Mother Dairy: ਦੁੱਧ, ਘਿਓ, ਪਨੀਰ ਅਤੇ ਮੱਖਣ ਦੀਆਂ ਕੀਮਤਾਂ ਘਟੀਆਂ, ਪੜ੍ਹੋ ਨਵੀਂ ਰੇਟ ਲਿਸਟ

 

Mother Dairy: ਦੇਸ਼ ਦੀ ਪ੍ਰਮੁੱਖ ਡੇਅਰੀ ਕੰਪਨੀ ਮਦਰ ਡੇਅਰੀ (Mother Dairy) ਨੇ ਆਪਣੇ ਦੁੱਧ, ਘਿਓ, ਪਨੀਰ, ਮੱਖਣ ਅਤੇ ਆਈਸਕ੍ਰੀਮ ਸਣੇ ਲਗਭਗ ਸਾਰੇ ਪ੍ਰੋਡਕਟਸ (Products) ਦੇ ਭਾਅ ਘਟਾ ਦਿੱਤੇ ਹਨ।

ਕੰਪਨੀ ਨੇ ਇਹ ਫੈਸਲਾ ਸਰਕਾਰ ਵੱਲੋਂ ਕੀਤੇ ਗਏ ਜੀਐਸਟੀ (GST) ਸੁਧਾਰਾਂ ਤੋਂ ਬਾਅਦ ਲਿਆ ਹੈ ਅਤੇ ਇਸਦਾ ਪੂਰਾ ਫਾਇਦਾ ਗਾਹਕਾਂ ਨੂੰ ਦੇਣ ਦਾ ਐਲਾਨ ਕੀਤਾ ਹੈ। ਇਹ ਨਵੀਆਂ ਕੀਮਤਾਂ 22 ਸਤੰਬਰ, 2025 ਤੋਂ ਲਾਗੂ ਹੋਣਗੀਆਂ ।

ਕਿਉਂ ਸਸਤੇ ਹੋਏ ਪ੍ਰੋਡਕਟਸ?

ਸਰਕਾਰ ਨੇ ਹਾਲ ਹੀ ਵਿੱਚ GST 2.0 ਸੁਧਾਰਾਂ ਦਾ ਐਲਾਨ ਕੀਤਾ ਸੀ, ਜਿਸ ਤਹਿਤ 12% ਅਤੇ 28% ਦੇ ਟੈਕਸ ਸਲੈਬ ਨੂੰ ਖਤਮ ਕਰਕੇ ਹੁਣ ਸਿਰਫ 5% ਅਤੇ 18% ਦੇ ਦੋ ਸਲੈਬ ਰੱਖੇ ਗਏ ਹਨ।

ਇਸ ਬਦਲਾਅ ਕਾਰਨ ਮਦਰ ਡੇਅਰੀ ਦੇ ਜ਼ਿਆਦਾਤਰ ਉਤਪਾਦ ਜਾਂ ਤਾਂ ਜ਼ੀਰੋ GST ਜਾਂ ਫਿਰ 5% ਦੇ ਸਭ ਤੋਂ ਹੇਠਲੇ ਸਲੈਬ ਵਿੱਚ ਆ ਗਏ ਹਨ। ਕੰਪਨੀ ਨੇ ਇਸੇ ਟੈਕਸ ਕਟੌਤੀ ਦਾ 100% ਲਾਭ ਸਿੱਧਾ ਗਾਹਕਾਂ ਨੂੰ ਦਿੱਤਾ ਹੈ ।

ਕਿਸ ਪ੍ਰੋਡਕਟ ‘ਤੇ ਕਿੰਨੀ ਹੋਈ ਕਟੌਤੀ? (ਨਵੀਂ ਰੇਟ ਲਿਸਟ)

ਦੁੱਧ, ਪਨੀਰ ਅਤੇ ਮਿਲਕਸ਼ੇਕ

1. 1 ਲੀਟਰ UHT ਮਿਲਕ (ਟੈਟਰਾ ਪੈਕ): ₹77 ਤੋਂ ਘੱਟ ਕੇ ₹75 ਹੋਇਆ।

2. 200 ਗ੍ਰਾਮ ਪਨੀਰ: ₹95 ਤੋਂ ਘੱਟ ਕੇ ₹92 ਹੋਇਆ।

3. 400 ਗ੍ਰਾਮ ਪਨੀਰ: ₹180 ਤੋਂ ਘੱਟ ਕੇ ₹174 ਹੋਇਆ।

4. ਮਿਲਕਸ਼ੇਕ (180 ml): ₹30 ਤੋਂ ਘੱਟ ਕੇ ₹28 ਹੋਇਆ।

ਮੱਖਣ ਅਤੇ ਘਿਓ

1. 500 ਗ੍ਰਾਮ ਮੱਖਣ: ₹305 ਤੋਂ ਘੱਟ ਕੇ ₹285 ਹੋਇਆ।

2. 100 ਗ੍ਰਾਮ ਮੱਖਣ: ₹62 ਤੋਂ ਘੱਟ ਕੇ ₹58 ਹੋਇਆ।

3. 1 ਲੀਟਰ ਘਿਓ (ਕਾਰਟਨ ਪੈਕ): ₹675 ਤੋਂ ਘੱਟ ਕੇ ₹645 ਹੋਇਆ।

4. 1 ਲੀਟਰ ਘਿਓ (ਟਿਨ ਪੈਕ): ₹750 ਤੋਂ ਘੱਟ ਕੇ ₹720 ਹੋਇਆ।

ਆਈਸਕ੍ਰੀਮ

1. ਆਈਸ ਕੈਂਡੀ, ਵਨੀਲਾ ਕੱਪ (50 ml), ਚੋਕੋਬਾਰ: ₹10 ਤੋਂ ਘੱਟ ਕੇ ₹9 ਹੋਈ।

2. ਚੋਕੋ ਵਨੀਲਾ ਕੋਨ (100 ml): ₹30 ਤੋਂ ਘੱਟ ਕੇ ₹25 ਹੋਇਆ।

3. ਬਟਰਸਕੌਚ ਕੋਨ (100 ml): ₹35 ਤੋਂ ਘੱਟ ਕੇ ₹30 ਹੋਇਆ।

ਸਫਲ ਮਟਰ ਅਤੇ ਹੋਰ ਪ੍ਰੋਡਕਟਸ

1. ਸਫਲ ਫਰੋਜ਼ਨ ਮਟਰ (1 ਕਿਲੋ): ₹230 ਤੋਂ ਘੱਟ ਕੇ ₹215 ਹੋਈ।

2. ਨਿੰਬੂ/ਅੰਬ ਦਾ ਅਚਾਰ (400 ਗ੍ਰਾਮ): ₹130 ਤੋਂ ਘੱਟ ਕੇ ₹120 ਹੋਇਆ।

3. ਨਾਰੀਅਲ ਪਾਣੀ (200 ml): ₹55 ਤੋਂ ਘੱਟ ਕੇ ₹50 ਹੋਇਆ।

4. ਮਿਕਸ ਫਰੂਟ ਜੈਮ (500 ਗ੍ਰਾਮ): ₹180 ਤੋਂ ਘੱਟ ਕੇ ₹165 ਹੋਇਆ।

ਇਹ ਧਿਆਨ ਰੱਖਣਾ ਮਹੱਤਵਪੂਰਨ ਹੈ ਕਿ ਰੋਜ਼ਾਨਾ ਵਰਤੋਂ ਵਾਲੇ ਪੌਲੀ ਪੈਕ ਦੁੱਧ (ਜਿਵੇਂ ਕਿ ਫੁੱਲ ਕਰੀਮ, ਟੋਂਡ) ਦੀਆਂ ਕੀਮਤਾਂ ਵਿੱਚ ਕੋਈ ਬਦਲਾਅ ਨਹੀਂ ਹੋਇਆ ਹੈ, ਕਿਉਂਕਿ ਇਨ੍ਹਾਂ ‘ਤੇ ਪਹਿਲਾਂ ਤੋਂ ਹੀ ਕੋਈ ਜੀਐਸਟੀ ਨਹੀਂ ਲੱਗਦਾ ਸੀ।