Punjab News- ਕਾਂਗਰਸ ਨੇ ਪੰਜਾਬ ਉਜਾੜਿਆ! ਮੰਤਰੀ ਚੀਮਾ ਦੇ ਬਿਆਨ ‘ਤੇ ਭਖੀ ਸਿਆਸਤ
Punjab News- ਜਿੱਥੇ ਹੜ੍ਹਾਂ ਵਾਲੇ ਮਸਲੇ ‘ਤੇ ਭਗਵੰਤ ਮਾਨ ਸਰਕਾਰ ਪੂਰੀ ਤਰ੍ਹਾਂ ਘਿਰ ਚੁੱਕੀ ਹੈ, ਉਥੇ ਹੀ ਲੋਕਾਂ ਦੇ ਵਿਰੋਧ ਤੋਂ ਬਚਣ ਵਾਸਤੇ ਸੱਤਾਧਿਰ ਵਿਰੋਧੀ ਪਾਰਟੀਆਂ ‘ਤੇ ਵੰਨ ਸਵੰਨੇ ਦੋਸ਼ ਮੜਨ ਤੇ ਲੱਗੀ ਹੋਈ ਹੈ।
ਵਿੱਤ ਮੰਤਰੀ ਹਰਪਾਲ ਸਿੰਘ ਚੀਮਾ ਦੇ ਵੱਲੋਂ ਅੱਜ ਚੰਡੀਗੜ੍ਹ ਵਿੱਚ ਪ੍ਰੈੱਸ ਕਾਨਫਰੰਸ ਦੌਰਾਨ ਕਿਹਾ ਗਿਆ ਕਿ, ਪੰਜਾਬ ਦੇ ਅੰਦਰ ਆਏ ਭਿਆਨਕ ਹੜਾਂ ਦੇ ਕਾਰਨ ਕਰੀਬ 60 ਮੌਤਾਂ ਹੋ ਚੁੱਕੀਆਂ ਨੇ। ਸਾਡੀ ਸਰਕਾਰ ਨੇ ਜਮੀਨੀ ਪੱਧਰ ਤੇ ਲੋਕਾਂ ਦੀ ਮਦਦ ਕੀਤੀ ਅਤੇ ਹੁਣ ਵੀ ਕੀਤੀ ਜਾ ਰਹੀ ਹੈ।
ਅਸੀਂ ਸਰਕਾਰ ਦੀ ਤਰਫੋਂ ਲਗਾਤਾਰ ਲੋਕਾਂ ਦੇ ਨਾਲ ਜੁੜੇ ਹੋਏ ਹਾਂ ਅਤੇ ਇਸ ਦੁੱਖ ਦੀ ਘੜੀ ਵਿੱਚੋਂ ਨਿਕਲਣ ਦੀ ਪੂਰੀ ਕੋਸ਼ਿਸ਼ ਕਰ ਰਹੇ ਹਾਂ।
ਸੈਸ਼ਨ ਦੇ ਦੌਰਾਨ ਕਾਂਗਰਸ ਦਾ ਅਸਲ ਚਿਹਰਾ ਨੰਗਾ
ਉਹਨਾਂ ਨੇ ਕਾਂਗਰਸ ਤੇ ਤਿੱਖਾ ਹਮਲਾ ਕਰਦਿਆਂ ਕਿਹਾ ਕਿ ਸੈਸ਼ਨ ਦੇ ਦੌਰਾਨ ਕਾਂਗਰਸ ਦਾ ਅਸਲ ਚਿਹਰਾ ਨਜ਼ਰ ਆਇਆ ਹੈ। ਕੱਲ ਕਾਂਗਰਸ ਨੇ ਲਾਸ਼ਾਂ ਤੇ ਰਾਜਨੀਤਿਕ ਕਰਨ ਤੋਂ ਗੁਰੇਜ ਨਹੀਂ ਕੀਤਾ।
ਚੀਮਾ ਨੇ ਇਹ ਵੀ ਕਿਹਾ ਕਿ ਕਾਂਗਰਸ ਨੇ ਹਮੇਸ਼ਾ ਹੀ ਲਾਸ਼ਾਂ ਤੇ ਸਿਆਸਤ ਕੀਤੀ ਹੈ। ਕਾਂਗਰਸ ਲੋਕਾਂ ਨੂੰ ਹੜਾਂ ਵਿੱਚ ਫੰਡ ਨਾ ਦੇਣ ਦੀ ਅਪੀਲ ਕਰ ਰਹੀ ਹੈ।
ਉਹਨਾਂ ਕਿਹਾ ਕਿ ਕਾਂਗਰਸ ਚਾਹੁੰਦੀ ਹੈ ਕਿ ਪੰਜਾਬ ਇਸੇ ਤਰ੍ਹਾਂ ਹੀ ਡੁਬਿਆ ਰਹੇ। ਕਾਂਗਰਸ ਨੇ ਮਿਸ਼ਨ ਚੜਦੀਕਲਾ ਦੇ ਫੰਡ ਚ ਪੈਸੇ ਨਾ ਪਾਉਣ ਦੀ ਗੱਲ ਆਖੀ ਹੈ ਜਿਹੜੀ ਕਿ ਅਤਿ ਨਿੰਦਣਯੋਗ ਹੈ।
ਕਾਂਗਰਸ ਨੇ ਪੰਜਾਬ ਨੂੰ ‘ਕੰਗਲਾ ਪੰਜਾਬ’ ਬਣਾਇਆ
ਚੀਮਾ ਨੇ ਕਿਹਾ ਕਿ ਕਾਂਗਰਸ ਨੇ ਪੰਜਾਬ ਨੂੰ ‘ਕੰਗਲਾ ਪੰਜਾਬ’ ਬਣਾਇਆ ਹੈ। ਸਾਡੀ ਤਾਂ ਸਰਕਾਰ ਆਏ ਨੂੰ ਹਾਲੇ ਤਿੰਨ ਸਾਲ ਹੋਏ ਨੇ ਪਰ ਅਸੀਂ ਪੰਜਾਬ ਨੂੰ ਰੰਗਲਾ ਬਣਾਉਣ ਦੀ ਪੂਰੀ ਕੋਸ਼ਿਸ਼ ਕਰ ਰਹੇ ਹਾਂ।
ਆਪ ਸਰਕਾਰ ਆਪਣੀਆਂ ਨਿਕਾਮੀਆਂ ਨੂੰ ਛੁਪਾਉਣ ਵਾਸਤੇ ਅਜਿਹੇ ਡਰਾਮੇ ਕਰ ਰਹੀ ਹੈ- ਕਾਂਗਰਸ
ਦੂਜੇ ਪਾਸੇ ਕਾਂਗਰਸ ਪਾਰਟੀ ਦੇ ਵੱਲੋਂ ਚੀਮਾ ਦੇ ਇਸ ਬਿਆਨ ਦੀ ਸਖ਼ਤ ਆਲੋਚਨਾ ਕੀਤੀ ਗਈ ਹੈ। ਉਨ੍ਹਾਂ ਕਿਹਾ ਕਿ ਸੱਤਾਧਿਰ ਆਮ ਆਦਮੀ ਪਾਰਟੀ ਆਪਣੀਆਂ ਨਿਕਾਮੀਆਂ ਨੂੰ ਛੁਪਾਉਣ ਵਾਸਤੇ ਅਜਿਹੇ ਡਰਾਮੇ ਕਰ ਰਹੀ ਹੈ।
ਕਾਂਗਰਸ ਨੇ ਪੰਜਾਬ ਦੀ ਹਮੇਸ਼ਾਂ ਸੁੱਖ ਮੰਗੀ ਹੈ, ਉਜਾੜਾ ਤਾਂ ਦਿੱਲੀ ਆਲੇ ਪੰਜਾਬ ਦਾ ਕਰ ਰਹੇ ਨੇ। ਭਗਵੰਤ ਮਾਨ ਸਿਰਫ਼ ਨਾਮ ਦੇ ਮੁੱਖ ਮੰਤਰੀ ਹਨ।
