ਵੱਡੀ ਖ਼ਬਰ: ਨਿਹੰਗਾਂ ਨੇ ਚੰਡੀਗੜ੍ਹ ਤੋਂ ਹਮਦਰਦ TV ਦਾ ਐਂਕਰ ਕੀਤਾ ਅਗਵਾਹ- ਵੇਖੋ ਵੀਡੀਓ
Punjab News- ਚੰਡੀਗੜ੍ਹ ਤੋਂ ਇਸ ਵੇਲੇ ਦੀ ਬਹੁਤ ਵੱਡੀ ਖ਼ਬਰ ਸਾਹਮਣੇ ਆ ਰਹੀ ਹੈ, ਜਿੱਥੇ ਨਿਹੰਗਾਂ ਦੇ ਵੱਲੋਂ ਹਮਦਰਦ ਟੀਵੀ ਦਾ ਐਂਕਰ ਸ਼ਰੇਆਮ ਅਗਵਾਹ ਕਰ ਲਿਆ ਗਿਆ।
ਨਿਹੰਗ ਪਹਿਲਾਂ ਹਮਦਰਦ ਟੀਵੀ ਦੇ ਦਫ਼ਤਰ ਵਿਖੇ ਦਾਖ਼ਲ ਹੋਏ ਅਤੇ ਉਨ੍ਹਾਂ ਨੇ ਐਂਕਰ ਗੁਰਪਿਆਰ ਸਿੰਘ ਦੇ ਨਾਲ ਗੱਲਬਾਤ ਕੀਤੀ। ਉਸ ਮਗਰੋਂ ਨਿਹੰਗ ਕਿਸੇ ਗੱਲਬਾਤ ਲਈ ਗੁਰਪਿਆਰ ਨੂੰ ਦਫ਼ਤਰ ਤੋਂ ਬਾਹਰ ਲੈ ਗਏ ਅਤੇ ਫਿਰ ਤੁਰੰਤ ਬਾਅਦ ਗੁਰਪਿਆਰ ਨੂੰ ਅਗਵਾਹ ਕਰਕੇ ਕਿਤੇ ਦੂਰ ਲੈ ਗਏ।
ਗੁਰਪਿਆਰ ਦੇ ਮੋਬਾਈਲ ਦੀ ਲੋਕੇਸ਼ਨ ਅਤੇ ਨਿਹੰਗਾਂ ਦੀ ਲੋਕੇਸ਼ਨ ਪੁਲਿਸ ਦੇ ਵੱਲੋਂ ਟਰੇਸ ਕੀਤੀ ਜਾ ਰਹੀ ਹੈ।
ਉਥੇ ਹੀ ਦੂਜੇ ਪਾਸੇ ਚਿੱਟੇ ਦਿਨ ਵਾਪਰੀ ਇਸ ਘਟਨਾ ਨੇ ਕਈ ਤਰ੍ਹਾਂ ਦੇ ਸਵਾਲ ਖੜ੍ਹੇ ਕਰ ਦਿੱਤੇ ਹਨ। ਇਸ ਤੋਂ ਪਹਿਲਾਂ ਵੀ ਅਜਿਹੀਆਂ ਹੀ ਘਟਨਾਵਾਂ ਨੂੰ ਕੁੱਝ ਅਖ਼ੌਤੀ ਨਿਹੰਗ ਅੰਜ਼ਾਮ ਦੇ ਚੁੱਕੇ ਹਨ।
