ਵੱਡੀ ਖ਼ਬਰ: WhatsApp ਅਚਾਨਕ ਹੋਇਆ ਬੰਦ… ਕੁੱਝ ਮਿੰਟਾਂ ਬਾਅਦ!
WhatsApp News-
ਦੁਨੀਆ ਦੇ ਸਭ ਤੋਂ ਮਸ਼ਹੂਰ ਮੈਸੇਜਿੰਗ ਪਲੇਟਫਾਰਮ ਵਟਸਐਪ (WhatsApp) ਦੀ ਵੈੱਬ ਸਰਵਿਸ ਵਿੱਚ ਸੋਮਵਾਰ ਨੂੰ ਇੱਕ ਵਾਰ ਫਿਰ ਵੱਡੀ ਦਿੱਕਤ ਸਾਹਮਣੇ ਆਈ ਹੈ।
ਵੱਡੀ ਗਿਣਤੀ ਵਿੱਚ ਯੂਜ਼ਰਸ ਨੇ ਸੋਸ਼ਲ ਮੀਡੀਆ ‘ਤੇ ਸ਼ਿਕਾਇਤ ਕੀਤੀ ਹੈ ਕਿ ਉਹ ਵਟਸਐਪ ਵੈੱਬ (WhatsApp Web) ‘ਤੇ ਲੌਗਇਨ ਨਹੀਂ ਕਰ ਪਾ ਰਹੇ ਹਨ । ਹਾਲਾਂਕਿ, ਰਾਹਤ ਦੀ ਗੱਲ ਇਹ ਹੈ ਕਿ ਮੋਬਾਈਲ ਐਪ ਆਮ ਵਾਂਗ ਕੰਮ ਕਰ ਰਿਹਾ ਹੈ।
ਆਊਟੇਜ ਨੂੰ ਟ੍ਰੈਕ ਕਰਨ ਵਾਲੀ ਵੈੱਬਸਾਈਟ ਡਾਊਨਡਿਟੈਕਟਰ (Downdetector) ਦੇ ਅਨੁਸਾਰ, ਇਹ ਸਮੱਸਿਆ ਭਾਰਤੀ ਸਮੇਂ ਅਨੁਸਾਰ ਦੁਪਹਿਰ ਕਰੀਬ 1:35 ਵਜੇ ਤੋਂ ਸ਼ੁਰੂ ਹੋਈ, ਜਿਸ ਤੋਂ ਬਾਅਦ ਸ਼ਿਕਾਇਤਾਂ ਦਾ ਗ੍ਰਾਫ ਤੇਜ਼ੀ ਨਾਲ ਵਧਣ ਲੱਗਾ ।
1. QR ਕੋਡ ਸਕੈਨ ਕਰਨ ‘ਤੇ ਵੀ ਨਹੀਂ ਹੋ ਰਿਹਾ ਲੌਗਇਨ: ਕਈ ਯੂਜ਼ਰਸ ਦਾ ਕਹਿਣਾ ਹੈ ਕਿ ਉਹ ਆਪਣੇ ਕੰਪਿਊਟਰ ‘ਤੇ ਵਟਸਐਪ ਵੈੱਬ ਖੋਲ੍ਹਣ ਦੀ ਕੋਸ਼ਿਸ਼ ਕਰ ਰਹੇ ਹਨ, ਪਰ QR Code ਸਕੈਨ ਕਰਨ ਦੇ ਬਾਵਜੂਦ ਲੌਗਇਨ ਪ੍ਰਕਿਰਿਆ ਫੇਲ ਹੋ ਰਹੀ ਹੈ।
2. ਨਵੇਂ ਲੌਗਇਨ ਵਿੱਚ ਮੁੱਖ ਦਿੱਕਤ: ਇਹ ਸਮੱਸਿਆ ਮੁੱਖ ਤੌਰ ‘ਤੇ ਉਨ੍ਹਾਂ ਯੂਜ਼ਰਸ ਨੂੰ ਹੋ ਰਹੀ ਹੈ ਜੋ ਵਟਸਐਪ ਵੈੱਬ ‘ਤੇ ਨਵਾਂ ਲੌਗਇਨ ਕਰਨ ਦੀ ਕੋਸ਼ਿਸ਼ ਕਰ ਰਹੇ ਹਨ। ਜਿਨ੍ਹਾਂ ਯੂਜ਼ਰਸ ਦੇ ਅਕਾਊਂਟ ਪਹਿਲਾਂ ਤੋਂ ਹੀ ਵੈੱਬ ‘ਤੇ ਲੌਗ ਇਨ ਹਨ, ਉਨ੍ਹਾਂ ਨੂੰ ਮੈਸੇਜ ਭੇਜਣ ਜਾਂ ਪ੍ਰਾਪਤ ਕਰਨ ਵਿੱਚ ਕੋਈ ਵੱਡੀ ਪ੍ਰੇਸ਼ਾਨੀ ਨਹੀਂ ਆ ਰਹੀ ਹੈ।
Mobile App ‘ਤੇ ਸਭ ਕੁਝ ਆਮ
ਇਹ ਸਮੱਸਿਆ ਸਿਰਫ਼ ਵਟਸਐਪ ਦੇ ਵੈੱਬ ਵਰਜ਼ਨ ਤੱਕ ਹੀ ਸੀਮਤ ਹੈ। ਵਟਸਐਪ ਦਾ Mobile App ਆਮ ਵਾਂਗ ਕੰਮ ਕਰ ਰਿਹਾ ਹੈ। ਯੂਜ਼ਰਸ ਮੋਬਾਈਲ ‘ਤੇ ਚੈਟਿੰਗ, ਫੋਟੋ-ਵੀਡੀਓ ਸ਼ੇਅਰਿੰਗ ਅਤੇ ਕਾਲਿੰਗ ਵਰਗੀਆਂ ਸਾਰੀਆਂ ਸੇਵਾਵਾਂ ਦੀ ਬਿਨਾਂ ਕਿਸੇ ਰੁਕਾਵਟ ਦੇ ਵਰਤੋਂ ਕਰ ਪਾ ਰਹੇ ਹਨ।
