Chandigarh News: ਵਿਦਿਆਰਥੀਆਂ ਨੂੰ ਐਂਟਰਪਰੇਨੋਰ ਬਣਨ ਲਈ ਉਤਸ਼ਾਹਿਤ ਕਰਨ ਦੇ ਉਦੇਸ਼ ਨਾਲ ਦਾਸ ਐਂਡ ਬ੍ਰਾਊਨ ਐਕਸਪੀਰੀਐਂਸ਼ੀਅਲ ਲਰਨਿੰਗ ਸਕੂਲ (ਡੀ -ਬੇਲਸ) ਦੁਆਰਾ ਐਂਟਰਪ੍ਰੈਨਿਓਰਸ਼ਿਪ ਅਤੇ ਪੇਰੈਂਟਿੰਗ ਕਨਕਲੇਵ – ਐਨਪਾਰਕ 24 – ਆਯੋਜਨ
ਮੀਡੀਆ ਪੀਬੀਐਨ, ਚੰਡੀਗੜ੍ਹ
ਵਿਦਿਆਰਥੀਆਂ ਨੂੰ ਭਵਿੱਖ ਵਿਚ ਐਂਟਰਪਰੇਨੋਰ ਬਣਨ ਲਈ ਉਤਸ਼ਾਹਿਤ ਕਰਨ ਦੇ ਉਦੇਸ਼ ਨਾਲ, ਦਾਸ ਐਂਡ ਬ੍ਰਾਊਨ ਐਕਸਪੀਰੀਐਂਸ਼ੀਅਲ ਲਰਨਿੰਗ ਸਕੂਲ (ਡੀ-ਬੇਲਸ) ਦੁਆਰਾ ਸੀਆਈਆਈ ਹੈੱਡਕੁਆਰਟਰ ਵਿਖੇ ਇਕ ਵਿਸ਼ੇਕ ਪੈਰੇੰਟਿੰਗ ਕਨਕਲੇਵ “ਐਨਪਾਰਕ 24 “ਦਾ ਆਯੋਜਨ ਕੀਤਾ, ਜਿਸ ਵਿੱਚ ਖੇਤਰ ਦੇ ਉੱਘੇ ਐਂਟਰਪਰੇਨੋਰ , ਉੱਚ ਪ੍ਰਸ਼ਾਸਨਿਕ ਅਧਿਕਾਰੀਆਂ, ਸੈਂਕੜੇ ਮਾਪਿਆਂ ਅਤੇ ਹੋਰ ਪ੍ਰਮੁੱਖ ਵਿਅਕਤੀਆਂ ਨੇ ਸ਼ਮੂਲੀਅਤ ਕੀਤੀ।
ਜਾਣਕਾਰੀ ਦਿੰਦਿਆਂ ਡੀ ਬੈੱਲਜ਼ ਦੀ ਚੀਫ਼ ਲਰਨਿੰਗ ਅਫ਼ਸਰ ਰੁਚਿਕਾ ਸ਼ਰਮਾ ਨੇ ਦੱਸਿਆ ਕਿ ਇਸ ਕਨਕਲੇਵ ਵਿੱਚ ਵਿਦਿਆਰਥੀਆਂ ਨੂੰ ਭਵਿੱਖ ਦੇ ਉੱਦਮੀ ਕਿਵੇਂ ਬਣਾਉਣਾ ਹੈ, ਇਸ ਵਿਸ਼ੇ ‘ਤੇ ਵਿਸਥਾਰਪੂਰਵਕ ਪੈਨਲ ਚਰਚਾ ਕੀਤੀ ਗਈ। ਉਨ੍ਹਾਂ ਦੱਸਿਆ ਕਿ ਪਹਿਲੀ ਪੈਨਲ ਚਰਚਾ ‘ਰਾਈਜ਼ਿੰਗ ਫਿਊਚਰ ਐਂਟਰਪ੍ਰੀਨਿਊਰਜ਼’ ‘ਚ ਖੇਤਰ ਦੇ ਉੱਘੇ ਉਦਯੋਗਪਤੀ ਅਤੇ ਲਾਹੌਰੀ ਜੀਰਾ ਦੇ ਸੰਸਥਾਪਕ ਸੌਰਭ ਮੁੰਜਾਲ, ਸਿਗਨਫਿਕੇਂਟ ਦੇ ਸੀਈਓ ਹਰਿਤ ਮੋਹਨ, ਯੂ-ਐਂਗੇਜ ਦੇ ਸੰਸਥਾਪਕ ਸਮੀਰ ਸ਼ਰਮਾ, ਹੈਪੀਨੈੱਸ ਇਜ ਲਵ ਦੀ ਸੰਸਥਾਪਕ ਜੋਤਿਕਾ ਬੇਦੀ ਸ਼ਾਮਲ ਹੋਏ ਉਥੇ ਹੀ ਦੂਜੀ ਪੈਨਲ ਚਰਚਾ “ਨੈਕਸਟ ਜਨਰੇਸ਼ਨ ਪੇਰੈਂਟਿੰਗ” ਵਿੱਚ ਸਾਬਕਾ ਆਈਏਐਸ ਅਤੇ ਮਸ਼ਹੂਰ ਮੋਟੀਵੇਸ਼ਨਲ ਸਪੀਕਰ ਵਿਵੇਕ ਅੱਤਰੀ, ਐਕਸਐਲ ਸਕਾਊਟ ਦੀ ਸੰਸਥਾਪਕ ਕੋਮਲ ਤਲਵਾਰ, ਕੰਟੈਂਟ ਫੈਕਟਰੀ ਤੋਂ ਰਿਤਿਕਾ ਸਿੰਘ, ਹਰਪ੍ਰੀਤ ਰੰਧਾਵਾ ਲੀਡ ਐਡੂਕੇਸ਼ਨ ਸਪੈਸ਼ਲਿਸਟ ਐੱਪਲ ਐਡੂਕੇਸ਼ਨ ਅਤੇ ਪ੍ਰਸਿੱਧ ਸਿੱਖਿਆਵਿਦ ਕਵਿਤਾ ਦਾਸ ਨੇ ਹਿੱਸਾ ਲਿਆ।
ਮੁੱਖ ਮਹਿਮਾਨਾਂ ਵਿੱਚ ਵਧੀਕ ਮੁੱਖ ਸਕੱਤਰ ਡੀ.ਕੇ ਤਿਵਾੜੀ, ਸਕੱਤਰ ਸਕੂਲ ਸਿੱਖਿਆ ਕਮਲ ਕਿਸ਼ੋਰ ਯਾਦਵ, ਏ.ਡੀ.ਜੀ.ਪੀ.ਪੰਜਾਬ (ਐਨ.ਆਰ.ਆਈ. ਮਾਮਲੇ) ਪ੍ਰਵੀਨ ਕੁਮਾਰ ਸਿਨਹਾ ਨੇ ਇਸ ਸ਼ਾਨਦਾਰ ਪ੍ਰੋਗਰਾਮ ਲਈ ਸਕੂਲ ਪ੍ਰਸ਼ਾਸਨ ਦੀ ਤਹਿ ਦਿਲੋਂ ਸ਼ਲਾਘਾ ਕੀਤੀ ਅਤੇ ਕਿਹਾ ਕਿ ਅਜਿਹੇ ਪ੍ਰੋਗਰਾਮ ਨਾ ਸਿਰਫ਼ ਵਿਦਿਆਰਥੀਆਂ ਲਈ ਫਾਇਦੇਮੰਦ ਹੁੰਦੇ ਹਨ। ਉਹ ਗੈਰ-ਮਾਪਿਆਂ ਲਈ ਮਾਰਗਦਰਸ਼ਕ ਵਜੋਂ ਵੀ ਕੰਮ ਕਰਦੇ ਹਨ।
ਪ੍ਰੋਗਰਾਮ ਦੀ ਸ਼ੁਰੂਆਤ ਚੀਫ ਲਰਨਿੰਗ ਅਫਸਰ ਰੁਚਿਕਾ ਸ਼ਰਮਾ ਦੁਆਰਾ ਸਾਰੇ ਮਹਿਮਾਨਾਂ ਦੇ ਸੁਆਗਤ ਨਾਲ ਕੀਤੀ ਗਈ, ਜਿਸ ਤੋਂ ਬਾਅਦ ਏਡੀਜੀਪੀ ਪ੍ਰਵੀਨ ਸਿਨਹਾ ਨੇ ਮੁੱਖ ਭਾਸ਼ਣ ਦਿੱਤਾ ਅਤੇ ਪ੍ਰਸਿੱਧ ਲੇਖਿਕਾ ਡਾ: ਮੰਜੁਲਾ ਪੂਜਾ ਸ਼ਰਾਫ ਨੇ “ਟੋਟਲ ਪੇਰੈਂਟਿੰਗ ਸਲਿਊਸ਼ਨ” ਬਾਰੇ ਆਪਣੇ ਵਿਚਾਰ ਪੇਸ਼ ਕੀਤੇ।
ਈਵੈਂਟ ਦੌਰਾਨ, ਡੀ-ਬੇਲਜ਼ ਵਿਖੇ ਫਿਨਿਸ਼ ਐਲੀਮੈਂਟਰੀ ਸਕੂਲ ਕੋਆਰਡੀਨੇਟਰ, ਹੇਲੇਨਾ ਰੀਕਾ ਨੇ ਡੀ-ਬੇਲਜ਼ ਵਿੱਚ ਲਾਗੂ ਫਿਨਿਸ਼ ਸਿੱਖਿਆ ਪ੍ਰਣਾਲੀ ਬਾਰੇ ਇੱਕ ਪੇਸ਼ਕਾਰੀ ਸਾਂਝੀ ਕੀਤੀ। ਇਸ ਤੋਂ ਇਲਾਵਾ, ਡੀਸੀਐਮ ਯੰਗ ਐਂਟਰਪ੍ਰੀਨਿਓਰ ਸਕੂਲ ਦੇ ਵਿਦਿਆਰਥੀਆਂ ਨੇ ਨੈਕਸਟ ਜਨਰੇਸ਼ਨ ਦੇ ਉੱਦਮੀਆਂ ਬਾਰੇ ਇੱਕ ਕੇਸ ਸਟੱਡੀ ਪੇਸ਼ ਕੀਤੀ, ਜਿਸ ਦੀ ਹਾਜ਼ਰ ਸਾਰਿਆਂ ਵੱਲੋਂ ਬਹੁਤ ਸ਼ਲਾਘਾ ਕੀਤੀ ਗਈ।
ਡਾ: ਅਨਿਰੁਧ ਗੁਪਤਾ, ਸੀਈਓ, ਡੀਸੀਐਮ ਗਰੁੱਪ ਆਫ਼ ਸਕੂਲਜ਼, ਨੇ ਕਿਹਾ ਕਿ ਐਨਪਾਰਕ 24 ਨੇ ਵਿਚਾਰਾਂ ਦੇ ਆਦਾਨ-ਪ੍ਰਦਾਨ ਲਈ ਇੱਕ ਵਧੀਆ ਪਲੇਟਫਾਰਮ ਪ੍ਰਦਾਨ ਕੀਤਾ ਹੈ, ਜੋ ਆਉਣ ਵਾਲੀ ਪੀੜ੍ਹੀ ਨੂੰ ਭਵਿੱਖ ਦੀਆਂ ਚੁਣੌਤੀਆਂ ਲਈ ਲੋੜੀਂਦੇ ਹੁਨਰ ਸਿਖਾਉਣ ਦੇ ਯੋਗ ਬਣਾਵੇਗਾ।
ਸੀਐੱਲਓ ਰੁਚਿਕਾ ਸ਼ਰਮਾ ਨੇ ਕਿਹਾ ਕਿ ਪੰਚਕੂਲਾ ਵਿੱਚ ਦਾਸ ਐਂਡ ਬ੍ਰਾਊਨ ਐਕਸਪੀਰੀਐਂਸ਼ੀਅਲ ਲਰਨਿੰਗ ਸਕੂਲ (ਡੀ-ਬੇਲਜ਼) ਨਾਲ ਸਿੱਖਿਆ ਦੀ ਦੁਨੀਆ ਵਿੱਚ ਇੱਕ ਨਵਾਂ ਅਧਿਆਏ ਸ਼ੁਰੂ ਹੋਣ ਜਾ ਰਿਹਾ ਹੈ। ਉਨ੍ਹਾਂ ਕਿਹਾ ਕਿ ਡੀ-ਬੇਲਜ਼ ਰਵਾਇਤੀ ਅੰਕ ਆਧਾਰਿਤ ਮੁਲਾਂਕਣ ਤੋਂ ਹਟ ਕੇ ਗਤੀਵਿਧੀ ਆਧਾਰਿਤ ਅਨੁਭਵੀ ਸਿੱਖਣ ਦੇ ਤਰੀਕਿਆਂ ‘ਤੇ ਧਿਆਨ ਕੇਂਦਰਿਤ ਕਰੇਗਾ, ਤਾਂ ਜੋ ਹਰ ਬੱਚਾ ਆਪਣੀ ਸਮਰੱਥਾ ਨੂੰ ਪਛਾਣਨ ਦੇ ਨਾਲ-ਨਾਲ ਗੁਣਾਂ ਦਾ ਵਿਕਾਸ ਕਰ ਸਕੇ।
