News Alert: ਏਅਰ ਐਂਬੂਲੈਂਸ ਜਹਾਜ਼ ਕਰੈਸ਼, ਦੋ ਡਾਕਟਰਾਂ ਸਮੇਤ 6 ਲੋਕਾਂ ਦੀ ਮੌਤ- ਕਈ ਘਰ ਤਬਾਹ
News Alert: ਕੀਨੀਆ ਦੀ ਰਾਜਧਾਨੀ ਨੈਰੋਬੀ ਵਿੱਚ ਇੱਕ ਭਿਆਨਕ ਜਹਾਜ਼ ਹਾਦਸਾ ਵਾਪਰਿਆ ਹੈ, ਜਿਸ ਵਿੱਚ 6 ਲੋਕਾਂ ਦੇ ਮਾਰੇ ਜਾਣ ਦੀ ਖ਼ਬਰ ਹੈ। ਮ੍ਰਿਤਕਾਂ ਵਿੱਚ 2 ਡਾਕਟਰ, 2 ਨਰਸਾਂ ਅਤੇ 2 ਆਮ ਲੋਕ ਸ਼ਾਮਲ ਹਨ।
ਕੀਨੀਆ ਸਿਵਲ ਏਵੀਏਸ਼ਨ ਅਥਾਰਟੀ ਨੇ ਹਾਦਸੇ ਦੀ ਪੁਸ਼ਟੀ ਕਰਦਿਆਂ ਕਿਹਾ ਕਿ ਏਅਰ ਐਂਬੂਲੈਂਸ ਇੱਕ ਰਿਹਾਇਸ਼ੀ ਖੇਤਰ ਵਿੱਚ ਡਿੱਗ ਗਈ। ਹਾਦਸੇ ਵਿੱਚ ਕੁਝ ਘਰ ਤਬਾਹ ਹੋ ਗਏ ਹਨ ਅਤੇ ਕੁਝ ਲੋਕ ਜ਼ਖਮੀ ਵੀ ਹੋਏ ਹਨ।
ਏਅਰ ਐਂਬੂਲੈਂਸ ਡਿੱਗਦੇ ਹੀ ਅੱਗ ਲੱਗ ਗਈ। ਅੰਬੂ ਕਾਉਂਟੀ ਦੇ ਕਮਿਸ਼ਨਰ ਹੈਨਰੀ ਵਾਫੁਲਾ ਨੇ ਹਾਦਸੇ ਬਾਰੇ ਜਾਣਕਾਰੀ ਦਿੱਤੀ ਕਿ ਹਾਦਸੇ ਵਿੱਚ ਜ਼ਖਮੀ ਲੋਕਾਂ ਨੂੰ ਹਸਪਤਾਲ ਲਿਜਾਇਆ ਗਿਆ ਹੈ।
ਇਸ ਦੇ ਨਾਲ ਹੀ ਅੱਧ ਸੜੀਆਂ ਲਾਸ਼ਾਂ ਨੂੰ ਪੋਸਟਮਾਰਟਮ ਲਈ ਭੇਜ ਦਿੱਤਾ ਗਿਆ ਹੈ। ਇਹ ਹਾਦਸਾ ਸਥਾਨਕ ਸਮੇਂ ਅਨੁਸਾਰ ਦੁਪਹਿਰ 2:14 ਵਜੇ ਦੇ ਕਰੀਬ ਹੋਇਆ।
ਏਅਰ ਐਂਬੂਲੈਂਸ ਸੋਮਾਲੀਆ ਦੇ ਹਰਗੇਸੀਆ ਸ਼ਹਿਰ ਜਾਣ ਲਈ ਵਿਲਸਨ ਹਵਾਈ ਅੱਡੇ ਤੋਂ ਉਡਾਣ ਭਰੀ। ਟੇਕਆਫ ਤੋਂ 3 ਮਿੰਟ ਬਾਅਦ, ਏਅਰ ਐਂਬੂਲੈਂਸ ਰਾਡਾਰ ਤੋਂ ਗਾਇਬ ਹੋ ਗਈ ਅਤੇ ਏਟੀਸੀ ਨਾਲ ਸੰਪਰਕ ਵੀ ਟੁੱਟ ਗਿਆ।
ਏਅਰ ਐਂਬੂਲੈਂਸ ਜਹਾਜ਼ ਡਿੱਗਦੇ ਹੀ ਅੱਗ ਲੱਗ ਗਈ। ਹਾਦਸਾ ਦੇਖ ਕੇ ਮੌਕੇ ‘ਤੇ ਲੋਕਾਂ ਦੀ ਭੀੜ ਇਕੱਠੀ ਹੋ ਗਈ ਅਤੇ ਬਚਾਅ ਕਾਰਜ ਚਲਾਇਆ।
ਲੋਕਾਂ ਨੇ ਪੁਲਿਸ ਨੂੰ ਜਹਾਜ਼ ਹਾਦਸੇ ਬਾਰੇ ਸੂਚਿਤ ਕੀਤਾ। ਪੁਲਿਸ ਨੇ ਮੌਕੇ ‘ਤੇ ਪਹੁੰਚ ਕੇ ਸਥਿਤੀ ਨੂੰ ਸੰਭਾਲਿਆ। ਰਾਸ਼ਟਰੀ ਪੁਲਿਸ ਸੇਵਾ ਅਤੇ ਕੀਨੀਆ ਰੱਖਿਆ ਬਲ ਨੇ ਸਾਂਝੇ ਤੌਰ ‘ਤੇ ਬਚਾਅ ਕਾਰਜ ਚਲਾਇਆ। ਹਵਾਈ ਦੁਰਘਟਨਾ ਜਾਂਚ ਵਿਭਾਗ ਨੂੰ ਹਾਦਸੇ ਦੀ ਜਾਂਚ ਕਰਨ ਦੇ ਆਦੇਸ਼ ਦਿੱਤੇ ਗਏ ਹਨ।
