼ੇ ਦੇ ਖਾਤਮੇ ਲਈ ਪਾਰਟੀਬਾਜ਼ੀ (party politics) ਤੋਂ ਉੱਪਰ ਉੱਠ ਕੇ ਅਤੇ ਸਾਰਿਆਂ ਨੂੰ ਇਕਜੁੱਟ (united) ਹੋ ਕੇ ਇਸ ਲੜਾਈ ਨੂੰ ਲੜਨ ਦੀ ਲੋੜ ਹੈ।
