Earthquake News: ਭੂਚਾਲ ਦੇ ਲੱਗੇ ਜ਼ਬਰਦਸਤ ਝਟਕੇ! ਸੁਨਾਮੀ ਦਾ ਖ਼ਤਰਾ? ਲੋਕਾਂ ‘ਚ ਦਹਿਸ਼ਤ ਦਾ ਮਾਹੌਲ
Earthquake News : 6.0 ਤੀਬਰਤਾ ਦੇ ਭੂਚਾਲ ਨਾਲ ਹਿੱਲੀ ਧਰਤੀ! ਦਹਿਸ਼ਤ ‘ਚ ਲੋਕ
ਐਂਕਰੇਜ (ਅਲਾਸਕਾ), 28 ਨਵੰਬਰ, 2025 (Media PBN) : ਅਮਰੀਕਾ (USA) ਦੇ ਅਲਾਸਕਾ (Alaska) ਵਿੱਚ ਥੈਂਕਸਗਿਵਿੰਗ ਡੇ (Thanksgiving Day) ਯਾਨੀ ਵੀਰਵਾਰ ਦੀ ਸਵੇਰ ਜਸ਼ਨ ਦੇ ਵਿਚਕਾਰ ਧਰਤੀ ਡੋਲ ਉੱਠੀ। ਅਮਰੀਕੀ ਭੂ-ਵਿਗਿਆਨਕ ਸਰਵੇਖਣ (USGS) ਦੇ ਅਨੁਸਾਰ, Southcentral ਇਲਾਕੇ ਵਿੱਚ ਸਵੇਰੇ 8:11 ਵਜੇ 6.0 ਤੀਬਰਤਾ ਦਾ ਇੱਕ ਸ਼ਕਤੀਸ਼ਾਲੀ ਭੂਚਾਲ (Earthquake) ਆਇਆ।
ਭੂਚਾਲ ਦਾ ਕੇਂਦਰ ਸੁਸੀਟਨਾ (Susitna) ਦੇ ਪੱਛਮ ਵਿੱਚ 9 ਮੀਲ ਅਤੇ ਐਂਕਰੇਜ (Anchorage) ਤੋਂ ਲਗਭਗ 30 ਮੀਲ ਦੂਰ ਸੀ। ਰਾਹਤ ਦੀ ਗੱਲ ਇਹ ਰਹੀ ਕਿ ਇੰਨੀ ਜ਼ਿਆਦਾ ਤੀਬਰਤਾ ਹੋਣ ਦੇ ਬਾਵਜੂਦ ਅਜੇ ਤੱਕ ਕਿਸੇ ਵੱਡੇ ਨੁਕਸਾਨ ਜਾਂ ਕਿਸੇ ਦੇ ਜਾਨੀ ਨੁਕਸਾਨ ਹੋਣ ਦੀ ਖ਼ਬਰ ਨਹੀਂ ਹੈ।
ਐਂਕਰੇਜ ‘ਚ ਮਹਿਸੂਸ ਹੋਏ ਤੇਜ਼ ਝਟਕੇ
Alaska Earthquake Center ਮੁਤਾਬਕ, ਭੂਚਾਲ ਦੀ ਡੂੰਘਾਈ 42.8 ਮੀਲ (ਕਰੀਬ 69 ਕਿਲੋਮੀਟਰ) ਸੀ। ਇਹ ਝਟਕਾ ਪੂਰੇ ਸਾਊਥਸੈਂਟਰਲ ਅਲਾਸਕਾ ਵਿੱਚ ਮਹਿਸੂਸ ਕੀਤਾ ਗਿਆ, ਪਰ ਇਸਦਾ ਸਭ ਤੋਂ ਵੱਧ ਅਸਰ ਐਂਕਰੇਜ ਵਿੱਚ ਦੇਖਿਆ ਗਿਆ।
ਕਰੀਬ 3 ਲੱਖ ਦੀ ਆਬਾਦੀ ਵਾਲੇ ਇਸ ਸਭ ਤੋਂ ਵੱਡੇ ਸ਼ਹਿਰ ਵਿੱਚ ਲੋਕਾਂ ਨੇ ਤੇਜ਼ ਅਤੇ ਲੰਬੇ ਸਮੇਂ ਤੱਕ ਕੰਬਣੀ ਮਹਿਸੂਸ ਕੀਤੀ। ਘਰਾਂ ਵਿੱਚ ਰੱਖਿਆ ਸਾਮਾਨ ਹਿੱਲਣ ਲੱਗਾ, ਜਿਸ ਤੋਂ ਡਰ ਕੇ ਲੋਕ ਸੁਰੱਖਿਅਤ ਥਾਵਾਂ ਵੱਲ ਭੱਜਣ ਲੱਗੇ।
2021 ਤੋਂ ਬਾਅਦ ਸਭ ਤੋਂ ਵੱਡਾ ਝਟਕਾ
ਅਲਾਸਕਾ ਨਿਊਜ਼ ਸੋਰਸ (Alaska News Source) ਨੇ ਦੱਸਿਆ ਕਿ ਇਹ 2021 ਤੋਂ ਬਾਅਦ ਇਸ ਖੇਤਰ ਵਿੱਚ ਆਇਆ ਸਭ ਤੋਂ ਵੱਡਾ ਭੂਚਾਲ ਹੈ। ਇਸ ਤੋਂ ਪਹਿਲਾਂ 2021 ਵਿੱਚ ਚਿਕਲੂਨ (Chickaloon) ਦੇ ਨੇੜੇ 6.1 ਤੀਬਰਤਾ ਦਾ ਭੂਚਾਲ ਆਇਆ ਸੀ। ਉੱਥੇ ਹੀ, ਨਵੰਬਰ 2018 ਵਿੱਚ ਪੁਆਇੰਟ ਮੈਕੇਂਜ਼ੀ (Point MacKenzie) ਵਿੱਚ 7.1 ਤੀਬਰਤਾ ਦਾ ਵਿਨਾਸ਼ਕਾਰੀ ਭੂਚਾਲ ਦਰਜ ਕੀਤਾ ਗਿਆ ਸੀ, ਜਿਸਨੇ ਕਾਫੀ ਤਬਾਹੀ ਮਚਾਈ ਸੀ।
ਸੁਨਾਮੀ ਦਾ ਕੋਈ ਖ਼ਤਰਾ ਨਹੀਂ
ਰਾਹਤ ਦੀ ਗੱਲ ਇਹ ਹੈ ਕਿ ਨੈਸ਼ਨਲ ਸੁਨਾਮੀ ਵਾਰਨਿੰਗ ਸੈਂਟਰ (National Tsunami Warning Center) ਨੇ ਸਪੱਸ਼ਟ ਕਰ ਦਿੱਤਾ ਹੈ ਕਿ ਇਸ ਭੂਚਾਲ ਨਾਲ ਸੁਨਾਮੀ (Tsunami) ਦਾ ਕੋਈ ਖ਼ਤਰਾ ਨਹੀਂ ਹੈ।
ਜ਼ਿਕਰਯੋਗ ਹੈ ਕਿ ਅਲਾਸਕਾ ਅਮਰੀਕਾ ਦਾ ਸਭ ਤੋਂ ਵੱਧ ਭੂਚਾਲ-ਸੰਭਾਵੀ ਖੇਤਰ (Seismic Hotspot) ਹੈ। ਸਰਗਰਮ ਟੈਕਟੋਨਿਕ ਪਲੇਟਾਂ (Tectonic Plates) ਦੇ ਜੰਕਸ਼ਨ ‘ਤੇ ਸਥਿਤ ਹੋਣ ਕਾਰਨ ਇੱਥੇ ਹਰ ਸਾਲ ਹਜ਼ਾਰਾਂ ਛੋਟੇ-ਵੱਡੇ ਭੂਚਾਲ ਆਉਂਦੇ ਰਹਿੰਦੇ ਹਨ।
