Punjab News: ਅਧਿਆਪਕਾਂ ਦਾ ਪਹਿਲਾਂ ਕੰਮ ਬੱਚਿਆਂ ਨੂੰ ਪੜ੍ਹਾਉਣਾ, ਬਾਕੀ ਕੰਮ ਬਾਅਦ ‘ਚ – BPEO ਨਰੇਸ਼ ਪਨਿਆੜ
ਬਲਾਕ ਪ੍ਰਾਇਮਰੀ ਸਿੱਖਿਆ ਅਫ਼ਸਰ ਨਰੇਸ਼ ਪਨਿਆੜ ਵੱਲੋਂ ਬਲਾਕ ਬਮਿਆਲ ਦੇ ਅਧਿਆਪਕਾਂ ਨਾਲ ਕੀਤੀ ਗਈ ਮੀਟਿੰਗ।
ਗ੍ਰਾਂਟਾਂ ਦੀ ਵਰਤੋਂ ਸਮੇਂ ਸਿਰ ਅਤੇ ਨਿਯਮਾਂ ਅਨੁਸਾਰ ਕੀਤੀ ਜਾਵੇ:- ਨਰੇਸ਼ ਪਨਿਆੜ।
ਪਠਾਨਕੋਟ
ਬਲਾਕ ਪ੍ਰਾਇਮਰੀ ਸਿੱਖਿਆ ਅਫ਼ਸਰ ਬਮਿਆਲ ਸ੍ਰੀ ਨਰੇਸ਼ ਪਨਿਆੜ ਵੱਲੋਂ ਬਲਾਕ ਬਮਿਆਲ ਦੇ ਸਮੂਹ ਪ੍ਰਾਇਮਰੀ ਸਕੂਲਾਂ ਦੇ ਅਧਿਆਪਕਾਂ ਨਾਲ ਮੀਟਿੰਗ ਕੀਤੀ। ਮੀਟਿੰਗ ਦੌਰਾਨ ਉਨ੍ਹਾਂ ਨੇ ਅਧਿਆਪਕਾਂ ਦੀ ਪ੍ਰਸ਼ੰਸਾ ਕਰਦੇ ਹੋਏ ਕਿਹਾ ਕਿ ਉਹ ਆਪਣੇ ਸਕੂਲ ਮੁਖੀਆਂ ਦੀ ਅਗਵਾਈ ਹੇਠ ਬਿਹਤਰੀਨ ਕੰਮ ਕਰ ਰਹੇ ਹਨ।
ਉਨ੍ਹਾਂ ਅਧਿਆਪਕਾਂ ਨੂੰ ਪ੍ਰੇਰਿਤ ਕਰਦੇ ਹੋਏ ਕਿਹਾ ਕਿ ਅਧਿਆਪਕ ਦਾ ਪਹਿਲਾ ਕੰਮ ਬੱਚਿਆਂ ਨੂੰ ਪੜ੍ਹਾਉਣਾ ਹੈ ਬਾਕੀ ਕੰਮਾਂ ਨੂੰ ਬਾਅਦ ਵਿੱਚ। ਉਨ੍ਹਾਂ ਕਿਹਾ ਕਿ ਬੱਚਿਆਂ ਨੂੰ ਪੜ੍ਹਾਉਣਾ ਤੋਂ ਇਲਾਵਾ ਅਧਿਆਪਕਾਂ ਨੂੰ ਜਿਹੜੀਆਂ ਵੀ ਜ਼ਿੰਮੇਵਾਰੀਆਂ ਮਿਲੀਆਂ ਹਨ ਉਨ੍ਹਾਂ ਨੂੰ ਬੱਚਿਆਂ ਨੂੰ ਪੜ੍ਹਾਉਣ ਤੋਂ ਤੋਂ ਬਾਅਦ ਨਿਭਾਇਆ ਜਾਵੇ। ਉਨ੍ਹਾਂ ਕਿਹਾ ਕਿ ਵਿਭਾਗ ਵੱਲੋਂ ਭੇਜਿਆ ਜਾਂਦਾ ਏਜੰਡਾ ਹਰ ਮਹੀਨੇ ਦਾ ਟੇਬਲ ਤੇ ਹੋਵੇ ਤੇ ਉਸ ਮੁਤਾਬਿਕ ਹੀ ਕੰਮ ਕਰਵਾਇਆ ਜਾਵੇ। ਮਿਸ਼ਨ ਸਮਰੱਥ ਦੇ ਚਾਰਟ ਜਮਾਤ ਵਿੱਚ ਲੱਗੇ ਹੋਣ, ਮਿਸ਼ਨ ਆਰੰਭ ਪ੍ਰੀ-ਪ੍ਰਾਇਮਰੀ ਦਾ ਆਗਾਜ਼ ਅਗਸਤ ਮਹੀਨੇ ਹੋਣ ਜਾ ਰਿਹਾ ਹੈ ਉਸਦੇ ਗੂਗਲ ਫਾਰਮ ਭਰ ਕੇ ਤਿਆਰੀ ਕੀਤੀ ਜਾਵੇ।
ਸਮੇਂ ਸਿਰ ਸਕੂਲ ਆਇਆ ਜਾਵੇ ਡਿਊਟੀ ਤੋਂ ਕੁਤਾਹੀ ਕਰਨ ਵਾਲਿਆਂ ਵਿਰੁੱਧ ਕਾਰਵਾਈ ਕੀਤੀ ਜਾਵੇਗੀ, ਮਿਡ ਡੇਅ ਮੀਲ ਦਾ ਮੈਸੇਜ ਰੋਜ਼ਾਨਾ ਸਮੇਂ ਸਿਰ ਕੀਤਾ ਜਾਵੇ, ਪੰਜਵੀਂ ਵਿੱਚ ਪੜਦੇ ਸਾਰੇ ਵਿਦਿਆਰਥੀਆਂ ਦੀ ਜਵਾਹਰ ਨਵੋਦਿਆ ਵਿਦਿਆਲਿਆ ਦੇ ਦਾਖ਼ਲੇ ਲਈ ਰਜਿਸਟ੍ਰੇਸ਼ਨ ਕਾਰਵਾਈ ਜਾਵੇ। ਐੱਸ.ਐੱਮ.ਸੀ ਦਾ ਗਠਨ ਸਰਕਾਰ ਦੀਆਂ ਹਦਾਇਤਾਂ ਅਨੁਸਾਰ ਮਿੱਥੇ ਸਮੇਂ ਦੇ ਵਿੱਚ ਬਣਾਈਆਂ ਜਾਣ। ਹਰ ਅਧਿਆਪਕ ਰੋਜ਼ਾਨਾ ਅਧਿਆਪਕ ਡਾਇਰੀ ਲਿਖੇ, ਸਕੂਲਾਂ ਵਿੱਚ ਪਏ ਸਮਾਨ ਦੀ ਬੱਚਿਆਂ ਨੂੰ ਪੜ੍ਹਾਉਣ ਵਿੱਚ ਵਰਤੋਂ ਕੀਤੀ ਜਾਵੇ ਇਸਨੂੰ ਬੰਨ ਕੇ ਅਲਮਾਰੀਆਂ ਜਾਂ ਸਟੋਰਾਂ ਵਿੱਚ ਨਾ ਰੱਖਿਆ ਜਾਵੇ।
ਛੁੱਟੀ ਲੈਣ ਤੋਂ ਪਹਿਲਾਂ ਆਨਲਾਈਨ ਅਪਲਾਈ ਕੀਤੀ ਜਾਵੇ, ਸਰਕਾਰ ਦੀਆਂ ਹਦਾਇਤਾਂ ਅਨੁਸਾਰ ਐਚਡੀਐਫਸੀ ਬੈਂਕ ਦੇ ਖਾਤੇ ਬੰਦ ਕਰਕੇ ਸਰਕਾਰ ਵੱਲੋਂ ਦਿੱਤੀ ਗਈ 23 ਬੈਂਕਾਂ ਦੀ ਲਿਸਟ ਵਿੱਚ ਖਾਤੇ ਖੋਲ੍ਹੇ ਜਾਣ। ਇਸ ਮੌਕੇ ਤੇ ਸੀਐੱਚਟੀ ਵਿਜੇ ਸਿੰਘ, ਘਣਸ਼ਾਮ ਲਾਲ, ਜਗਧਰ ਸ਼ਰਮਾ, ਮਨਦੀਪ ਕੁਮਾਰ ਬੀਆਰਸੀ ਅਜੇ ਵਸ਼ਿਸਟ, ਦਫ਼ਤਰੀ ਸਟਾਫ਼ ਸੁਨੀਲ ਦੱਤ ਕਲਰਕ , ਮੁਕੇਸ਼ ਕੁਮਾਰ ਏਬੀਐਮ, ਸੰਜੀਵ ਬੈਂਸ ਅਕਾਊਂਟੈਂਟ , ਸੰਜੀਵ ਸ਼ਰਮਾ ਐਮਆਈਐਸ ਅਤੇ ਜੋਤੀ ਬਾਲਾ ਡਾਟਾ ਐਂਟਰੀ ਓਪਰੇਟਰ ਅਤੇ ਸਮੂਹ ਸਕੂਲਾਂ ਦੇ ਅਧਿਆਪਕ ਹਾਜ਼ਰ ਸਨ।
