Education News- ਸਿੱਖਿਆ ਵਿਭਾਗ ਨੇ ਛੁੱਟੀਆਂ ਤੋਂ ਪਹਿਲਾਂ ਵਿਦਿਆਰਥੀਆਂ ਲਈ ਖਾਸ ਯੋਜਨਾ ਦਾ ਕੀਤਾ ਐਲਾਨ, ਪੜ੍ਹੋ ਪੱਤਰ

 

Education News -ਸਾਰੇ ਸਕੂਲਾਂ (ਪੀ.ਐਮ. ਸਕੂਲਾਂ ਨੂੰ ਛੱਡ ਕੇ) ਵਿੱਚ 6ਵੀਂ ਤੋਂ 8ਵੀਂ ਜਮਾਤ ਦੇ ਵਿਦਿਆਰਥੀਆਂ ਲਈ ‘ਬੈਗਲੈੱਸ ਡੇ’ ਲਾਗੂ ਕਰਨ ਦੀ ਯੋਜਨਾ ਜਾਰੀ

Education News – ਸਿੱਖਿਆ ਵਿਭਾਗ ਨੇ ਗਰਮੀ ਦੀਆਂ ਛੁੱਟੀਆਂ ਤੋਂ ਪਹਿਲਾਂ ਵਿਦਿਆਰਥੀਆਂ ਲਈ ਖਾਸ ਯੋਜਨਾ ਦਾ ਐਲਾਨ ਕੀਤਾ ਹੈ। ਸਟੇਟ ਕੌਂਸਲ ਫਾਰ ਐਜੂਕੇਸ਼ਨਲ ਰਿਸਰਚ ਐਂਡ ਟ੍ਰੇਨਿੰਗ (ਐਸ.ਸੀ.ਈ.ਆਰ.ਟੀ.) ਪੰਜਾਬ ਵੱਲੋਂ ਸਾਰੇ ਸਕੂਲਾਂ (ਪੀ.ਐਮ. ਸਕੂਲਾਂ ਨੂੰ ਛੱਡ ਕੇ) ਵਿੱਚ 6ਵੀਂ ਤੋਂ 8ਵੀਂ ਜਮਾਤ ਦੇ ਵਿਦਿਆਰਥੀਆਂ ਲਈ ‘ਬੈਗਲੈੱਸ ਡੇ’ ਲਾਗੂ ਕਰਨ ਦੀ ਯੋਜਨਾ ਜਾਰੀ ਕੀਤੀ ਹੈ।

ਇਸਦਾ ਉਦੇਸ਼ ਵਿਦਿਆਰਥੀਆਂ ਵਿੱਚ ਰਚਨਾਤਮਕਤਾ, ਸਮਾਜਿਕ-ਭਾਵਨਾਤਮਕ ਸਿੱਖਿਆ, ਅਨੁਭਵੀ ਸਿੱਖਿਆ ਅਤੇ ਕਲਾਸਰੂਮ ਤੋਂ ਬਾਹਰ ਦੇ ਅਨੁਭਵਾਂ ਰਾਹੀਂ 21ਵੀਂ ਸਦੀ ਦੇ ਹੁਨਰ ਵਿਕਸਤ ਕਰਨਾ ਹੈ। ਇਨ੍ਹਾਂ ‘ਬੈਗਲੈੱਸ ਡੇ’ ਦੇ ਸਫਲ ਆਯੋਜਨ ਲਈ ਹਰੇਕ ਸਕੂਲ ਨੂੰ ਫੰਡ ਪਹਿਲਾਂ ਹੀ ਭੇਜਿਆ ਜਾ ਚੁੱਕਾ ਹੈ।

 

ਇਨ੍ਹਾਂ ਦਿਨਾਂ ਦੌਰਾਨ, ਵੱਖ-ਵੱਖ ਰਚਨਾਤਮਕ ਗਤੀਵਿਧੀਆਂ ਕੀਤੀਆਂ ਜਾਣਗੀਆਂ, ਜਿਨ੍ਹਾਂ ਦੀ ਯੋਜਨਾ ਸਕੂਲ ਮੁਖੀਆਂ ਦੁਆਰਾ ਸਬੰਧਤ ਸਰਕਲ ਕਮੇਟੀ ਨਾਲ ਸਲਾਹ-ਮਸ਼ਵਰਾ ਕਰਕੇ ਬਣਾਈ ਜਾਵੇਗੀ। ਹਰੇਕ ਵਿਦਿਆਰਥੀ ਦੀ ਭਾਗੀਦਾਰੀ ਯਕੀਨੀ ਬਣਾਈ ਜਾਵੇਗੀ।

ਗਤੀਵਿਧੀਆਂ ਲਈ ਲੋੜੀਂਦੀ ਸਮੱਗਰੀ ਦੀ ਖਰੀਦ, ਮਾਹਿਰਾਂ ਜਾਂ ਮਸ਼ਹੂਰ ਵਿਅਕਤੀਆਂ ਨੂੰ ਸੱਦਾ ਦੇਣਾ ਅਤੇ ਸਨਮਾਨਿਤ ਕਰਨਾ, ਮੁਕਾਬਲੇ ਅਤੇ ਇਨਾਮ ਵੰਡ ਦਾ ਆਯੋਜਨ, ਵਿਦਿਆਰਥੀਆਂ ਲਈ ਰਿਫਰੈਸ਼ਮੈਂਟ ਅਤੇ ਵਿਦਿਅਕ ਯਾਤਰਾਵਾਂ, ਵਿਸ਼ਾਵਾਰ ਪ੍ਰਦਰਸ਼ਨੀਆਂ, ਮਾਡਲਾਂ, ਚਾਰਟਾਂ ਅਤੇ ਪ੍ਰੋਜੈਕਟਾਂ ਲਈ ਸਮੱਗਰੀ ਪ੍ਰਦਾਨ ਕਰਨਾ।

ਮੁੱਖ ਦਫ਼ਤਰ ਨੂੰ ਭੇਜਣੀ ਪਵੇਗੀ ਰਿਪੋਰਟ

ਛੇਵੀਂ ਤੋਂ ਅੱਠਵੀਂ ਜਮਾਤ ਦੇ ਵਿਦਿਆਰਥੀਆਂ ਦੁਆਰਾ ਕੀਤੀਆਂ ਗਈਆਂ ਗਤੀਵਿਧੀਆਂ ਪ੍ਰਦਰਸ਼ਿਤ ਕੀਤੀਆਂ ਜਾਣਗੀਆਂ ਅਤੇ ਨੌਵੀਂ ਤੋਂ ਬਾਰ੍ਹਵੀਂ ਜਮਾਤ ਦੇ ਵਿਦਿਆਰਥੀਆਂ ਨੂੰ ਇਨ੍ਹਾਂ ਨੂੰ ਦੇਖਣ ਲਈ ਕਿਹਾ ਜਾਵੇਗਾ। ਸਕੂਲਾਂ ਲਈ ‘ਬੈਗਲੈੱਸ ਡੇ’ ਦੀਆਂ ਗਤੀਵਿਧੀਆਂ ਦੇ ਵੇਰਵੇ ਸਬੰਧਤ ਰਜਿਸਟਰ ਵਿੱਚ ਦਰਜ ਕਰਨਾ ਲਾਜ਼ਮੀ ਹੋਵੇਗਾ ਅਤੇ ਹਰੇਕ ਦਿਨ ਦੀ ਰਿਪੋਰਟ ਨਿਰਧਾਰਤ ਪ੍ਰੋਫਾਰਮੇ ਵਿੱਚ ਤਿਆਰ ਕਰਨੀ ਪਵੇਗੀ। ਸਾਰੇ ਜ਼ਿਲ੍ਹਾ ਸਿੱਖਿਆ ਅਧਿਕਾਰੀਆਂ ਨੂੰ 31 ਮਾਰਚ, 2026 ਤੱਕ ਈ-ਮੇਲ ਰਾਹੀਂ ਸੰਕਲਿਤ ਰਿਪੋਰਟ (ਫੋਟੋਆਂ ਸਮੇਤ) ਮੁੱਖ ਦਫ਼ਤਰ ਨੂੰ ਭੇਜਣੀ ਪਵੇਗੀ।

ਇਸ ਤਰੀਕ ਤੋਂ ਮਨਾਇਆ ਜਾਵੇਗਾ ਬੈਗਲੈੱਸ ਡੇ

ਮਈ – 31 ਮਈ 2025
ਜੁਲਾਈ – 05 ਜੁਲਾਈ
ਜੁਲਾਈ – 26 ਜੁਲਾਈ
ਅਗਸਤ – 30 ਅਗਸਤ
ਸਤੰਬਰ – 05 ਸਤੰਬਰ
ਸਤੰਬਰ – 27 ਸਤੰਬਰ
ਅਕਤੂਬਰ – 18 ਅਕਤੂਬਰ
ਅਕਤੂਬਰ – 25 ਅਕਤੂਬਰ
ਨਵੰਬਰ – 14 ਨਵੰਬਰ,
29 ਨਵੰਬਰ
ਦਸੰਬਰ – 20 ਦਸੰਬਰ
ਜਨਵਰੀ – 17 ਜਨਵਰੀ 2026