Fake Degree Racket: ਜਾਅਲੀ ਡਿਗਰੀਆਂ ਵੇਚਣ ਵਾਲੇ ਗਿਰੋਹ ਦਾ ਪਰਦਾਫਾਸ਼
Fake Degree Racket: ਵੈਸੇ ਤਾਂ, ਪੰਜਾਬ ਸਮੇਤ ਦੇਸ਼ ਦੇ ਕਈ ਹਿੱਸਿਆਂ ਵਿੱਚ ਜਾਅਲੀ ਡਿਗਰੀਆਂ ਦਾ ਧੰਦਾ ਜ਼ੋਰਾਂ ਤੇ ਚੱਲ ਰਿਹਾ ਹੈ। ਸੂਰਤ ‘ਚ ਫਰਜ਼ੀ ਡਾਕਟਰਾਂ ਦੀ ਗ੍ਰਿਫ਼ਤਾਰੀ ਜਾਰੀ ਹੈ।
ਸੂਰਤ (ਗੁਜਰਾਤ) ਵਿੱਚ ਇੱਕ ਫਰਜ਼ੀ ‘ਬੈਚਲਰ ਆਫ ਇਲੈਕਟ੍ਰੋ-ਹੋਮੀਓਪੈਥੀ ਮੈਡੀਸਨ ਐਂਡ ਸਰਜਰੀ’ (BEMS) ਡਿਗਰੀ ਵਾਲੇ ਗਿਰੋਹ ਦਾ ਪਰਦਾਫਾਸ਼ ਕਰਨ ਤੋਂ ਬਾਅਦ 10 ਫਰਜ਼ੀ ਡਾਕਟਰਾਂ ਸਮੇਤ ਕੁੱਲ 13 ਲੋਕਾਂ ਨੂੰ ਗ੍ਰਿਫਤਾਰ ਕੀਤਾ ਗਿਆ ਹੈ।
ਧੋਖਾਧੜੀ ਦੀ ਸੂਚੀ ‘ਚ ਇਸ ਵਾਰ ਸਾਹਮਣੇ ਆਇਆ ਇਹ ਮਾਮਲਾ ਤੁਹਾਨੂੰ ਹੈਰਾਨ ਕਰ ਦੇਵੇਗਾ। ਲੋਕ ਡਾਕਟਰ ਬਣਨ ਲਈ ਲੱਖਾਂ ਰੁਪਏ ਖਰਚ ਕਰਦੇ ਹਨ ਅਤੇ ਸਾਲਾਂ ਬੱਧੀ ਮਿਹਨਤ ਕਰਦੇ ਹਨ ਪਰ ਸੂਰਤ ਵਿੱਚ ਇੱਕ ਗੈਂਗ ਸਿਰਫ਼ 70 ਹਜ਼ਾਰ ਰੁਪਏ ਵਿੱਚ ਡਾਕਟਰਾਂ ਦੀ ਡਿਗਰੀ ਦੇ ਕੇ ਡਾਕਟਰ ਬਣਾ ਰਿਹਾ ਸੀ।
ਸੂਰਤ ਦਾ ਇਹ ਗਿਰੋਹ 8ਵੀਂ ਪਾਸ ਵਿਦਿਆਰਥੀਆਂ ਨੂੰ ਬੈਚਲਰ ਆਫ਼ ਇਲੈਕਟ੍ਰੋ-ਹੋਮੀਓਪੈਥੀ ਮੈਡੀਸਨ ਐਂਡ ਸਰਜਰੀ (ਬੀਈਐਮਐਸ) ਦੀ ਡਿਗਰੀ 70 ਹਜ਼ਾਰ ਰੁਪਏ ਵਿੱਚ ਦੇ ਕੇ ਡਾਕਟਰ ਬਣਾ ਰਿਹਾ ਸੀ।
ਇਸ ਮਾਮਲੇ ਵਿੱਚ ਹੁਣ ਤੱਕ 1200 ਦੇ ਕਰੀਬ ਫਰਜ਼ੀ ਡਿਗਰੀਆਂ ਦੇਣ ਵਾਲੇ 10 ਫਰਜ਼ੀ ਡਾਕਟਰਾਂ ਸਮੇਤ ਕੁੱਲ 13 ਲੋਕਾਂ ਨੂੰ ਗ੍ਰਿਫਤਾਰ ਕੀਤਾ ਗਿਆ ਹੈ।
ਪੁਲਿਸ ਨੇ ਦੱਸਿਆ ਕਿ ਤਿੰਨ ਮੁਲਜ਼ਮ 70,000 ਰੁਪਏ ਵਿੱਚ ਜਾਅਲੀ ਬੀਈਐਮਐਸ ਡਿਗਰੀਆਂ ਵੇਚ ਰਹੇ ਸਨ। ਇਨ੍ਹਾਂ ਦੀ ਪਛਾਣ ਬੀਕੇ ਰਾਵਤ ਵਾਸੀ ਸੂਰਤ, ਰਾਸ਼ੇਸ਼ ਗੁਜਰਾਤੀ ਵਾਸੀ ਅਹਿਮਦਾਬਾਦ ਅਤੇ ਉਨ੍ਹਾਂ ਦੇ ਸਾਥੀ ਇਰਫਾਨ ਸਈਦ ਵਜੋਂ ਹੋਈ ਹੈ।
ਪਰਦਾਫਾਸ਼ ਕਿਵੇਂ ਹੋਇਆ?
ਸੂਰਤ ਪੁਲਿਸ ਦੀ ਸ਼ੁਰੂਆਤੀ ਜਾਂਚ ਵਿੱਚ ਸਾਹਮਣੇ ਆਇਆ ਹੈ ਕਿ ਗੁਜਰਾਤੀ ਅਤੇ ਰਾਵਤ ਬੋਰਡ ਆਫ਼ ਇਲੈਕਟ੍ਰੋ ਹੋਮਿਓਪੈਥਿਕ ਮੈਡੀਸਨ, ਅਹਿਮਦਾਬਾਦ ਦੀ ਆੜ ਵਿੱਚ ਆਪਣਾ ਗੈਂਗ ਚਲਾ ਰਹੇ ਸਨ। ਇਨ੍ਹਾਂ ਲੋਕਾਂ ਨੇ ਡਿਗਰੀ ਰਜਿਸਟ੍ਰੇਸ਼ਨ ਲਈ ਫਰਜ਼ੀ ਵੈੱਬਸਾਈਟ ਵੀ ਬਣਾਈ ਸੀ।
ਮੁੱਖ ਦੋਸ਼ੀ ਰਸ਼ੀਸ਼ ਨੇ ਡਿਗਰੀਆਂ ਦੇਣ ਲਈ ਬੋਰਡ ਬਣਾਉਣ ਦੀ ਯੋਜਨਾ ਬਣਾਈ, ਪੰਜ ਲੋਕਾਂ ਨੂੰ ਨੌਕਰੀ ‘ਤੇ ਲਿਆ ਅਤੇ ਉਨ੍ਹਾਂ ਨੂੰ ਇਲੈਕਟ੍ਰੋ-ਹੋਮੀਓਪੈਥੀ ਦੀ ਸਿਖਲਾਈ ਦਿੱਤੀ ਅਤੇ ਡਿਗਰੀਆਂ ਵੰਡਣੀਆਂ ਸ਼ੁਰੂ ਕਰ ਦਿੱਤੀਆਂ।
ਕੁਝ ਸਮੇਂ ਬਾਅਦ ਜਦੋਂ ਫਰਜ਼ੀ ਡਾਕਟਰਾਂ ਨੂੰ ਪਤਾ ਲੱਗਾ ਕਿ ਲੋਕ ਇਲੈਕਟ੍ਰੋ ਹੋਮਿਓਪੈਥੀ ਬਾਰੇ ਸ਼ੱਕੀ ਹਨ, ਤਾਂ ਉਨ੍ਹਾਂ ਨੇ ਆਪਣੀ ਯੋਜਨਾ ਬਦਲ ਲਈ ਅਤੇ ਲੋਕਾਂ ਨੂੰ ਗੁਜਰਾਤ ਦੇ ਆਯੂਸ਼ ਮੰਤਰਾਲੇ ਦੁਆਰਾ ਜਾਰੀ ਕੀਤੀਆਂ ਡਿਗਰੀਆਂ ਦੇਣੀਆਂ ਸ਼ੁਰੂ ਕਰ ਦਿੱਤੀਆਂ। ਉਨ੍ਹਾਂ ਦਾਅਵਾ ਕੀਤਾ ਕਿ ਬੋਰਡ ਬੀਈਐਚਐਮ ਦਾ ਰਾਜ ਸਰਕਾਰ ਨਾਲ ਗਠਜੋੜ ਹੈ।
ਪੁਲਿਸ ਵੱਲੋਂ ਦਿੱਤੀ ਜਾਣਕਾਰੀ ਅਨੁਸਾਰ ਇਹ ਗਰੋਹ ਡਿਗਰੀ ਲਈ 70,000 ਰੁਪਏ ਵਸੂਲਦਾ ਸੀ ਅਤੇ ਸਿਖਲਾਈ ਵੀ ਦਿੰਦਾ ਸੀ। ਇਸ ਤੋਂ ਇਲਾਵਾ ਉਹ ਹਰ ਸਾਲ ਰਜਿਸਟ੍ਰੇਸ਼ਨ ਰੀਨਿਊ ਫੀਸ ਜਾਂ ਪ੍ਰੋਟੈਕਸ਼ਨ ਮਨੀ ਦੇ ਨਾਂ ‘ਤੇ 1500 ਤੋਂ 5 ਹਜ਼ਾਰ ਰੁਪਏ ਤੱਕ ਵਸੂਲਦਾ ਸੀ।
ਉਹ ਆਪਣੇ ਗਾਹਕਾਂ ਨੂੰ ਗਰੰਟੀ ਦਿੰਦੇ ਸਨ ਕਿ ਡਿਗਰੀ ਦੇ ਨਾਲ ਉਹ ਬਿਨਾਂ ਕਿਸੇ ਸਮੱਸਿਆ ਦੇ ਐਲੋਪੈਥੀ, ਹੋਮਿਓਪੈਥੀ ਅਤੇ ਅਰੋਗਿਆ ਵਿੱਚ ਦਵਾਈ ਦਾ ਅਭਿਆਸ ਕਰ ਸਕਦੇ ਹਨ।
