ਸਿੱਖਿਆ ਵਿਭਾਗ ਸੇਵਾ ਨਿਯਮਾਂ ਚ ਸੋਧ ਕਰਕੇ ਪ੍ਰਿੰਸੀਪਲ ਤਰੱਕੀ ਅਤੇ ਆਮ ਬਦਲੀਆਂ ‘ਚ ਸਟੇਸ਼ਨ ਚੋਣ ਦਾ ਮੌਕਾ ਦੇਵੇ – ਅਮਨ ਸ਼ਰਮਾ

Punjab News-

ਗੌਰਮਿੰਟ ਸਕੂਲ ਲੈਕਚਰਾਰ ਯੂਨੀਅਨ ਪੰਜਾਬ ਦੇ ਸੂਬਾ ਸੀਨੀਅਰ ਮੀਤ ਪ੍ਰਧਾਨ ਅਮਨ ਸ਼ਰਮਾ ਦੀ ਪ੍ਰਧਾਨਗੀ ਵਿੱਚ ਸਟੇਟ ਬਾਡੀ ਦੀ ਮੀਟਿੰਗ ਸਿੱਖਿਆ ਨਿਯਮ 2018 ਅਤੇ ਇਸਦੇ ਸੰਸੋਧਣ 2020 ਦੇ ਮੁੱਦੇ ਤੇ ਹੋਈ।

ਜਿਸ ਵਿੱਚ ਅਮਨ ਸ਼ਰਮਾ ਅੰਮ੍ਰਿਤਸਰ, ਸਕੱਤਰ ਬਲਰਾਜ ਸਿੰਘ ਬਾਜਵਾ ਅਤੇ ਸਕੱਤਰ ਜਨਰਲ ਰਵਿੰਦਰਪਾਲ ਸਿੰਘ ਨੇ ਸਿੱਖਿਆ ਮੰਤਰੀ ਹਰਜੋਤ ਸਿੰਘ ਬੈਂਸ ਦੇ 2018 ਦੇ ਸਿੱਖਿਆ ਸੇਵਾ ਨਿਯਮ ਅਤੇ ਸੰਸੋਧਣ ਨੂੰ ਬਦਲਣ ਦੇ ਫੈਸਲੇ ਦੀ ਸਲਾਘਾ ਕੀਤੀ।

ਹਰਜੀਤ ਸਿੰਘ ਬਲਹਾੜੀ,ਸੁਖਦੇਵ ਸਿੰਘ ਰਾਣਾ,ਚਰਨਦਾਸ ਮੁਕਤਸਰ ਬਲਜੀਤ ਸਿੰਘ ਕਪੂਰਥਲਾ, ਕੌਸ਼ਲ ਸ਼ਰਮਾ ਪਠਾਨਕੋਟ, ਜਗਤਾਰ ਸਿੰਘ ਹੋਸ਼ਿਆਰਪੁਰ ਨੇ ਕਿਹਾ ਕਿ ਜਲਦ ਇਹਨਾਂ ਨੂੰ ਸੋਧ ਕੇ ਅਗਸਤ ਵਿੱਚ ਹੀ ਪ੍ਰਿੰਸੀਪਲ ਤਰੱਕੀਆਂ ਕੀਤੀਆਂ ਜਾਣ ਤਾਂ, ਕਿ 30-32 ਸਾਲ ਦੀ ਲੈਕਚਰਾਰ ਦੀ ਸੇਵਾ ਤੋਂ ਬਾਅਦ ਬਿਨਾਂ ਤਰੱਕੀ ਰਿਟਾਇਰ ਹੋ ਰਹੇ ਲੈਕਚਰਾਰ ਨੂੰ ਰਾਹਤ ਮਿੱਲ ਸਕੇ।

ਅਮਨ ਸ਼ਰਮਾ ਨੇ ਲੈਕਚਰਾਰ ਕੇਡਰ ਦੀ ਬਿਹਤਰੀ ਲਈ 2018 ਦੇ ਨਿਯਮਾਂ ਨੂੰ ਸੋਧਣ ਦੀ ਪ੍ਰੀਕਰਿਆ ਨੂੰ ਜਲਦ ਤੋਂ ਜਲਦ ਪੁਰਾ ਕਰਨਾ ਚਾਹੀਦਾ ਹੈ ਤਾਂਕਿ ਅਗਸਤ ਮਹੀਨੇ ਰਿਟਾਇਰ ਹੋ ਰਹੇ ਲੈਕਚਰਾਰ ਬਿਨਾਂ ਤਰੱਕੀ ਰਿਟਾਇਰ ਨਾ ਹੋ ਸੱਕਣ | ਇਸ ਮੌਕੇ ਯੂਨੀਅਨ ਆਗੂਆਂ ਨੇ ਆਮ ਬਦਲੀਆਂ ਵਿੱਚ ਵੀ ਅਧਿਆਪਕ ਨੂੰ ਦੋ ਮੌਕੇ ਦੇਣੇ ਚਾਹੀਦੇ ਹਨ ਤਾਂ ਕਿ ਪਹਿਲੇ ਮੌਕੇ ਆਪਣੇ ਮਨਪਸੰਦ ਸਟੇਸ਼ਨ ਨਾ ਮਿਲਣ ਕਾਰਨ, ਜ਼ੇਕਰ ਦੂਜੇ ਮੌਕੇ ਵਿੱਚ ਖਾਲੀ ਰਹਿ ਗਏ ਸਟੇਸ਼ਨ ਵਿੱਚੋ ਆਪਣੀ ਪਸੰਦ ਦਾ ਸਟੇਸ਼ਨ ਚੋਣ ਕਰ ਸਕਣ|

ਇਸ ਨਾਲ ਦੂਰ ਦਰਾਡੇ ਸਕੂਲਾਂ ਚ ਕੰਮ ਕਰਦੇ ਕਰੋਨਿਕ ਬਿਮਾਰ, ਅਣਵਿਆਹੀ ਲੜਕੀਆਂ, ਵਿਧਵਾਵਾਂ, ਅਤੇ ਯੋਗ ਮਹਿਲਾ/ਪੁਰਸ਼ ਅਧਿਆਪਕਾਂ ਨੂੰ ਆਪਣੇ ਘਰ ਪਰਿਵਾਰ ਕੋਲ ਜਾਣ ਦਾ ਇੱਕ ਹੋਰ ਮੌਕਾ ਮਿੱਲ ਸਕਦਾ ਹੈ। ਇਸ ਮੌਕੇ ਅਵਤਾਰ ਸਿੰਘ, ਜਤਿੰਦਰਪਾਲ ਸਿੰਘ ਮਸਾਣੀਆਂ, ਕੁਲਵਿੰਦਰਪਾਲ ਸਿੰਘ, ,ਕੁਲਦੀਪ ਗਰੋਵਰ ,ਹਰਜੀਤ ਸਿੰਘ ਰਤਨ, ਜਸਵੀਰ ਸਿੰਘ ਗੋਸਲ, ਇੰਦਰਜੀਤ ਸਿੰਘ, ਬਲਦੀਸ਼ ਕੁਮਾਰ, ਚਮਕੌਰ ਸਿੰਘ ਅਰੁਣ ਕੁਮਾਰ,ਆਦਿ ਹਾਜਰ ਸਨ।